Maricar mapasalamaton kang Mr. M

CEBU, Philippines – Nipadangat  si  Maricar Reyes-Poon sa iyang birthday greeting  ngadto sa iyang mentor nga si  Johnny Manahan pinaagi sa Instagram.

Suma pa ni Maricar nga dako gyud siya og pasalamat kang Mr. M gumikan kay dako gyud kini og natabang sa iyang showbiz career.

“Today was such a BUSY day... but I can’t end it without honoring my manager--- Star Magic's Mr. M --- with a birthday post. This man helped me through the toughest time in my showbiz career. He was the first to be brutally honest about the realities of the entertainment industry & how I should face it. A true guiding light to so many artists.   I will always be grateful for you  Happy Birthday!! #REALmentorsAREbrutallyHONEST

#HappyBirthdayMrM,” suma pa sa Instagaram post ni Maricar niadtong Martes.

Simpatiya ni Dingdong

Nihatag og   suporta  ang Kapuso star nga si Dingdong Dantes  ngadto sa ABS-CBN kalabot sa  franchise  issue niini.   “Magkaiba man ng bakod, we are one in the media industry. We have one love for the many talents and crafts under this Network, the products and output of which, directly or indirectly, benefit the lives of millions of Filipinos,” tweet pa sa aktor.

Hugyaw ra

Nalakip  si  Ruffa Gutierrez sa bag-ong  teleserye nila ni Xian Lim ug  Kim Chiu nga Love Thy Woman sa ABS-CBN. Suma pa ni  Ruffa nga  angayan gyud atngan ang matag eksena niini gumikan sa nindot kaayo nga mga linya sa cast niini. “Masasabi ko talagang as a viewer, talagang aabangan mo talaga. Exciting kasi very campy ‘yung mga dialogues,” suma pa ni Ruffa.

Dili madutlan

Gi-bash og maayo si kanhi Senator Jinggoy Estrada sa dihang nigawas ang taho nga duna siya’y umaabot nga pelikula.   Apan kever lang si Jinggoy niini. Matud pa niya nga naanad na siya  niini busa dili kini katumpag kaniya.

Panglantaw sa KathNIel

Nagmalaumon  sila si Kathryn Bernardo  ug Daniel Padilla  nga makadawat gihapon sila og init nga suporta sa publiko ang upcoming movie nila nga After Forever.  Kahinumdoman nga taod-taod nga nipahuway ang ilang tandem.  Mapasalamaton sila gumikan kay  makatrabaho gihapon nila si  Direk Cathy Garcia-Molina. “We are very, very excited. Nung 2019 wala kasi kaming ginawa ni DJ kahit soap or movie. Kinailangan namin pareho ‘yung break na ‘yon. Ngayon finally babalik na kami sa big screen with direk Cathy again. Ibang experience na naman ito,” suma pa ni  Kathryn.

Misulod sa Probinsyano

Sila si  Shaina Magdayao, Barbie Imperial, ug  Isabelle de Leon maoy bag-ong gidugang  nga mga artista  sa ‘Ang Probinsyano’ . Kahinumdoman nga  ubay-ubay na ka mga artista ang nakalugwa na sa maong teleserye nga gibidahan ni Coco Martin.

Lahi diay?

Niulbo karon ang tsika nga dili diay sunod buwan mahitabo ang kasal  nila ni   Matteo Guidicelli ug  Sarah Geronimo.  Suma pa nga ang ginikanan diay ni Sarah nga sila si  Delfin ug Mommy Divine  ang mopaso paingon sa altar sa kaminyoon  alang sa ilang renewal of Vows sunod buwan.  Tak-om pa si Sarah  kalabot sa maong report.

KSP

Gihimo  na lang nga kataw-anan  sa netizens   ang  mga mugna sa negosyante nga si Xian Gaza kinsa nagpadala na usab og sweet nga mensahe kang  Nadine Lustre.  Suma pa sa netizens nga dili na na angayan nga seryosohon ang mga post  sa maong tawo gumikan kay hagbay ra kini nga KSP  o “kulang sa pansin”.

Reaksyon giatngan

Giatngan karon sa mga tsismosa ang reaksyon  sa ex-boyfriend ni Pia Wurtzbach  nga si  Marlon Stockinger  kalabot sa tsismis nga duna nay bag-ong inspirasyon ang beauty queen. Una na nga nigawas ang taho nga kanunay na nga ka-date ni Pia  ang social media influencer nga si Jeremy Jauncey.

Seryoso sa trabaho

Tsika pa ni  Nora Aunor  nga bisan  naglain  ang iyang lawas, dili gyud siya  mo-absent sa taping sa bag-ong afternoon drama series sa  GMA-7 nga Bilangin ang Bituin sa Langit. “Kahit na masama ang pakiramdam ko, talagang nagti-taping ako. Hindi ako nali-late,” matud pa sa beteranang aktres.

Mga banggiitan

Dakong garbo alang kang  Christopher de Leon nga nakatrabaho na niya ang mga banggitang direktor sa industriya nga sila si  Eddie Romero, Lino Brocka, Ishmael Bernal, Celso Ad Castillo,  ug Gerry de Leon. Proud usab siya nga gipadayag nga national artists ang uban niini.

Excited na kang Paulo

Naghinam-hinam  na si Jane de Leon  nga makatrabaho   si Paulo Avelino.  Una na nga nigawas ang balita sa miaging adlaw nga  si Paulo maoy leading man   ni Jane sa upcoming movie niya nga Darna.

Mibayad og buwis

Giklaro sa ABS-CBN  nga   nagbayad  sila  og  buwis  ug  wala gyud sila napakyas sa ilang mga obligasyon sa gobyerno. “Tapat ang ABS-CBN sa pagbabayad ng buwis sa gobyerno. Sa katunayan, binigyan ng Bureau of Internal Revenue (BIR) ang ABS-CBN ng Tax Clearance Certificate noong 2019, na isang katibayan na wala itong pagkukulang sa BIR,” tipik statement sa ABS-CBN.

Gidayeg ni Charo

Nakadayeg   ang veteran actress  nga si Charo Santos-Concio ngadto sa co-star niya sa pelikulang "Whether the Weather is Fine" nga si Daniel Padilla.Maayo matud pa moarte  si Daniel.   Suma pa ni Charo nga layo gyud og maabtan  si Daniel.