CEBU, Philippines — Gihangyo ni Kris Aquino ang usa niya ka follower nga dili na lang matud pa hisgustan ang mga tawo nga walay labot kay dili na matud pa angayan ibalik pa ang kagahapon.
Kini human us aka netizen ang nikomentaryo nga mas ganahan matud pa siya kang Willie Revillame itandi kang Herbert Bautista nga daghan og drama sa kinabuhi.
Gihinumduman sa maong netizen ang interview ni Kris kang Willie kaniadto sakay sa yati nga nindot matud pa ug cute silang tan-awon. Mas nindot sab matud pa si Willie alang kang Kris itandi kang Herbert sanglit pinangga sa TV host ang mga anak sa nauwahi nga sila si Josh ug Bimby.
Komento ni Kris,” huwag na tayong mandamay ng mga tao na nakaburol ang alaala.”
Hangyo sab niya nga dili na lang hatagan og malisya pa ang ilang relasyon ni Willie sanglit managhigala gyud matud pa sila ug girespeto ug gipangga niini ang iyang mga anak.
Gumikan matud pa sa ilang panaghigala makakomedya sila bisa’g unsa sa usag-usa, busa dili angayan nga hatagan og laing kahulogan aron dili maguba ang ilang panaghigalaay ni Willie.
Follow-up project sa Joshnella
Sa pagtapos sa The Killer Bride, nagsugod usab ang mga pangutana unsay nagpaabot sa loveteam nga Joshnella nila ni Joshua Garcia ug Janella Salvador.
Kini kay daghang nakauyon sa ilang panagpares sa nahisgutang teleserye nga gibituonan ni Maja Salvador.
Daghang gikilig ug nanawagan og follow-up project alang sa nahisgutan.
Ug daw posibli kini nga matuman kun basehan ang pamahayag ni Joshua sa us aka interview niining bag-ong lang. “Let’s see! Kasi sa ngayon wala pang sinasabi samin. Pero dahil sa mga nangyayari sa ngayon sa reactions ng supporters namin mukhang magkakaroon,” nagkanayon siya.
Maisip nga ang The Killer Bride gyud ang tukmang proyekto ug hustong panahon alang sa Joshnella sanglit daghan na kaayong giplano alang kanilang duha kaniadto apan wala ihinayon sanglit may tagsa-tagsa pa man sila ka mga loveteams.
Ahtisa, niatras!
DISMAYADO ang mga yads human gipahibawo ni 2018 Miss International First Runner-up Ahtisa Manalo nga dili na siya mupadayon og salmot sa labing unang Miss Universe Philippines pageant.
Health reason ang gitumbok nga hinungdan ni Ahtisa sa iyang pag-backout. Suma pa niya, dili matud pa siya 100% nga himsog ug baskog alang sa maong indigay sa kaanyag.
Kahinumduman nga nagmaya ang mga mahiligon og indigay sa kaanyag human nipatin-aw si Ahtisa sa Impire Studio kagahapon aron muduso sa iyang application sa MUP.
Gani, dako ang paglaom sa pageant fanatics nga subling madughit sa Pilipinas ang Miss Universe crown pinaagi unya kang Ahtisa. Apan human napagya pipila ka oras ang nilabay nga dili na mudayon si Ahtisa, aduna nay mga yads nga naguol kay ma backstage na sab matud pa ang nasud sa umaabot nga MU pageant.