CEBU, Philippines — Gipaambit sa Kapamilya hunk actor ug Sandugo star Ejay Falcon nga daghan ang nihagad niya nga mosulod sa politika apan mas pilion matod pa niya nga mopadayon og eskwela nungka mahimong pulitiko. Sigon pa niya, mao nalang kini ang kuwang sa iyang pagkatawo busa mangita gyud siya og oras para makabalik og tungha inigkahuman sa gibidahang afternoon series sa ABS-CBN nga Sandugo.
Producer pa gyud
Gawas nga siya ang bida, si Jodi Sta. Maria usab mismo ang producer sa iWant series nga My Single Lady diin kapares sa aktres silang Zanjoe Marudo ug Ian Veneracion. Mao kini ang labing una nga proyekto ni Jodi isip producer. Gipasalida na karon sa iWant ang My Single Lady.
Magtinabangay
Nagkahiusa ang Pinoy singers ug musicians sa fundraising concert alang sa mga naapektohan sa pagbuto sa Bulkang Taal. Ang Tulong Taal: A Musical Collaboration for Taal Rehabilitation kay mahitabo karong Pebrero 1, sa Cuneta Astrodome, Pasay City. Ang maong fund-raising concert gipasiugdahan sa singer nga si Isay Alvarez-Seña.
Mihatag og hinabang
Midonar ang Filipino-American comedian nga si Jo Koy og P2 million alang sa makabenipisyo sa Walk of Fame 2020 nga Movie Workers Welfare Foundation Inc (Mowelfund). Usa si Jo Koy sa mga espesyal nga dinapit sa Eastwood Walk of Fame karong tuiga.
Spotted sa bar
Nikatap sa social media ang hulagway nilang James Reid ug Nadine Lustre diin nag-uban sila sa usa ka bar didto sa Makati City sa miaging semana. Kahinumduman nga nagbuwag ang duha tungod matod pa sa “irreconcilable differences”.
Natagak sa stage
Nadisgrasya ang bassist sa bandang Ben&Ben nga si Agnes Reoma human natagak sa stage samtang nag-perform sa ilang concert niadtong Sabado. Pinaagi sa official Twitter account sa banda, gipahibalo niini nga nakaangkon og injury si Agnes apan okay na ang sitwasyon niini.
Nakahilak
Nahimong emosyonal ang usa sa mga bitoon sa A Soldier's Heart nga si Sue Ramirez sa dihang nahisgutan ang pakamatay sa iyang amahan atol sa pag-guest niya sa Magandang Buhay sa ABS-CBN. "Ako kasi 17 na ako nung namatay ang daddy ko and may sakit siya simula nung six years old ako. So na-experience ko lang talaga na okay siya, anim na taon lang ng buhay ko. Most of it, I don't remember anymore," sugilon pa ni Sue.
Proud sa anak
Proud matud pa ang momshie nga si Melai Cantiveros ngadto sa anak niini nga si Mela Francisco kinsa nagsugod na sa showbiz career niini karon. "Sobra din akong na-overwhelm kasi tumaas din yung mga followers niya sa YouTube. At pag nakikita sila sa daan, [may] nagpapapicture kay Ate Mela. Ngayon, mayroon silang show [kasama ang ibang] anak ng mga momshie hosts,"sigon pa ni Melai.
Gipalugwa sa vlog
Gipakita ni Solenn Heussaff ang kwarto sa bag-ong natawo nila nga anak ni Nico Bolzico nga si baby Thylane pinaagi sa bag-ong vlog niini. "Nico and I wanted to make sure Thylane's room was cozy and comfy to spend a lot of time in, and so this is where we spend a lot of our time now," sigon pa ni Solenn.
Nisayaw og Tala
Gisurpresa sa K-Pop group nga WINNER ang Pinoy fans niini human nisayaw kini og ‘Tala’ ni Sarah Geronimo atol sa ilang "Cross Tour" show didto sa Manila. Giingong nalingaw kaayo ang ilangfans sa pagsayaw sa grupo sa maong dance craze d. Mao kini ang ikatulong higayon nga nibisita sa nasud ang WINNER, ni-perform na sila sa nasud niadtong 2014 ug 2018.