CEBU, Philippines – Nihatag na sa iyang statement ang Sugbuanon nga aktor nga si Matteo Guidicelli kalabot sa “secret wedding” nila ni Sarah Geronimo .
Gipabuhagay ni Matteo ang iyang kalipay nga nag-uban na gyud sila sa babaye nga iyang gihigugma.
Ilaha kini nga gihilom gumikan sa “ private matters.”
“First and foremost, We would like to express the overwhelming joy, love and excitement we have in beginning our life together. We decided to keep everything as intimate as possible because of private matters,” suma pa sa iyang post sa Instagram.
Hapit na unta nga maperpekto ang maong okasyon apan duna’y mga panghitabo nga wala damha. Hugtanong usab niya nga gihimakak nga giksukmag niya ang body guard ni Sarah nga si Jerry Tamara.
“That evening was almost perfect until some unexpected events took place, but don’t worry I never ‘punched’ anyone. I will forever stand up and protect my wife just as how my father would protect my whole family,” saysay pa ni Matteo.
Nagpasalamat siya sa iyang pamilya sa pagdawat sa iyang asawa nga si Sarah.
“I would like to say thank you to my family for loving Sarah like a daughter.
Our family is growing and we are blessed.
Papa and mama, thank you for deeply loving and welcoming Sarah into our family,” dugang pa sa aktor.
Dako hinoun ang pagtoo ni Matteo nga maabot ra ang panahon nga ma-okay na ang tanan.
“In time, with God’s grace and Love, everything will heal and fall into place,” suma pa niya.
Gipahimug-atan ni Matteo ang pagsabwag nila sa tinud-anay nga gugma sa usag-usa.
“We are happy, we are blessed, and we are husband and wife! Let’s always celebrate life and love! Nothing will ever defeat pure honest LOVE. God bless everyone for your love and support!” niya pa.
Gibaligya na ni James
Gidayon ni James Reid ang plano niya nga pagbaligya sa iyang balay sa Quezon City nga maoy gipuy-an nila kaniadto sa iyang ex-girlfriend nga si Nadine Lustre.
“My house is for sale!” suma pa sa IG post ni James.
Nagtangag kini sa 1,000-sqm lot, tulo ka andana, 7 bedrooms, dako nga sala, duha ka dagkong kusina, a oundproof recording studio, swimming pool, gym, ug garage nga makapahimutang og unom ka sakyanan.
Human ni-post si James kalabot sa pagbaligya sa iyang balay, nakaingon ang fans nila ni Nadine nga hanap na diay ang posibilidad nga magbalik ang ilang mga idolo.
Mommy Divine, dugay ra nga nagpa-ugat
Makadaghan na diay nga higayon nga giplano nila ni Sarah Geronimo ug Matteo Guidicelli ang pagpakasal apan dili kini madayon gumikan kay dili gyud motugot ang inahan sa singer nga si Mommy Divine.
Giingong usa kini sa rason nga wala na pahibaw-a si Mommy Divine sa kasal nila ni Matteo ug Sarah niadtong February 20.
Samtang ang relationship counselor sa magtiayon nga si Letty Fuente nagkanayon nga nanumpa sila si Matteo ug Sarah pinaagi sa Christian wedding didto sa Victory Church sa The Fort ubos sa pagdumala ni Senior Pastor Paolo Punzalan.
Sukwahi kini sa unang nigawas nga taho nga gipaubos ang duha sa civil wedding.
"Akala ko mag-ka-counseling, dinner lang kami. You see, I was not dressed up. It’s always surprises. And this time it’s also a surprise not even the Guidicelli family knew about it. They only knew the day before. Para hindi na siguro mag-leak,” she said. Quoting what Geronimo told her, .’Tita we really decided on this’,” suma pa ni Fuentes sa interview niini sa reporter sa ABS-CBN News nga si MJ Felipe.
Gikumprimar ni Fuentes nga nag-gatecrash gyud sa wedding reception ug grabe ang pagsinggit niin.
Gipadayag usab niya nga natumba siya ingon man usab si Sarah human sila nagpatunga sanglit gusto sagpaon ni Mommy Divine si Matteo.
“Ito ‘yung nahulog ako, kasama si Sarah. She was pushed, kasi [pinipigilan] niya ‘yung mama niya, e. Naghahabulan. I was holding onto her. Pag-push sa kaniya, ang layo. Gulong. Natumba siya. For a while, matagal siya… Kasi nanginginig. Kasi ano gusto niyang sampalin si Matteo. She was ready for a fight,” suma pa ni Fuentes.
Gitataw usab niya nga wala siya kakiya nga nanukmag si Matteo sa body guard ni Sarah.
Gitambagan hinoun ni Fernandez si Sarah nga pasayloon niya ang iyang inahan.
"All these things, I was telling her, forget it, forgive your mom, this is just a revelation. In time, just pray more. Many people will pray for you," suma pa niya.
Cebuano dancers nataypan ni JLo
Nakakuha og atensyon sa sikat nga singer nga si Jennifer Lopez ang abilidad sa pagsayaw sa usa ka grupo nga nagpuyo sa Cebu City.
