Bida sa song of the Fireflies

CEBU, Philippines – Mobida ang Asia’s Phoenix nga si Morissette Amon sa musical film nga base sa istorya sa Loboc Children’s Choir. Mag-ulohan kini og “Song of the Fireflies” diin huptan niya ang karakter sa mentor sa maong grupo nga si Alma Taldo.

Edol si Andrew E

Gikalipay ni Nathalie Hart ang makatrabaho ang iyang childhood idol nga si Andrew E sa pelikula nga “Pak Boys” nga ginama sa Viva Films. “I’m a big fan with... Oh my God, Andrew E. Napanood ko yung ‘Humanap ka ng Pangit’ at ‘Pink Palaka’. I used to listen to that song all the time nung bata pa ako. Hay naku, Ioved it. It was super cool when I was like, in high school and then it’s funny”, rebelelasyon ni Nathalie.

Mapahuway sa showbiz

Andam na si JC Santos ang mahimong usa ka amahan. Plano niya nga magpahuway una sa showbiz gumikan kay gusto niya nga hatagan og oras ang iyang asawa nga si Shyleena Herrera. Kasamtangang nagsabak ang iyang asawa kinsa iyang gipakaslan niadtong miaging tuig.  Gani sa higayon nga manganak na kini, hatagan na niya og pokus ang iyang pamilya gumikan kay dugay na siya nga nangandoy nga magtukod og iyang kaugalingon nga pamilya.

Kasinatian sa AGT

Giasoy ni Joan Pomoy kinsa asawa ug handler ni Marcelito Pomoy kabahin sa ilang kasinatian una nahitabo ang audition ni Marcelito sa America’s Got Talent. Matud pa niya nga duha ka adlaw lang ang ilang pagpangandam una nahitabo nga mikanta na ang iyang bana sa prestihiyoso nga entablado. “May video shoot na malalayo yung lugar, tapos maraming pre-interview, tapos nag-rehearsal pa, kaya sobrang hirap din. Tapos all throughout dapat nasa harap ka rin, nanonood ka doon sa mga kalaban mo. Kaya yung pressure sa kaniya sobra”, istorya ni Joan.

Gitubayan ang netizen

Gitubayan ni Kiray Celis ang usa ka netizen sa Instagram kinsa mikomento nga hinay-hinay lang og post kauban ang iyang boyfriend aron og magbuwag man gani kini, dili na kini kapuyon nga papason ang mga post niini. Gitubag dayon  kini ni Kiray nga “mapupuyat kakahintay kung maghihiwalay kami. Kung ayaw mo ng mga post ko, unfollow is the key. Wag bitter, darating din yung magmamahal sa ‘yo. Pag dumating yun, baka mas marami kapang post sa akin”.

Emosyonal nga mipauli

Emosyonal gyud si Geneva Cruz nga mipauli dinhi sa nasud gumikan kay nabuwag siya sa iyang anak nga si Heaven Arespacochaga. Tumong sa pagbalik ni Geneva ang pagbalik sab niya sa spotlight. Gisaad ni Geneva nga hatagan niya og maayong kaugmaon ang iyang anak pinaagi sa pagkugi dinhi sa nasud isip usa ka artista.

Mangita na og pares

Malipayon ug kontento na gyud si Alden Richards sa dagan sa iyang karera karon gumikan kay aduna nay nakalinya nga proyekto alang kaniya. Matud pa ni Alden nga usa sa iyang hatagan og atensyon na sab karon mao ang iyang lovelife. “Siguro ngayon naman, parang time naman para sa sarili ko. Siguro, to find a partner, sooner”, suma pa ni Alden.

Wala kahunahuna og undang

Gihinumduman ni Arnel Pineda ang panahon nga dili pa siya kabahin sa grupo nga “The Journey”. Matud pa niya nga miabot na siya sa punto nga mobalik na lang sa Hong Kong aron nga didto magkuha og gig nga adunay insakto sa bayad. Bisan pa man sa kalisod nga iyang nasinati, wala sab siya miabot sa punto nga undangon niya ang pagkanta. “Kasi ito talaga ang alam ko, this is what I am most passionate about. Kasi nakakanta ko yung gusto kong kantahin tapos na-appreciate ng tao,” esplikar pa ni Arnel.

Okay lang?

Tsika pa ni Julia Barreto nga maayo ang pagtapos sa ilang relasyon ni Joshua Garcia. Matud pa ni Julia nga maayo ang ilang pagtagad karon ni Joshua ug bisan man og adunay higayon nga kiwaw ang ilang sitwasyon, gitataw ni Julia nga okay lang silang duha.

Magkaila ra

Gilimod ni McCoy de Leon nga ilang relasyon ni Miles Ocampo. Gitug-an niya atol sa Tonight with Boy Abunda nga wala gyud silay romantic relationship ug pabilin lang gyud sila nga magnaghigala.