CEBU, Philippines — Gipaambit sa Kapamilya sexy actress nga si Ivana Alawi sa Instagram ang hulagway niya uban ang iyang pamilya samtang namutos og relief goods alang ngadto sa pamilya nga naapektuhan og maayo sa COVId-19 crisis."Pasensya na kayo sa itsura namin. Madaling araw na kami natapos mag-pack ng mga pagkain na ipapamigay namin sa mga kababayang nangangailangan ng tulong,"caption pa niini.
May cancer ang amahan
Gipahibalo sa singer nga si Ice Seguerra nga aduna'y cancer ang iyang amahan nga tua karon sa Amerika ug bag-o lang kining nahuman sa radiation treatment niini."Sa mga hindi po nakakaalam, may cancer si daddy. Nagsimula sa prostate kaso nag metastasize sa ibang parts ng bone niya. Okay naman siya. Katatapos lang ng radiation treatment," post pa niini sa social media.
Mitabang sa apektadong pamilya
Gipaambit ni Maine Mendoza sa Twitter nga nakatigom na siya og kapin tunga sa milyon ka pesos nga donasyon ,kini human sa usa ka semana nga nipahigayon og donation drive alang ngadto sa mga trabahante ug mamumuo nga grabeng naapektuhan sa COVID-19 crisis. Sigon pa ni Maine, nakapanghatag sila og financial support sa 587 ka mga pamilya. Tungod niini, nagpasalamat ang Kapuso star sa tanang nisuporta sa iyang kawsa.
Realization sa birthday
Nakaamgo ang Kapamilya star nga si Kathryn Bernardo atol sa iyang 24th birthday nga kinahanglan nga mobuhat siya og mga butang nga makahatag og katagbawan sa iyang kinabuhi. “Officially a year older today! The past few days have made me realize how precious life is, how we should live life to the fullest and cherish the little moments. Domore of what makes you happy!"post pa sa aktres.
Linahi nga selebrasyon
Nagpakaon ang Kapuso hunk actor Rocco Nacino ngadto sa frontliners sa mga suok nga lugar nga gipaubos sa community quarantine.Gisaulog sa aktor ang iyang 33rd birthday pinaagi sa pagtabang . Usa ka reservist sa Philippine Navy ang aktor."Oo nga, birthday ko, dapat nagsi-celebrate ako.' Pero... Sabi ko, 'Parang hindi kaya ng kunsensya ko. Gusto kong mag-ikot sa checkpoints at mamigay ng regalo,'" sigon pa ni Rocco.
Mihalad og awit
Ni-perform ang Parokya ni Edgar band vocalist nga si Chito Miranda sa “Bayanihan, Musikahan" nga usa ka fundraising avtivity nga gipasiugdahan sa mga local artists aron makabaton og pondo alang sa mga maglisod og pangita og pagkaon sa nagpadayong quarantine period.Gikanta niini ang mga awit nga “Sampip,” “Harana,” ug “Sorry Na".
Makalakaw na
Gipaambit sa ABS-CBN veteran broadcast journalist nga si Korina Sanchez ang usa ka video kun diin makita nga makamao na molakaw ang kaluha nga anak nila ni Mar Roxas nga silang Pepe ug Pilar."Well, milestone alert: Now they walk into the room! Palakpakan!"caption pa ni Korina sa maong video.
Nag-Tiktok
Nihimo og Tiktok dance entry ang gidungog nga mag-uyab nga sa si Franki Russell ug Marlon Stockinger. Mao kini ang usa sa ilang pampawala sa kalaay samtang nag-home quatantine. Gisayaw nila ang remix sa "U Can't Touch This" ni MC Hammer. Giimbitar sab ni Marlon ang iyang followers nga i-follow ang iyang TikTok account.
Sunod buwan na
Ipagawas sa Netflix karong Abril 22 ang “The Willoughbys” nga gibidahan nilang Will Forte, Maya Rudolph, Alessia Cara, Terry Crews, Martin Short, Jane Krakowski ug Ricky Gervais. Ang Willoughbys kay ubos sa direksyon ni Kris Pearn ug gisuwat ni Pearn Mark Stanleigh.
Nilugwa sa Showtime
Nihimo og first live appearance sa It's Showtime ang bag-ong nanganak nga Kapamilya host nga si Anne Curtis. Nagpahigayon ang maong noontime show og live no-contact episode diin nag-tsika ang mga hosts pinaagi sa video call gikan sa tagsa-tagsa nila ka panimalay. Sa episode niadtong Huwebes, nisayaw ang mga hosts sa bag-ong kanta ni Vice Ganda nga "Corona Ba- Bye Na."