Nitikang sa taping

CEBU, Philippines – Nabatyagan  si Sarah Geronimo  sa  ABS-CBN compound   kagahapon alang sa taping sa The Voice Teens.

Giingong nagsilbi kini nga tubag kun tinoud ba nga nagpakasal na sila si Sarah ug sa iyang Sugbuanon nga boyfriend  nga si Matteo Guidecelli.  Una na nga nigawas ang tsika nga kagahapon ang   ilang kasal.

Pabilin nga   nangutana ang ilang fans kun kanus-a gyud mopaso paingon sa  altar sa  kaminyoon ang ilang idolo.

Julia, graduate na sa mga love team!

Gihulagway  ni  Julia Barretto    nga  challenging  gyud kaayo ang  iyang  role sa  upcoming iWant series nga  “I AM U”  kun diin duha ka mga karakter ang iyang gidala. Dakong garbo alang kaniya nga nakasuway na og proyekto nga lahi sa iyang gipangbuhat kaniadto.

“I am now able to just be free. I’m just very excited kasi magkakaroon na ako ng opportunities with other actors and actresses,” saysay pa niya nga namantala sa PUSH.  Suma pa ni Julia nga ni-graduate na siya  sa mga permanente nga ka-love team.

“Graduate na ako sa being permanent in a love team. I’m blessed to have experienced that. Don’t get me wrong. I have graduated from that phase in my career. And ‘yung kilig naman you know I still enjoy doing rom-coms. And hopefully I can still do rom-dramas and more edgier roles,” dugang pa niya.

Iyaha hinuon nga girespeto  ang iyang kanhi boyfriend nga si Joshua Garcia  kinsa ka-love team sa iyang higala nga si Janella Salvador.

“Siguro ‘yung choice ni Joshua to still be in that path in his career which is in the love team phase, I respect that. Ako kasi I think I’ve graduated from that phase. And I’m very happy to be already in the phase of my career na mas mature na ‘yung nagagawa ko. Na mas marami na po akong nakakatrabaho. And mas free na po ako sa pagpili ng projects,” matud pa niya.

Panahon na matud pa nga mo-explore sa bag-ong istado sa iyang career.

“Hindi na po ako parang nasa isang box na lang po. Parang I can now explore as an actress. You know, the different genres and to be able to work with different leading men and different kinds of materials, different kinds of directors,” niya pa.

Gipistahan ang teaser

Wala pa gani naabot og 24 hours gikan sa pag-upload niini, nakalangkat dayon og kapin sa  1.6 million views ang teaser sa pelikulang  Hindi Tayo Pwede nga ubos sa Viva Films. Ang maong pelikula gibidahan nila ni Marco Gumabao, Tony Labrusca ug Lovi Poe.  Mosikad na kini sa mga sinehan karong March 4.

Nakanselar ang show

Dili madayon ang gikatakdang pagtikang sa  Korean actor nga si Ji Chang Wook dinhi sa nasud karong buwana.    Ang  gikabalak-an  nga coronavirus o COVID-19 maoy rason nga nakanselar ang maong kalihokan.

Magpabilin sa GMA

Ni-renew sa ilang kontrata sa  ABS-CBN sila si Ogie Alcasid , Carlo Aquino, JC De Vera, Karla Estrada, Melai Cantiveros-Francisco ug Kit Thompson. Mapasalamaton sa ABS-CBN ang maong mga artista gumikan kay wala gyud nabakante ang ilang career.

Gidayeg nga eksena

Nakadawat  og daghang mga pagdayeg ang episode sa “Make It With You”  sa miaging gabii  gumikan  kay nipakita kini og lahi nga labok.  Naandan na nga kung dunay away nga eksena sa duha ka babaye, magsininggitay  ug magsinagpaay gyud, apan sa eksena nila  ni Rio (Katarina Rodriguez) ug  Billy (Liza Soberano),  nagbinatoay lang kini  og mga pulong  nga dout sa bukog.

