Gihatagan dayon og proyekto

CEBU, Philippines — Human ni-renew  si Manolo Pedrosa sa GMA-7,   gikatakdang malakip ang aktor sa upcoming afternoon  series  nga Babawiin Ko Ang Lahat.

Malakip usab sa maong teleserye  sila si Pauline Mendoza, David Licauco, Kristoffer Martin, John Estrada, ug Carmina Villarroel. Produkto si   Manolo  sa reality show sa ABS-CBN nga Pinoy Big Brother. 

Gong Yoo pasok sa Wonderland

Gikatahong malakip  ang sikat nga Korean star nga si Gong Yoo sa pelikulang pagabitoonan nila ni Park Bo-gum.

Ang maong pelikula nag-ulohan og Wonderland nga ubos sa direksyon ni  Kim Tae Tong.

Nailhan si Gong Yoo sa mga  Pinoy  human kini nahimong bida sa hit  Korean drama  nga Goblin.

Iza, Jodi, Maricel ug Sam mag-uban sa teleserye

Sa  labing unang higayon , mag-uban sa usa ka proyekto    sila si   Iza Calzado, Jodi Sta Maria, Sam Milby, ug  Maricel Soriano pinaagi  sa bag-ong  teleserye sa ABS-CBN  nga Ang Sa Iyo Ay Akin.

Suma pa sa mga bida niini angayan atngan ang mga eksena  sa maong  family revenge drama .

"Pasabog! Cast pa lang. Actually kasi nung inupo ako dito it was first week of January nung sinabi na [makakasama sina] Jodi, Maricel, Sam, yung parang paano mo hindi tatanggapin ito, paano mo hindi gagawin? And then nung sinabi na si direk FM Reyes, pasabog talaga," saysay pa ni Iza nga namantala sa PUSH.

Samtang si Jodi sa iyang bahin, bag-ong karakter na usab ang masuwayan niya niining higayona.

"Na-excite ako agad doon sa story, na-excite ako doon sa character. New stories and new characters always excites me kasi. And I felt na parang ang challenging ng mga mangyayari, hindi lang story wise, kundi character wise. Nung pinitch yung story, parang hindi ako nakahanap ng rason para hindi ko siya gawin," suma pa ni Jodi. Nagpanikad na usab sa maong proyekto ang aktor nga si Sam.

"There's a lot of revenge stories, and a lot of affair or kabit stories, but this on—because the original title of the show is 'What Matters Most?' and for me bilang Gabriel I can relate to that title because may point sa kwento na you have to choose what is more important actually, yung pagiging asawa o yung pagiging magulang," matud pa ni Sam.

Showbiz career ni Claudine banhawon

Gikumpirmar  sa manager ni Claudine Barretto  nga si  Bianca  Lapus nga mobalik na ang aktres sa showbiz  sulod  karong tuiga

“I’m one of her close friends and I’ve been co-managing her with Star Magic since last year,” saysay pa ni Bianca sa exclusive interview  niini sa showbiz website nga PUSH .

Matud pa niya nga nagsugod na og diet si Claudine isip pagpangandam sa pagbalik niini sa showbiz.

“Nagpapaganda, nagpapa-sexy. Pine-prepare niya ‘yung sarili niya to make a comeback. She’s really excited to work again,” dugang pa niya.

Usa si Claudine sa mga produkto sa Star Magic  ug giila siya isip Optimum Star.

“As a co-manager, siyempre dalawa kayong nagpu-push. Siyempre alam naman nating she’s one of the original babies of Star Magic talaga. It just really happened that she’s back with Star Magic. More than a co-manager, as a good friend also I’m making other ways also para makatulong sa kanyang pagbabalik,” matud pa ni Bianca.

Suma pa nga dunay umaabot nga teleserye  si Claudine ug duna pu’y kasamtangan nga negosasyon aron malakip kini sa usa ka movie project.

Gitanyagan si Claudine og proyekto  sa laing istasyon apan gipili niini ang ABS-CBN  sanglit  dinhi gyud siya nagsugod.

Moira mokanta sa theme song sa Mulan

Wala damha sa singer nga si  Moira dela Torre nga maabot  sa punto sa iyang kinabuhi   nga maka-kanta  siya sa  theme song sa usa ka proyekto sa Disney.

Una na nga  gipahibalo sa Disney sa miaging adlaw nga si Moira ang  dela Torre ang mokanta sa  version sa  awit nga  “Reflection” alang sa  upcoming live action film  nga “Mulan.”

Una kini nga giawit  ni  Lea Salonga sa  1998 animated movie   nga “Mulan,” samtang ang  studio version niini gikanta usab ni  Christina Aguilera niadtong higayona.

Nagpanikad na og maayo  si Moira sa maong proyekto.

“It really felt like a full circle, because ‘Reflection’ is the first song I ever had to learn in full, because I had to sing it for a special number for our church's second anniversary. It was basically what opened the door for me to start loving music,” saysay pa niya  ngadto sa ABS-CBN News.

