CEBU, Philippines — Gipakita na ni Alex Gonzaga ang video kun diin ni-propose kaniya ang iyang boyfriend nga si Mikee Morada .
Matud pa nga nahitabo kini didto sa Hongkong partikular na sa 1881 Heritage sa katapusang bahin sa miaging buwan.
“As I turn a year older, I want to show you something special that happened to me in our last Hong Kong trip. You are all part of my life now and I am very happy to share this with all of you,” matud pa ni Alex .
Nisaksi sa proposal ang ginikanan ni Alex’s parents ug ang uban nila nga kaliwat.
“It’s official guys we are engaged! Sobrang saya ng puso ko,” matud pa sa TV host.
Minyo na diay!
Giangkon ni JC Santos nga gikasal na diay siya ngadto sa iyang hinigugma nga si Shyleena Herrera niadto pang September 2019. Ang iyang pag-angkon nahitabo sa presscon sa pelikula nila ni Bela Padilla nga “On Vodka, Beers And Regrets” .
Gibutyag usab ni JC nga mabdos ang iyang asawa ug baby girl ang umaabot nila nga anghel.
Highschool crush ni JC si Shyleena busa dili gyud masukod ang iyang kalipay sa dihang nabihag niya ang kasing-kasing niini.
Nakawatan og cellphone sa Brazil
Wala’y suwerte si Nadine Lustre sa paglaag niya sa Brazil gumikan kay nakawatan siya og cellphone.
Gibutyag kini sa aktres pinaagi sa iyang Instagram .
Kahinumdoman nga nilaag sa Brazil si Nadine dili pa lang dugay kauban ang aktor nga si James Reid.
Report sa Twitter mga Pinoy, mahiligon gyud sa K-Pop
Nalandig sa ikalimang spot ang Pilipinas isip usa sa mga nasud nga kusog kaayo mo-tweet kalabot sa K-Pop niadtong 2019.
Mao kini ang resulta sa year-end report nga giisa sa social media platform nga Twitter.
Nag-una sa listahan ang Thailand nga gisundan sa South Korea , Indonesia and ug United States of America.
“Twitter will continuously drive various partnerships with top and emerging K-pop artists as well as global events like [the Mnet Asian Music Awards] and KCON to accelerate the rise of K-pop globally in 2020,” tipik sa statement sa Twitter’s Global K-Pop Partnerships Head Yeon-Jeong Kim . Nalakip sa “Most Discussed K-Pop Accounts Worldwide” mao ang BTS,EXO , GOT7 , MONSTA X ug BLACKPINK .
Samtang nag-una usab ang BLACKPINK sa kategoriyang “Fastest Rising K-Pop Accounts Worldwide” ug gisundan kini sa SuperM, TOMORROW X TOGETHER, Stray Kids,ug WayV .
Nagpadayon ang adbokasiya
Gisaulog sa Beauty queen Catriona Gray ang iyang birthday kauban ang mga bata sa miaging adlaw. Giduaw niya ang mga bata sa Young Focus nga usa ka non-government organization nga maoy nahimong sentro sa iyang adbokasiya sa dihang nahimo siya nga beauty queen.
Kever sa bashers
Matud pa sa magtiayong Billy Crawford ug Coleen Garcia nga wala sila’y mapala kun patolan nila ang ilang bashers. Mas pilion pa sa magtiayon nga mo-focus sa mga positibong panghitabo sa ilang kinabuhi.
Jane excited na
Nakakita na si Jane De Leon sa disenyo sa iyang Darna costume. Tungod niini, nagpanikad na og samot si Jane sa maong proyekto. Todo pangandam na si Janes sa maong first major role niya sa AB-CBN .
Gihimong zombie
Tsika pa ni Ina Raymundo nga nalingaw siya og maayo sa iyang role sa pelikulang Block Z kun nidala siya isip zombie. Molungtad og taas nga oras pagmugna sa iyang dagway isip zombie
Nakahuman na
Nakahuman na gyud si Dominique Cojuangco sa kursong Merchandising ang Marketing. Siya any napili nga .graduated magna cum laude sa Fashion Institute of Design and Merchandising isa San Francisco, U.S.A.
Giusab ang venue
Mahitabo na sa unang bahin karong tuiga ang garden wedding nila ni Juancho Trivino ug Joyce Pring . Nausab ang area sa ilang reception gumikan kay naapektohan kini sa pagbuto sa Bulkang Taal.
Jane ug RK suwayan
Magpares sila si Jane Oinezaug RK Bagatsing sa pelikulang “Us Again.” Kahinumdoman nga nag-uban ang duha kaniadto sa romance drama series nga “Araw Gabi.”Malakip usab sa “Us Again” ang “Bidaman” champion nga si Jin Macapagal ug ang bag-ong aktres nga si Sarah Jane Edwards.
Balay sa London
Nipalit og balay didto sa London ang magtiayong Rachelle Ann Go ug Martin Spies . Espesyal kaayo sa duha ang maong lugar. “Ako ‘yung nagre-research during the morning. Iyon ‘yung ginawa ko for a year, hanap ng hanap ng bahay tapos kapag may maganda, I will show it to the husband. So when we saw this house, we viewed it on a Sunday sabi niya, ‘This is the one, this is it’,” saysay pa ni Rachelle ngadto sa PUSH.
Nayayay si Rey
Giangkon ni Rey Valera nga naghambin siya og sakit ug mao kini ang rason nga nawala siya isip hurado sa It’s Showtime sulod sa taas nga panahon. Suma pa niya nga gipaubos siya og surgical operation tungod sa problema sa iyang intestine. Wala usab madayon ang iyang mga concert sa miaging tuig tungod sa iyang sakit.