Bea-Lloydie tandem banhawon?

CEBU, Philippines – Niulbo  karon ang tsika nga matud pa subling mag-uban sa usa ka pelikula sila si John Lloyd Cruz ug Bea Alonzo.

Nasigpatan ang duha ng nag-uban sa usa ka restaurant sa Makati sa miaging adlaw.

Kauban usab nila ang mga direktor nga sila si Antoinette Jadaone ug Dan Villegas.

Sa laing bahin,  duna puy laing movie project  si John Lloyd nga gisugdan na og gama.

Mao kini ang film adapation sa short story nga Servando Magdamag nga paluyoham sa Black Sheep.

Katrabaho ni Lloydie sa Servando Magdamag mao ang award-winning writer nga si Ricky Lee ug award-winning director nga si Lav Diaz.

Follow-up movie ni  Joshua

Mapasigarbohong gianunsyo sa Black Sheep nga si Joshua Garcia ang bida sa film adaptation sa libro ni Bob Ong nga “Ang Mga Kaibigan ni Mama Susan” .

“Coming soon: we’ve got a first time co-production with Regal Entertainment Inc. and Director Chito S. Roño for an adaptation of Bob Ong’s “Ang Mga Kaibigan ni Mama Susan”, starring Joshua Garcia,” suma pa IG post sa Black Sheep .

Nagsagunson ang mga pelikula ni Joshua karong panahona.

Katapusan siya nga nilugwa sa zombie movie nga  “Block Z”  kun diin kauban niya ang iyang ex-girlfriend nga si Julia Barretto.

Mga bitoon sa sa Rise Artists Studio gipaila na

Pormal na nga gipaila sa  ABS-CBN Films ang  first batch sa mga bitoon sa bag-ong  talent management arm niini nga Rise Artists Studio Gilangkoban kini nila ni  Anthony Jennings, Arielle Roces, Belle Mariano, Charlie Dizon, CJ Salonga, Daniela Stranner, Gillian Vicencio, Jeremiah Lisbo, Kaori Oinuma, Markus Paterson, Patrick Quiroz, Rhys Miguel ug Vivoree.

Speaking before the contract signing, ABS-CBN Films managing director Olivia Lamasan described how the movies ecosystem of the broadcast giant has changed through the years.

“Alam po natin na in the past four years, we have seen many changes at isa doon is how our audiences consume our content.

In response to that, the last couple of years saw the evolution of ABS-CBN Films into different film brands,” suma pa sa ABS-CBN Films managing director  nga si Olivia Lamasan.

Mike mi-renew sa GMA

Niabot na og  25 ka tuig  ang pagka-loyal ni Mike Enriquez sa GMA-7  human siya ni-renew kagahapon  sa iyang kontrata  sa maong network.

“Lubos tayong nagpapasalamat sa GMA at syempre sa top management dahil sa patuloy nilang pagtitiwala sa loob ng dalawampu’t limang taon at higit pa,” suma pa ni Mike.

Nitambong sa  contract signing sila si  GMA Network Chairman and CEO Felipe L. Gozon, President and COO Gilberto R. Duavit, Jr., EVP and CFO Felipe S. Yalong, ug  SVP for News and Public Affairs Marissa L. Flores.

Naa pud sila si  Vice President for Corporate Affairs and Communications Angela Javier Cruz ug  Assistant Vice President for Corporate Communications Jojo Aquio .

Giila si  Mike  sa kadaghanan  isip  “Sumbungan ng Bayan.

“Kasi, bukod sa pagiging isang kasunduan, para sa’kin, simbulo ‘yung kontrata. Simbolo ng pagtitiwala ng management ng GMA sa akin, at ‘yung pagtitiwala ko sa management ng GMA,” dugang pa ni Mike.

Ang mga kasamtangang  programa ni Mike sa  GMA ’naglangkob sa  flagship primetime news program nga  “24 Oras” u gang  investigative public affairs program nga  “Imbestigador.”

Mitabang og rescue

Nisalmot   si  Heart Evangelista sa  Paws Philippines sa pag- rescue sa mga iro  nga na-stranded pagkahuman og buto sa  Taal Volcano .

“Don’t worry little one, we’re all doing what we can to give all of you the love and care you need during this time. @pawsphilippines #taalvolcano #PAWSphilippines,” suma pa sa IG post sa aktres.

Usa si  Heart  sa mga artista  nga nagdasig  sa publiko  nga mosagop og  mga iro. 

Mariel mirampa sa New York Fashion Week

Usa ang kanhi  beauty queen  nga si Mariel de Leon sa nirampa sa bag-ohay lang nga  New York Fashion Week (NYFW) isip usa sa mga modelo    sa shapewear brand ni   Kim Kardashian.

Kasamtangang nagbase  si Mariel  sa  New York ug giingong liboan ka mga babaye ang ni-audition aron malakip sa maong show..

