CEBU, Philippines — Tungod sa giatubang nga health crisis karon sa nasud, giangkon sa Kapuso actress nga si LJ Reyes nga naka-feel gyud siya og anxiety ug insomia.
“It's been hard. Ako lang ba? Or kayo rin?
I want to share that I haven't been sleeping well at night. Honestly, since Summer was born, puyatan naman talaga. Pero, napansin ko since 3 weeks ago, mas 'di ako makatulog talaga no matter how sleepy I am,” suma pa sa IG post ni LJ.
Bisan unsaon niya og dawat sa kamatouran, makahuna-huna gyud siya sa krisis karon.
“And it feels like an everyday battle --- every day trying different ways to put myself to sleep. Sabi sa akin baka stress.At this difficult time, sabi nila normal. Akala ko 'di ako nase-stress sa mga nangyayari. But maybe subconsciously, I am feeling it,” dugang pa sa aktres. Gipaagi ni LJ sa pag-ampo ang kasamtangan niya nga sitwasyon.
“Pero I have been praying every single day! Every second! And honestly, it calms me down,” matud pa ni LJ.
Usa pud sa rason nga maarang-arang ang iyang gibati mao ang presensya sa iyang partner nga si Paolo Contis.
“Kahit pa minsan pagod na ako sa mga jokes nya! Gusto n'yo ba kayo naman makarinig ng jokes nya? Kahit na 'pag ganitong nagta-try ako mag-selfie tapos bigla syang magpapa-KSP!Sa mga ganitong panahon, kasi worrier ako, narerealize ko bakit sya ang nasa tabi ko! ,” niya pa.
Zsa Zsa naka-recover na sa food poisoning
Malipayon si Zsa Zsa Padilla gumikan kay ni-okay na ang iyang kondisyon karon.
Kahinumdoman nga nakasinati ang singer og food poisoning sa miaging gabii.
Aminado si Zsa Zsa nga sensitive gyud ang iyang tiyan hinungdan nga magbinantayon na gyud siya sa iyang mga kaonon.
Maymay ug Edward, wala magtingog?
Niulbo karon ang chika nga matud wala nagtingog ang magka-loveteam nga sila si Maymay Entrata ug Edward Barbers.
Gikatahong gipapas ni Maymay ang kasagaran nga mga hulagway nila ni Edward nga naka-upload sa iyang Instagram account.
Matud pa nga gamay nalang ang nahibilin niini. Wala mohatag og rason si Maymay sa pagpapas niya sa mga hulagway ni Edward apan nagduda ang ilang fans nga posibleng dunay gamay nga panagbikil ang ilang mga idolo.
Apan dunay mga himantayon ang nilenggua nga basin “gipaasa” ni Edward si Maymay hinungdan nga nangloud kini.
Una na nga gibutyag sa miaging adlaw ni Maymay nga nakahukom sila ni Edward nga mo-focus sila sa ilang trabaho ug wala pa sa ilang huna-huna nga mosulod og usa ka relasyon. Apan nahibulong ang ilang fans sa gibuhat ni Maymay sanglit dili naman unta kinahanglan nga papason pa sa aktres ang mga hulagway nila ni Edward.
Ivana ug DJ Loonyo mipakilig sa fans
Bisan pa man nga gi-prank ra ni Ivana Alawi ang iyang inahan kun diin gipagawas niini nga uyab niya ang rising internet star nga si DJ Loonyo, gipangkilig gihapon ang fans sa duha.
Kasagaran sa ilang fans ang nipadayag nga naa ra’y chemistry sila si Ivana ug DJ Loonyo.
Nasayran nga taod-taod na nga single si Ivana ug na-trauma siya sa kanhi niya boyfriend gumikan kay gibinuagan siya niini.
Sikat kaayo si DJ Loonyo karong panahona gumikan sa iyang cute nga Tiktok Videos.
Mandy nang-hugyaw sa iyang fans
Nasurpresa ang fans sa singer nga si Mandy Moore human nipatim-aw kini og balik og nidalit kini og awit kanila.
Nahimout sila sa online performance sa ilang idolo nga nikanta sa iyang hit song kaniadto nga “Only Hope”.
Usa kini ka theme song sa pelikula nga “A Walk To Remember”.
Nikanta si Mandy pinaagi sa Instagram Live kauban ang iyang bana nga frontman sa Dawes nga si Taylor Goldsmith.
Suma pa ni Mandy nga karon pa siya kabalik og kanta niini.
Nasayran nga 20 ka tuig na ang nilabay sa katapusan niya nga pagkanta sa “Only Hope” ug nahitabo kini atol sa concert niya dinhi sa Pilipinas.
"This is the song I sang one time almost 20 years ago. I've sang it once in a concert in the Philippines, but not that long after," suma pa ni Mandy .
Aduna unta’y world tour si Mandy karong tuiga isip promosyon sa bag-o niya nga album nga “Silver Landings” apan nauswag kini tungod sa COVID-19 crisis.
"We're going to fold it into the tour in some regard, but we hadn't really quite figured out the right arrangement for it," matud pa ni Mandy atol sa iyang Instagram Live.
Mapasalamaton ang singer aa iyang fans nga nahimout og maayo sa iyang online performance.
So Ji Sub ug Jo Eun Jung, nagpakasal na
Malipayon gibutyag sa Korean actor nga si So Ji Sub nga nagpakasal na sila sa TV reporter nga si Jo Eun Jung.
Gikatahong nanumpa ang duha sa ilang panaghigugmaay niadtong Martes.
Giingong ang tagsa-tagsa nila nga pamilya ug pipila ka mga soud nga higala ang giimbitar sa maong espesyal nga okasyon. Ang relasyon sa duha gianunsyo niadtong 2019.