Nabasa namin ang mga pangalan nina Heart Evangelista, Isabelle Daza, Vina Morales, Cristine Reyes, at Bela Padilla sa ilang local celebrities na nagpahatid ng “get well” messages sa Hollywood actor na si Tom Hanks at misis nitong si Rita Wilson after ibalita ng actor na tested positive sila sa COVID-19.
Dahil sa comment ni Heart, may nag-tag sa kanya to follow for updates kina Tom, Rita at Coronavirus.
Speaking of Heart, nagkagulo na naman ang followers niya sa Twitter nang mag-post ng face mask na may nakasulat na “Hermes Paris” dahil akala ng mga nakakita, gawa nga ng Hermes at may nag-comment na classy ang face mask niya. May nakakatuwang comment pa na pinagmukha silang hampaslupa ni Heart. Pero sabi ni Heart, “Naku po! DIY po yung masks ko. Wala pong mask ang Hermes! Ginamit ko lang po ang ribbon ng mga paper bag!” at sinabi naman niya sa caption niya ng kanyang photo ang “Dahil wala magawa sa bahay need maging creative. Kaya natin toh.”
Nasa IG Story ni Heart kung paano siya gumawa ng DIY mask at sabi pa nito, “you can use any ribbon some are from perfume boxes.”
Anak ni Korina pinapahilot ng fans sa yaya para hindi tuluyang ma-piki
Hindi dine-delete ni Korina Sanchez ang comment ng isa niyang follower sa Instagram (IG) na nag-suggest na sabihan ang yaya ni Pilar, ang babae sa kambal nila ni Mar Roxas na hilutin ang mga binti ng bata bago tumayo para hindi maging piki.
Tinuruan pa ng follower ni Korina kung paano ang tamang hilot at kung ano ang chant na sasabihin para nga hindi maging piki ang bata. Nag-agree ang isa pang follower ni Korina at dapat, habang bata pa si Pilar hinihilot na ang mga binti nito. Sayang daw ang ganda ni Pilar kung magiging piki. May nag-comment din na makukuha pa sa hilot ang pagkapiki ni Pilar.
Bagong bahay gusto nang pasyalan ng mga kaibigan
Kapag natapos ang bahay ni Rocco Nacino, one month siguro ang pagho-host niya ng lunch or dinner dahil bukod sa press people na pinangakuan niyang itu-tour sa bagong bahay, nag-promise rin siyang iimbitahan sa bahay niya ang mga showbiz at non-showbiz friends.
Sa showbiz friends pa lang, maraming grupo na at kasama siyempre ang mga kasama niya sa Descendants of the Sun at ilang nakasama sa Party Pilipinas na kahit ‘yung lumipat na sa ABS-CBN ay tuloy ang komunikasyon nila.
Ang ganda ng bahay ni Rocco na ang pinakahuli niyang update, glass panels for the balconies, accent stone tiles at iba pang ihahabol niya para mas gumanda pa ang kanyang bahay.
Anyway, nagpapasalamat sina Rocco at Jasmine Curtis-Smith na tanggap ng viewers ng DOTS ang tambalan nila ni Jasmine.