Malipayong Domingo kanatong tanan mga BisChikadora! Sunod Domingo kay Sinulog na usab. Maghinaut ko nga kitang tanan sa dili pa mag-rampa sa kadalanan dili nato kalimtan ang religious activities. Feeling nako taas kaayo ang atong Pasko kay basta January na, anaa na ang Sinulog Festival! Gani, ang dakong Christmas Tree sa Fuente Osmeña Circle naa pa hangtud karun. Ang kadalanan kay very festive mode. Night Market left and right. Activities left and right. Ang mga musika, ang sayaw, ang mga pahiyom sa mga tawo makaingon ka, this is it Sinulog mode na! Pero ang importante usab sa atong paglaag-laag sa Sinulog nga kita luwas sa mga kagubot BisChikadora.
* * *
Niaging semana sa pagkuyog nato sa Annual Penitential Procession o “ Walk with Jesus “ gikan sa Fuente Osmeña hangtud sa Basilica Minore del Santo Niño makaingon ko nga hugyaw gyud kaayo. Kever ang pagbunok sa uwan, para nako usa kini ka blessing. Ang magsakripisyo usa ka pasalamat sa atong mahal nga Santo Niño sa tanang grasya nga atong nadawat. Halos, mo give up nako kay naglain na ang akong lawas kay kini laging as we aged hahahahha! Ang kabugnaw sa panahon dili naka-makasugod o siguro atong orasa nga gusto nako mouli dili nako motambong ug misa kay sugo kato sa yawa. Nagmadaugon ang gusto nga magpabilin pagkahuman sa procession para maka-attend sa novena-mass. Bisag nabasa very light atong unang adlaw. Salamat baby Jesus sa dakong gugma nimo kanamong tanan. Ang akong mga prayer petition nga dili para sa akoa, manghinaut ko sa imong kalouy imo kini ihatag. Ang gipangayo kay ang maayong lawas para makaya ang mga pagsuway nga imong ihatag. Human sa misa, kay bitbit man nako ang akong Santo Niño, niadto dayon ko sa akong suki para pailisan ang kapa Niya. Nahimo na kini namong tradisyon ni Tita Eser nga ang tagsa-tagsa namong mga imahe bag-o ang iyang kapa matag tuig. Pagkahuman niana kay nilahos ang among beauty sa Pasil para mamahaw kay gimingaw ko sa ilang lamiang nilarang. Lami kaaeyoooo!
* * *
Sunod semana kay bisitahon kita sa mga Kapuso stars mao nga karon pa lang daan block your schedule. Mark your calendar. Set the alarm sa imong relo kay mao kini ang mga Kapuso stars para sa usa ka Hugyaw nga Kapuso Mall Show. January 17, 2020 Friday, 4PM sa Gaisano Fiesta Mall Tabunok Parking Lot. Makauban ninyo silang Kyline Alcantara, Julie Ann San Jose, Barbie Forteza, Yasser Marta, Kate Valdez ug Migo Adecer. Kun layoan ka sa venue? Dili maguol kay motikang dayon ang mga Kapuso Stars sa Ayala Terraces Cebu. O diba Huygaw ra? January 18, 2020 Saturday, 4PM sa Gaisano Island Mall Mactan, Phase 2 ang cast sa Descendants of the Sun ang makig Pit Senyor kaninyo. Present ang mga bida nga silang Dingdong Dantes, Jennylyn Mercado ug Rocco Nacino. Anaa usab silang Andre Paras, Paul Salas, Jon Lucas, Lucho Ayala, Haily Mendes, Chariz Solomon ug Prince Clemente. Dili napud maguol kun dili ka taga Lapu-Lapu kay pagkahuman sa maong mall show, abtikay sila nga motikang sa Robinsons Galleria Cebu. Hugyawwwwwww! January 19, 2020 Sunday, Sinulog Day. Atangi ang Sinulog Float sa GMA Regional TV kay sakay niini ang mga cast sa Descendants of the Sun nga hapit na ninyong makit-an sa GMA Telebabad. Siyempre, ang Live Coverage sa Sinulog Festival 2020 nga inyong makit-an sa Balitang Bisdak!
Pit Senyor!!!!!