Happy lang

Nakat-onan  ni  Cristine Reyes nga kinahanglan nga magmalipayon sa kinabuhi bisan pa man nga dunay mga pagsulay nga maagian. "Siguro na-discover ko na dapat maging happy ka lagi sa buhay mo. Kasi hindi naman mawawala ang problema natin. Laging mayroon at mayroon at nasa pagdadala mo 'yon. Kung iiyak ba lagi, malulungkot ka ba lagi. Ikaw lang 'yung mahihirapan sa buhay mo,” saysay pa niya sa dihang siya sa Magandang Buhay.

Enchong target ni Alexa

Gipangandoy  ni  Alexa Ilacad nga makatrabaho o maka-love team  niya ang aktor  nga si Enchong Dee.  Nasayran nga taod-taod nga soud  nga maghigala  sila si Enchong ug Alexa.“ Sana po ay maging love team ko na si Enchong. 'Yun na po ang wish ko,” suma pa sa aktres.

Dugangan ang anak

Nagplano na ang magtiayong Toni Gonzaga ug  Paul Soriano nga  sundan na ang ilang anak nga si  Seve. Suma pa  ni Toni nga posibling  mahitabo kini karong tuiga.

Tinud-anay nga higala

Tsika pa ni Angelica Panganiban nga suwerte kaayo siya gumikan kay nakabaton siya og best friend    nga   nipangga gyud kaniya.  Ang aktor nga si John Prats maoy gipasabot sa aktres."May mas lalambing pa ba sa kaibigan kong ‘to? Napakakumportable ko sa iyo, pets. Napakabuti mo kasing tao,”  mensahe pa ni Angelica ngadto kang John kinsa nagsaulog sa iyang birthday niadtong Valentine’s Day.

Mopainit sa viewers

Grabe matud pa ka-sexy ang tema sa   umaabot nga teleserye ni Ivana Alawi nga  Ang Lihim ni Ligaya. Ang Dreamscape Entertainment maoy mo-produce niini.

Magpakasal na?

Nitumaw  ang tsika nga  sulod karong tuiga magpakasal sila si  Senator Sherwin Gatchalian ug Bianca Manalo . Gibandera na sa duha ang  ilang relasyon sa social media.

Misalig sa uyab

Masaligon si Barbie Forteza nga dili gyud magluib  kaniya ang iyang boyfriend nga si  Jak Roberto . Suma pa sa aktres nga matinud-anon nga pagkatawo  si  Jak ug mao kini ang iyang naoberbahan samtang nagkadugay ang ilang relasyon.

Cassy pasok sa First Yaya

Dakong garbo alang kang  Cassy Legaspi nga malakip sa usa ka teleserye nga naghatag og importansya sa mga yaya.   Nasayran nga nalakip  si Cassy sa upcoming series nila ni Marian Rivera ug Gabby Concepcion nga First Yaya.

Usa ka gatos ka ang-ang ni Maria!

Kahibawo ko nga nagpanikad na mo sa inyong pagbakasyon sugod karong adlawa tungod kay long-weekend man. Kun nagplano mong mo-suroy sa mga lugar sa kinatumyang bahin sa amihanang Sugbo, diay lugar nga pwede ninyong hapiton alang sa pagpangamuyo ug pagpangayo ninyo og giya sa Kahitas-an.

Dali na ug dungan tang mosaka sa 100 steps to Mother Mary sa Shrine of Our Lady of the Miraculous Medal sa La Paz, Bogo City.

Sa personal nakong kasinatian, daghan na gyud kaayo kong mga gipangayo dinhi nga nahatagan gyud og katumanan. Usa na niini ang akong gihangyo nga makahuman ug makapasar sa board exam ang akong igsuong engineer, ug tuod man, sa kanunay nakong anhi dinhi, iya kining gitubag.

Busa sa mga kaigsuonan nakong mga Katoliko, dako kaayo ang akong kahimuot nga ipaambit kini kaninyo.

Adunay 100 ka ang-ang  ang  hagdanan  sa maong lugar paingon sa dakong imahe sa Birhen Maria  nga nahimutang gyud sa bukid.

Mas mamahimong meaningful ang imong pagdalit og ampo dinhi tungod sa sakripisyo nga imong buhaton sanglit matud pa, matag ang-ang, usa ka Maghimaya ka Maria ang imong paga-ampoon hangtud nga maabot ka na sa kinatumyang bahin niini.