Dakong  dungog alang kaniya  nga mahatagan og  maong klase nga proyekto.

“It’s very cool because this happened. It’s crazy. I wouldn’t have believed that I would get to work with Disney for something as big as this. If you asked me this last year, I still wouldn’t believe it. It’s such a great opportunity, and I’m very grateful for it,” dugang pa sa singer.

Gidayeg sa concert king

Gidayeg sa Concert King nga si Martin Nievera ang talento sa pagkanta ni Miss Universe 2018 Catriona Gray. Kahinumdoman nga nagkaduet sila si Catriona ug Martin sa ASAP Natin To niadtong Domingo. Gikanta nila ang "Shallow" nga gipasikat nila ni Lady Gaga ug Bradley Cooper gikan sa Hollywood movie nga A Star is Born.

Nagkasoud sa IG

Nagkasoud na ang vlogger -actress nga si Ivana Alawi ug ang Hawaii-based Filipino beauty guru nga si Bretman Rock. Nagbinayloay og mensahe ang duha sa Instagram.

Naapektohan nga shows

Human sa Eat Bulaga, dugang nga mga show sa GMA-7 ang nisuspenso sa pagpasulod og mga studio audience gumikan sa hulga sa COVID-19.Kini naglangkob sa All-Out Sundays, Centerstage, Mars Pa More, Wowowin, Wowowin Primetime, Idol sa Kusina, The Boobay and Tekla Show, Sarap ‘Di Ba?, ug Tonight With Arnold Clavio.

Kever sa bashers

Gi-bash og maayo si Franki Russell sa dihang niulbo ang tsika nga duna sila’y relasyon sa ex-boyfriend ni Pia Wurtzbach nga si Marlon Stockinger. Gitambagan si Franki ni Marlon nga dili nalang tagdon ang istorya sa ubang tawo.

Mibisita sa mga kongresista

Nibisita sa miaging adlaw si Gerald Anderson sa House of Representatives. Gihatagan gyud og rekognasyon ang iyang presensya atol sa session. Nitikang usab siya sa buhatan sa Speaker of the House of Representatives nga si Senator Alan Peter Cayetano, ingon man usab sa buhatan nila ni Batangas Congresswoman Vilma Santos-Recto ug Leyte 4th District Representative Lucy Torres-Gomez.

Makahilak si Kim

Niaktibo na og balik si  Kim Chiu sa  social media usa ka semana ang  nilabay  human girakrakan ang u iyang van .    Makahilak  gyud si Kim kun maghuna-huna sa iyang kaagi sa maong insidente  .  Mapasalamaton si Kim sa kahitas-an gumikan kay walay nasamdan sa maong pagpamusil. “None of us was hurt. He is really powerful amongst us all. I must say it was a miracle. I could not explain the feeling but I know He was with us and so were our guardian angels,” suma pa niya.

Ehersisyo makatabang

Usa sa pamaagi ni   Gretchen Ho  sa paglikay  sa  COVID-19 mao ang pag-ehersisyo matag adlaw. Imortante matud pa ang pasingot karong panahona.

Pagmahal na nasud

Usa sa kampanya  ni Matteo Guidicelli  mao ang patigbabaw sa kabatan-onan sa pagmahal sa ilang nasud.  Si Matteo  maoy bag-ong ambassador sa  National Youth Commission (NYC) . “Actually we’ve been very active since last year when I joined the Philippine Army reserve with a lot of projects. It really correlates, it connects with the NYC and how we can support the youth to strengthen our country,” saysay pa niya ngadto sa GMA News.

Kiligon gihapon

Giangkon ni Maricar Reyes nga kiligon gihapon siya sa iyang bana nga si  Richard Poon bisan taod-taod na sila nga gikasal.   Dunay higayon nga dili siya maka-emote sa dihang nagkauban silang duha sa usa ka shooting.

Pangandoy ni Elaine

Gipangandoy sa  Tawag ng Tanghalan Season 3 grand champion nga si Elaine Duran nga maka-release og awit nga siya mismo ang nagsulat. "Kasi if ever na makita nila 'yung mga gawa ko... parang naibahagi ko rin kung sino ako as a person, " suma pa niya.

Mitodo gihapon

Usa ka hugyaw nga performance ang gidalit sa grupong SB19  atol sa paglugwa nila sa “It’s Showtime”.  Wala’y tawo sa studio  apan  todo gyud ang ilang pagsayaw nga ilang gidalit sa TV viewers.  Kahinumdoman nga  nakahukom ang ABS-CBN nga hunungon una ang pagpanawat og studio audience  gumikan sa hulga karon sa coronavirus disease (COVID-19).

“Love the Way U Lie”

Gipalugwa na ang  full trailer sa pelikulang “Love the Way U Lie” one nga kabahin sa  labing una nga Metro Manila Summer Film Festival (MMSFF). Sila si  Xian Lim ug Alex Gonzaga ang  mga bida niini.