Magpares sa teleserye
CEBU, Philippines — Human sa lima ka tuig, mobalik napud sa teleserye ang sikat nga Korean star nga si Kim Soo-Hyun pinaagi sa K-drama nga “It’s Okay to Not Be Okay”. Makapares niya sa maong proyekto si Park Shin-Hye.
Pipila sa mga sikat kaayo nga teleserye ni Kim kaniadto naglangkob sa “My Love from the Star” ug “The Producers” .
Ben & Ben mag-digital concert
Mohimo og digital concert ang OPM band nga Ben&Ben kaorng Biyernes , March 27, 7 p.m. ug manawagan sa katawhan nga tabangan ang mga tawo nga naapektohan sa COVID-19 pandemic.
Nasayran nga dunay mga tawo nga nawad-an og trabaho gumikan sa giatubang nga krisis karon sa nasud.
Ang maong digital concert nag-ulohan og “Puhon!” kun idalit nila ang ilang hit songs sulod sa usa ka oras nga livestream show.
“These challenging times will surely be remembered by many of us in the next few years.
But apart from our challenges encountered, we will definitely remember as well the stories that proved how resilient Filipinos are and how our bayanihan spirit prevails in times of need,” statement nga namantala sa website sa maong grupo.
Mystery guy ni Angelica
Nitumaw karon ang report nga matud pa duna’y bag-ong nagpapitik sa kasingkasing sa Kapamilya actress nga si Angelica Panganiban…
Ni-post si Angelica og throwback photo sa iyang Instagram account samtang kauban niya ang mystery guy sa pagtikang niya sa Burj Khalifa sa Dubai.
"At the top! Kakamiss!" suma pa sa caption niini. Katapusang nauyab ni Angelica mao si John Lloyd Cruz kun diin nagbuwag sila niadtong 2016.
Nahimo usab nga kontrobersyal ang bugnaw niya nga pagtinagdanay nila sa iyang ex-boyfriend nga si Carlo Aquino nga nakauban niya sa pelikulang "Exes Baggage” niadtong 2018.
Baby boy ang unang liwat
Malipayong gibalo sa magtiayong Max Collins ug Pancho Magno ang gender sa una nila nga anak.
Suma pa sa duha nga lalaki ang umaabot nila nga anak ug ilaha kining gibutyag pinaagi sa ilang YouTube channel .
Kahinumdoman nga nagpakasal sila si Max ug Pancho niadtong December 2017.
Sequel sa Train to Busan gikahinaman
Karon pa lang daan, nagpanikad na ang fans sa aktor nga si Kang Dong Won alang sa sequel sa blockbuster South Korean zombie film nga "Train to Busan" .
Ang "Train to Busan” nahimong blockbuster hit niadtong 2016 nga gibidahan nila ni Gong Yoo, Jung Yu-mi, ug Ma Dong-seok.
Ang sequel niini nag-ulohan og Peninsula. nga ubos sa direksyon ni Yeon Sang Ho .
Nalakip usab sa maong movie project mao sila si Lee Jung Hyun, Kwon Hae Hyo, Kim Min Jae, Go Kyo Hwan, Lee Ye Won, Kim Do Yoon, ug Lee Re.
Mapasalamaton sa donors
Nagpasalamat si Angel Locsin ngadto sa mga kaubang celebrities nga nitabang kaniya sa pagtukod og temporary mobile sleeping quarters sa Taguig alang sa frontliners nga walay puas sa pagtrabaho alang sa kampanya batok sa COVID-19 . Pipila sa nitabang niini mao sila si Vice Ganda, Anne Curtis, Paulo Avelino, Ryza Cenon, Angelica Panganiban, ug Bea Alonzo.
- Latest