Makita sa video nga nitodo gyud sa pagsayaw ang maong grupo sa #jlotiktokchallenge, samtang gipatukar ang hitsong ni Jennifer. Ang maong video sa grupo ni Daryl Alindao gi-share gyud ni JLo sa iyang Instagram account ug duna kini caption nga ,” love it.”
Sue ug Javi nagkasinabtanay na?
Niulbo karon ang chika nga nagkahigugmaay na sila si Sue Ramirez ug Javi Benitez nga nagkauban sa action film nga “Kid Alpha One”.
Sa ilang mga post sa Instagram, makita ang sweet kaayo nila nga mga hulagway.
Nag-uban usab ang duha sa miaging semana nga nanuroy sa usa ka resort.
Katapusang nauyab ni Sue mao ang miyembro sa BoybandPH nga si Joao Constancia .
Dili uso ang honeymoon
Gibutyag ni Mikael Daez nga wala na sila’y plano nga mag-honeymoon sa iyang asawa nga si Megan Young.
Sulod sa siyam ka tuig sa ilang relasyon, kanunay na nga manglarga ang duha sa nagkalain-laing dapit sa kalibutan.
“Wala na, wala nang honeymoon,” nagkatawang gibutyag ni Mikael. Target usab sa bag-ong magtiayon nga makalarga puhon sa South America. Wala pa’y plano ang duha nga makabaton og anak.
Kahinumdoman nga kaduha gikasal sila si Megan ug Mikael nga nahitabo niadtong January 10 didto sa sa Caleruega Church sa Batangas. Ang ikaduhang kasal, gipahigayon sa Subic, Zambales niadtong January 25 .
Hello, Love, Goodbye dunay Part 2?
Maayo moarte
Tsika pa ni Arjo Atayde nga ang seryeng 24/7 mao una niya nga proyekto nga nakapares niya si Julia Montes. Suma pa ni Arjo nga nakauyon siya sa ka maayo moarte ni Julia. Ang husay niya talagang artista,” suma pa ni Arjo.
“Ngayon Kaya”
Sa labing unang higayon, magpares sa pelikula sila si Paulo Avelino ug Janine Guttierez. Ang maong pelikula nag-ulohan og "Ngayon Kaya." Kalabot kini sa maghigala panahon sa kolehiyo ug nagkita og balik human sa lima ka tuig .
Target ni Carlo
Nagmalaumon si Carlo Aquino nga mahibalik puhon ang panaghigalaay nila sa iyang ex-girlfriend nga si Angelica Panganiban. “Oo, kasi sayang, eh, di ba? Totoong tao rin naman si Angge, mabait. So kahit ‘yung friendship,” suma pa ni Carlo.
Busy na si Pops
Niaktibo na og balik sa showbiz si Pops Fernandez ug gawas sa iyang pagkalakip sa show ni Alden Richards sa GMA-7 nga Centerstage, gikatahong duna pud siya’y umaabot nga pelikula. Nasayran nga mo-click gihapon ang mga concert ni Pops nga nagtimailhan nga milutaw gihapon ang iyang karisma ngadto sa publiko.
Natinoud ang sagpa
Dili pa lang dugay, nakusog og maayo ni Sylvia Sanchez ang pagsagpa kang Joey Marquez sa usa ka eksena nila sa teleseryeng Pamilya Ko. Wala nakabantay si Sylvia sanglit nadala ra gyud siya sa maong eksena.
Proud sa mga direktor
Dakong garbo alang kang Tony Labrusca ug Marco Gumabao nga makatrabaho ang mga banggiitang direktor nga sila si Joel Lamangan ug Ricky Lee. Ang mga nahisgotang direktor maoy nagpaluyo sa pelikula nila sa Viva Films nga Hindi Tayo Pwede kun diin kauban nila si Lovi Poe.
Mibalik sa pag-arte
Malipayon ang kanhi produkto sa That’s Entertainment nga si Don Umali gumikan kay nakaarte siya og balik atubangan sa kamera. Nalakip si Don sa niaging episode sa Magpakailanman kun diin nakauban niya si Glydel Mercado.
Joanna nagminyo na
Malipayong gianunsyo ni Joanna Ampil nga nagpakasal na sila sa iyang hinigugma nga si Faust Peneyra sa miaging semana."And just like that, got married to my favourite person @fausteenojose 20/02/2020," suma pa sa iyang IG post.
Balik-trabaho na
Gipadayon na ang shooting sa pelikula nila ni Pia Wurtzbach ug Vhong Navarro. “Back in Manila and back at work shooting for our movie. It took some time to get started again but we're sooo back and ready to do this,” suma pa sa iyang post sa IG.
Kever sa bugmaw
Wala panumbalinga ni Bela Padilla ang kabugnaw sa South Korea gumikan kay nagsul-ob lang gihapon kini og sexy outfit samtang nag-atubang sa kamera. Kuha ang maong hulagway samtang nag-shoot si Bela sa usa ka pelikula kauban ang Korean actor nga si Kim Gun-Woo.