“I still can’t get over the fact that I walked for Skims and Kim Kardashian for my first fashion show in NYC! It’s so surreal to think that out of more than 1,000 girls, I was one of the girls chosen to be part of the show,” suma pa niya.

Gipasalida gihapon sa Guam

Gihangop sa mga Pinoy didto sa Guam ang pelikula ni Coco Martin  nga 3pol Trobol: Huli Ka Balbon.

Mao kini ang rason nga gi-extend  ang pagpasalida niini sa pipila ka mga sinehan sa maong dapit.  Kauban ni  Coco sa maong pelikula sila si  Sam Milby, -Ai de las Alas, Jennylyn Mercado,  Edu Manzano, Tirso Cruz II, ug  Rowell Santiago.

Janine gikasab-an ni Pilita

Gikasab-an gyud diay ni   Pilita Corrales ang  iyang apo nga si  Janine Gutierrez human kini  nibuhi og negatibong reaksiyon kaniadto   kalabot sa pagbalik -telebisyon ni Senator Bong Revilla.

Gipahimagnoan ni Pilita ang iyang apo nga dili maayo ang gibuhat niini.

Gidawat rapud ni Janine ang kasaba sa iyang apohan ug aminado kini nga dili maayo ang iyang gibuhat.

Lingaw nga date

Paambit pa ni Jennylyn Mercado nga lingaw kaayo kun mag-date sila sa iyang boyfriend nga si Dennis Trillo. Magsige na lang sila og pangatawa gumikan kay mahiligon sila  sa pag-komedya sa usag-usa.

Reunion

Puwerting lipaya ni Kristine Hermosa gumikan kay nakatrabaho niya og balik ang iyang higala nga si Angelika del Cruz. Nahitabo kini sa dihang ni-guest  si Kristine sa sitcom sa GMA- nga Daddy’s Girl nga gibidahan nila ni Maine Mendoza ug Vic Sotto.  Nalakip usab si Angelika sa maong programa. Kahinumdoman nga  nagkauban sila si Kristine ug Angelika sa pipila ka mga programa sa ABS-CBN kaniadto.

Nagtingog na

Human sa pipila ka tuig , nagtingog na ang mag-amahan ug anak nga sila s Ryle Santiago ug  ABS-CBN executive Reily “Junjun” Santiago. Anak si Ryle nila ni Junjun ug sa aktres nga si Sherilyn Reyes.

Hulipan sa 24/7

Ang comeback series ni Julia Montes nga 24/7  maoy mohulip   Sa timeslot 24/7 sa naghinapos nga  Sunday mini-series nga The Haunted.Nalakip usab sa maong  weekly series sila si Melissa Ricks,Arjo Atayde, JC Santos, Joross Gamboa, Meryll Soriano, Anna Luna, ug Edu Manzano.

Prayoridad ang pag-arte

Prayoridad ni Xian Lim karong panahona ang iyang acting projects.  Gitataw hinoun sa aktor nga wala niya hingpit gibiyaan ang pagdirek og pelikula.Iyaha lang gi-enjoy ang gihatag nga mga proyekto kaniya.

Dunay closure

Tsika pa ni Karla Estrada nga dunay closure ang breakup nila sa iyang mga kanhi nauyab. Malipayon karon ang aktres sa iyang non-showbiz boyfriend kinsa suportado usab sa iyang pamilya.

Cristine nag-usab na

Suma pa ni Cristine Reyes nagkataas na ang iyang edad busa duna pu’y kausaban sa iyang batasan.  Nasayran nga maayo na mo-deal si Cristine sa mga sakop sa press . “Siguro don pumapasok yung naiintindihan mo na yung pinasok mong trabaho. Kasi nung nagsisimula ako, honestly, totoo nawala akong pakialam noon,”suma pa sa aktres.

Pribado lang

Gipaneguro sa  singer-actress nga si Denise Laurel nga mamintinar ang pagka-pribado sa kaminyoon  nila sa basketball star nga si  Sol Mercado.”9Ayaw ko lang to put pressure on him. I wanna respect him, respect his privacy. It’s funny because I’m very madaldal… He’s a very private guy,” tsika pa ni Denise atol sa guesting niya sa programang Tonight with Boy Abunda.

Eddie Garcia Act

Malipayong gipahibalo ni  Film Development Council of the Philippines (FDCP) Chairwoman Liza Dino nga gisugdan na sa  Kongreso ang pagdungog sa giduso nga Eddie Garcia Act kun diin ang tumong niini mao ang paghatag og proteksyon sa mga nagtrabaho sa film industry. “I never thought this day would come. But it’s finally happening,” suma pa ni Liza.

Mamasapano movie

Si Edu Manzano ang modala sa karakter ni  kanhi military general Benjamin Magalong sa usa ka pelikula ng maghisgot sa “Mamasapano massacre. Dakong hagit alang kang Edu ang maong proyekto. Makauban usab niya sa maong pelikula ang aktres nga si Myrtle Sarrosa.