MANILA, Philippines — Viral ang social media post ng dating GMA reporter na si Steve Dailisan matapos ibahagi online ang kakaibang baybay sa kanyang pangalan sa identification card ng pagkapiloto.
Sa kanyang paskil ika-7 ng Enero, makikitang sinobrahan nang dalawang titik "E" ang pangalan niyang Steve.
"This is your First Officer Steeeeeeve Dailisan, together, let's make moments golden! Flying with you! #paraconsistent," sabi ng dating Kapuso journo.
This is your First Officer Steeeeeeve Dailisan, together, let's make moments golden! Flying with you!#paraconsistent ?????
— Steeeve Dailisan (@stevefdailisan) January 7, 2020
@CebuPacificAir#SteeeveIsJuanwithYou#momentmaker#makeithappen pic.twitter.com/GQrrzXHvUF
Maliban sa pagbabalita sa loob ng 12 taon, kilala si Steve sa kanyang "signature extro," kung saan tila pinahahaba niya ang bigkas sa unang pangalan.
Nilisan ni Dailisan ang mundo ng telebisyon Pebrero taong 2018 at pormal na naging lisensyadong commercial pilot Abril taong 2019.
Officially Licensed Commercial Pilot! Thank you, Lord!??????????????????????? #takeoff #pinoypilot #journalistpilot #pinoyaviator #cplholder #humbled #leiaai pic.twitter.com/oFEYm4ejIa
— Steeeve Dailisan (@stevefdailisan) April 3, 2019
Dati nang sinabi ni Steve na hindi niya talaga pinangarap magpalipad ng eroplano noong siya'y bata pa ngunit napag-isipang magsanay para rito matapos makuha ang kanyang master's degree.
"Mahirap man siyang pangarapin noon, hindi naman nangangahulugang hindi mo na siya puwedeng pagsikapang maabot ngayon," sabi niya noon.