Sinulog Idol Season 11: Chreystle, na- Star of the Night na gyud!

CEBU, Philippines — Human sa tulo ka gabii nga nga nasulod sa  Top 3, ang 25 anyos nga bank teller nga si Chreystle Gealogo kinsa miawit sa awit nga “Reflection” nga gipasikat ni Lea Salonga mao na ang nahimo nga Star of the Night sa “Karaoke Night” sa Sinulog Idol Season 11.

Suma pa ni Chreystle nga  bunga kini sa iyang pagpaningkamot nga mabutang tanan niya nga nakat-onan  sa gihatag nga mga workshop sa wala pa nagsugod ang pito ka gabii nga kompetisyon.

“I always sing from the heart and mag-contemplate ko before I sing. That’s what it takes man gyud to pull-off a performance and tanan nga gihatag nga lessons since day one sa workshop, ako gipaninguha nga akong ma-apply kay it was given to us to use it and to be able to show the better and the best version of us”, si Chreystle mipadayag atol sa iyang pagpakighinabi sa Banat News Hugyaw.

Gitug-an ni Chreystle nga emosyonal gyud siya sa higayon nga tawagon ang iyang pangalan nga nalakip sa Top 3.

Matud pa sa usa sa mga judge ug mentor sa kompetisyon nga si Apple Abarquez nakita niya nga paspas nga makat-on si Chreystle sukad pa siya nahimong kabahin sa kompetisyon.

“From the moment when we told her that she’s part of the Top 12, she has been growing tremendously at a fast rate. And she has the ability to turn on and off and by that I mean to turn on her problems when she needs to face them and to turn them off when she is on stage. Lahi gyud siya og amount of growth and she is very truthful and she has the intensity to win even if she is very shy. You see that she has the will and capacity to win this competition,” suma pa ni Apple.

Gani, bisan pa man og busy siya sa iyang mga kasikas sa kinabuhi isip usa ka bank teller ug lakip sa hugpong nga Basics Acapella nga usa sa mosangka sa ika-40 nga Cebu Popular Music Festival, gipaninguhaan gyud niya nga mabalanse niya ang oras sa kompetisyon ug sa iyang personal nga mga buhatunon.

“To be honest lisod kaayo siya pero kinakaya. Thankful gyud kaayo ko sa tanang tawo nga kanunay nga anaa nga nagsuporta nako”, si Chreystle mipahungaw sa gibati.

Tuod man, bisan pa man og aduna siya’y lig-on nga support system ug kanunay siya nga bulahan nga mahimong kabahin sa Top 3, matud pa ni Chreystle nga dili gyud siya mokompyansa gumikan kay samtang n nagkadugay ang kompetisyon, nagkainit sab gyud ang dagan niini  ug mas gihagit sab siya sa mga umaabot nga mga genre nga gihan-ay na alang sa kompestisyon.

“Sa mga mosunod nights kay it’s crucial for me kay naay mga genre  nga dili akoang genres pero maningkamot gihapon ko nga maka-perform ko ug mahatag nako kun unsa ang gi-require sa song,” niya pa.

Dakong pasalamat ni Chreystle nga nahimo siya nga kabahin sa kompetisyon gumikan kay nabuhi og pagbalik ang iyang mga tinguha nga padayunon ang pagkanta nga siya lamang usa sa entablado. Si Chreystle isip usa myembro sa University of San Carlos Choristers maingon nga naanad na gyud siya nga adunay kauban sa higayon nga mokanta ibabaw sa entablado.

“Sa una kay off kaayo ang akong singing career due to some factors nga kinahanglan nga i-prioritize. Namatay siya for pila ka years. Karon kay sa pag-apil nako sa Sinulog Idol kay nabuhi siya. And singing solo kay its’ difficult kay mura og naanad nako singing with a group. The more nga adlaw-adlaw ko nga nagkanta sa Sinulog Idol kay mura og mas sayon na ang transitioning”, suma pa niya.

Sa laing bahin, lakip sa kanunay sa Top 3 mao si Thea Monterde kinsa mipahugyaw sab sa mga misaksi human nga miawit sa awit nga “Two Less Lonely People in the World” nga mao ang rendisyon sa iyang idol nga si KZ Tandingan.

Matud pa si Coach Apple nga dili sukaran ang edad aron nga ipakita ang abilidad isip usa ka performer.

Sa unang higayon human nga kanunay nga luwas sa kompetisyon, ang 16 anyos nga si Jehramae Trangia mao ang lakip nga nahimong kabahin sa Top 3.

Giawit ni Jehramae ang awit nga gipasikat ni Sarah Geronimo nga “Sino Nga Ba Siya” kun diin nakadayeg gyud ang Banat News Hugyaw Editor nga si Ryan Mark Borinaga.

Kun aduna may nidominar sa maong gabii, aduna sa’y tulo nga nahimutang sa krusyal nga posisyon.

Ang naglangkob sa Bottom 3 mao ang si Jedu kinsa nahimong Star of the Night sa Broadway night ug sa unang higayon, ang 22 anyos nga si Marichar mao ang miuban kang Jedu sa maong posisyon.Dugang pa na human sa sagunson nga pagkahimutang sa Bottom 3 sa 23 anyos nga si Shandee Hafeel, hingpit na gyud kini nga nanamilit sa kompetisyon.

Napulo na lang ang nagpabilin sa kompetisyon ug adunay dako nga tsansa nga usa o duha ang mapalagpot sa kompetisyon sa mahimong Bisaya Night.