Happy Valentine’s Day mga BisChikadora! O di ba? Advance ang greetings sa inyong Mother Butanding! Mao ni siya ang epekto sa mga tawong parehas nako nga ang February 14 is just an ordinary day! Hahhahahaha! Sa mga dunay mga ka date sa maong adlaw, pagkasuwerte naman lang gyud ninyo mao nga ampingi ang relasyon kay bisan unsa pa nimo ka gwapa o gwapo naa gyud mga bitin nga wala na sa kabukiran, naa na sa siyudad ug usahay ang mga bitin mosulti na og “ hi besh”, hahahhaha. Kaliki! Bitaw, padayon sa inyong gugma ug para mas molig-on ang maong relasyon kun ang Ginoo nagpatunga niini. Manawagan na lang ko kun wala moy ka date…alams na PM is the key! Hahhahahaha!
Para sa atong Kinsa Siya??? Usa ka young actress sa dihang nag perform on stage dili lang pakpak ang nadawat kun dili gi- boohan usab kini? Nahitabo ang pag boo sa usa ka young actress sa usa ka event nga nahitabo diri sa Sugbo. Sigon pa sa atong Kinsa Siya Insider, na capture sa video ang maong pag- boo. Nibisita ang aktres sa Sugbo para magpromote sa iyang umaabot nga pelikula. Siyempre, kauban usab niya ang iyang leading man kanhi kini niya boyfriend ), nga dugay na silang gibuwag on screen o bisan daw in real life nagbuwag na ang duha. Ang rason sa panagbuwag kay na link ang young actress sa usa ka actor. Ang nahitabo ang leading man gipares na sa lain ug bag-o lang nahuman ang teleserye pero ang young actress mura’g na frozen delight. Nabalik lang ang duha tungod sa maong movie. Balik sa event, sa dihang gitawag na sa host ang young actress to perform dunay ni singgit apan nakita sa video adunay grupo usab nga nag-boo. The good thing is ang young actress nagpadayon lang sa iyang production number nga mura’g walay nahitabo. Kinsa man gyud ni ang young actress? Gikan sa mga angkan sa mga artista nga mga gwapa.
Sa laing bahin, pagkahuman sa Sinulog Festival nahatagan og higayon nga makatapok ang akong mga classmates sa college. Ang AB Psychology batch ’99 sa University of Cebu. Hugyaw ang panagtapok kay tanang mga kiat mahisgotan. Luoy lang ang absent kay mahimong sumsuman hahahhahah! Chika lang! Lipay kaayo kay bisan sa ka busy sa ilang schedule nahatagan gyud kini og oras. Advance birthday party celebration na usab kini sa among classmate nga si Helen Atanoza nga mao ang rason usab nga nagkatapok ang among grupo. Hugyaw ang akong mga classmates kay adunay registered murse/police, teacher, HR head, businessman, politician, housewife ug working abroad. Ang makalingaw basta magtapok hisgutan ang mga niagi. Ang mga struggles sa katong mga estudyante pa. Ang mga pagsuway para lang gyud makab-ot ang mga damgo. Nakaingon ko sa akong kaugalingon kay ang nahimo nakong barkada pag college kay mga kugihan kaayo. Natakdan ko sa ilang kakugihan.
Dili man siguro permi magkita apan ang friendship nga naporma sa dugay nga panahon kay nagpabilin. Maghinaot ko nga hangtud siguro nga puti na ang among mga buhok, malouy ang Ginoo magtapok gihapon ang among grupo. To my fellow classmates sa AB Psychology batch ’99, salamat kaayo kay dili mo makalimot pag PM nako. Hangtud sa sunod nga panagtapok. Spread Love and Kindness. Mwahhhhhhh!