Andam na mahigugma og balik

CEBU, Philippines – Taod-taod na nga single ang online sensation nga si Ivana Alawi busa andam na siya mosulod pagbalik og usa ka relasyon.

"I've been single for a long time. Kaya I think it's time," saysay pa ni Ivana.

Lalaki nga matinud-anon kaniya maoy gipangita ni Ivana.

"Someone who's going to love me for myself, 'yung hindi manloloko.

Ayaw ko ng manloloko.Hindi naman ako naghahanap ng sobra-sobrang guwapo 'yung tama lang.  Gusto ko Pinoy," dugang pa niya.

Sa pagka-karon , nangandam na si Ivana sa umaabot niya nga projects sa ABS-CBN ug usa na niini mao ang teleseryeng Ligaya.

Simpatiya ngadto sa ABS-CBN?

Nigawas gyud  ang pagkahimantayon  sa pipila ka viewers    ug nipadangat sila sa ilang kaugalingong obserbasyon sa gipanul-ob  sa  GMA news anchors nga sila si  Vicky Morales, Pia Arcangel ug  Atom Araullo sa live broadcast sa  24 Oras sa miaging gabii.

Si Vicki nagsul-ob og  green nga dress, samtang  si  Pia naka-red nga dress ug blue usab na suit  kang  Atom.

Dunay  netizen ang nag-post sa social media og screenshot sa tulo ka  GMA News anchors ug nakabantay sa kolor sa ilang mga  outfit.

Ang green, red ug  blue maoy   kolor  nga naa sa  logo sa kaatbang sa  GMA-7, ang ABS-CBN.

Nangutana ang  netizen: "Did... did the 24 Oras reporters really wear ABS-CBN’s theme colors??? Is this a coincidence??? Is this media solidarity???"  My heart is soft."

Usa sa nipadangat og komento sa maong    post sa netizen mao ang  Kapamilya singer nga si si Lea Salonga.Suma pa ni Lea, "Looks like solidarity to me!"

Kahinumdoman nga   ubay-ubay na ka mga personalidad ang nipadangat og simpatiya ngadto sa ABS-CBN kalabot sa franchise issue  nga giatubang niini.

Donghae mag-solo na

Mag-solo     na ang  miyembro  sa South Korean group nga  Super Junior nga si  Donghae ug duna siya’y  kanta nga i-release puhon.

Ang maong  kanta nag-ulohan  og   “Harmony”  ug kauban niya  ang South  Korean rapper nga si  BeWhy.

Kahinumdoman nga 15 ka tuig  nga miyembro si Donghae sa Super Junior.

Goblin star mipanaw

Mipanaw  na ang  Korean actress nga si Go Soo Jung sa edad nga 24 .

Wala gidetalye  sa kampo sa aktres partikular na ang talent agency niya nga Story J Company   kun unsa nga sakit ang namatyan niini.

Kagahapon pa lang  gibutyag  sa  Story  J ang maong  balita apan pag-Domingo pa diay gilubong ang aktres.

“A few days ago, actress Go Soo Jung bid farewell to this world and became one of the bright stars in the sky. We will always remember actress Go Soo Jung and her glowing smile which brightened the world.Please wish her a safe passage,”  suma pa sa  Instagram post sa maong talent agency nga gi-translate sa  showbiz website nga  Soompi.

Nailhan  si  Go Soo Jung niadong  2016 gumikan sa  Korean drama nga Goblin  nga gibidahan nila ni Gong Yoo, Kim Go-eun ug  Lee Dong-wook.

Nilugwa usab ang  aktres sa TV series nga Solomon’s Perjury.

Nalakip usab  siya sa music video sa kanta sa BTS nga  “With Seoul.”