Spicy parmesan shrimp pasta
CEBU, Philippines — Maayong adlaw kanatong tanan! Kitang mga Pinoy kay makuryuso gyud og talagsaon nga putahi.
Karong adlawa, atong suwayan ang pagluto og “spicy parmesan shrimp pasta”.
Yes, dili malilong nga kitang mga Pinoy ganahan pud sa ubang pagkaon nga sikat pud sa laing nasud.
Swak kaayo kini alang sa mga tawo nga nangita og alternatibong pagkaon nga ihulip sa rice.Pahimutang na guys sa kusina ug magluto na ta!
Mga sagol:
1/3 tasa olive oil
1/4 cup parmesan cheese
4 lusak sa ahos (dugmuka)
1 kutsara brown sugar
2 kutsarita soy sauce
1/2 kutsarita red pepper flakes
1 pound medium shrimp
Asin ug ground black pepper
1 green onion (hiwaa)
8 ounces penne/ pasta
Pamaagi:
1. Sa usa ka medium bowl, isagol ang olive oil, parmesan, ahos, brown sugar, soy sauce ug red pepper flakes.
2 . Sa laing dako nga bowl, i-combine ang shrimp ug ang olive oil mixture (ang una nimo nga gi-mix); i-marinate og overnight.
3. Pabukali og inasinan nga tubig ang pasta aron mohumok, (sunda ang instruction nga naa sa sudlanan.) Habawaa ug ibutang sa sudlanan.
4. Idugang ang shrimp ug ang sauce mixture, inita og dos minutos. Ukaya og maayo ug dugangan og asin,ug pepper.
5. Mahimo na kini nga i-serve nga dunay pakapin nga parmesan , green onions ug ang ubang nahibilin nga sagol. (www.damndelicious.net)
Suma pa sa www.quora.com , ang kahadlok sa cheese gitawag og turophobia. Bisan paman sa kalami niini, aduna gyu’y mga tawo nga dili komportable og cheese.
* * *
Nagtangag og 25% nga hangin ang apple busa molutaw gyud kini kun ipahimutang sa tubig. Ang maong kasayoran namantala sa FB Page sa “Fun Facts.
* * *
Nahisgotan sa www.funfactz. com nga puwerti diay’ng mahala sa mga pinya niadtong 1700’s. Suma pa nga mamakyaw gyud og pinya kaniadto ang American colonists alang sa ilang mga party aron mahibaw-an gyud sa kadaghanan kun usa sila ka adunahan.
- Latest