Sa pag-abot nimo sa ibabaw nga bahin, kita kaayo nimo ang halapad nga lugar sa sa dakbayan sa Bogo.

Preskong hoyohoy sa hangin sa palibot maoy labing una nimong masinati.

Gumikan sa kahilom ug kamingaw sa maong lugar, perfect spot kaayo ni sa pagpahigayon nimo og one-on-one talk sa Mahal nga Birhen Maria ug sa Labaw'ng Makagagahum.

Sa maong paagi, mapadayag gyud nimo og maayo  ang imonga mga pag-ampo sa Kahitas-an.

Adunay mga baligyang  nga kandila dinhi nga pwede nimo idagkot sa maong shrine.

Kasagaran sab sa akong makita nga mga pamilya nga magpanun og anhi gikan sa mga lagyong dapit, mag-bitbit sila og mga pagkaon ug dinhi magpahigayon sa ilang picnic inig human nila'g ampo sanglit aduna may halapad kaayong katambayan kilid sa maong shrine.

Sayon lang kaayo  ang  pag-anhi, gikan sa North Bus Terminal, mosakay lang ka'g bus nga may marka nga Bogo, ingna ang konduktor nga monaog ka sa eskina sa  Baranggay La Paz, Bogo ug moplete lang ka'g P140.00.  Sud sa duha ka oras kapin, maabot ka na sa maong Shrine.

Sayon lang sab kaayo kining tultulon tungod kay anaa lang gyud kini mahimutang sa highway ang lugsangan niini.

Busa mga kaigsuonan, labaw pa sa atong mga laag-laag portion sa kinabuhi, di sab nato kalimtan ang pag-explore sa mga lugar nga makapahimo natong duol sa Kahitas-an ug mas makapa lig-on sa atong relasyon ngadto kaniya.

Pagyabo og tubig, komedya lang

Walay plano nga mopatol   si Coco Martin  sa gibuhian nga istorya ni  Robin Padilla  kalabot kaniya.

Kahinumdoman nga sa usa ka conversation tali nila ni Robin ug sa usa ka netizen. Gisultihan sa   aktor   ang maong nitezen nga ingnon si Coco nga dili na yab-an og  tubig ang iyang mga crew sa Ang Probinsyano.

Nahisgotan usab ni Robin ang isyu ni   Coco sa usa ka location manager sa maong teleserye. Hinuon dunay mga soud nga higala ni Coco ang nipadayag nga dili tinoud ang gipanulti  ni Robin.

Samtang ang  Dreamscape Entertainment nga maoy naghupot sa Ang Probinsyano,  nipadayag kini nga dili gyud momaltrato si Coco sa ilang mga   staff.   Suma  pa  nga komedya ra kini sa mga staff ug crew nga magduwa-duwaog tubig inigkahuman sa taping. “Coco does not maltreat his staff and crew. Yung buhos tubig ay matagal na nilang laro sa mga teleseryes niya.

Kapag napa-pack-up ang taping, buhusan ng tubig ang katuwaan nila.Hindi lang naman sa Ang Probinsyano nangyari yung biruan nilang buhusan ng tubig.

Kahit noon sa Juan dela Cruz, ginagawa na rin nila yan at wala namang napipikon,”  suma pa sa  taga Dreamscape nga gipadala ngadto sa showbiz website nga PUSH.

Ariyos ni Kathryn tag-P300K

Mahiligon gyud sa mga talagsaon nga ariyos ang aktres nga  si Kathryn Bernardo. Duna napud siya’y bag-ong gidugang sa iyang   mga collection.

Trending sa social media kagahapon ang ariyos  ni Kathryn nga  pinalit niya sa laing nasud. Suma pa sa report sa Metro.Style, ang maong ariyos  sa Kathryn nagikan sa  Maria Tash Dubai nga nagkandtidad oh  P300,000.

Sa YouTube channel ni Kathryn nga "Everyday Kath" , adunay pipila ka episodes nga gibida niya ang mga collection niya nga ariyos.