CEBU, Philippines — Mas malingaw si Bela Padilla nga mobakasyon sa laing nasud nga mag-inusara. Lahi ra matud pa ang bation sa pag-inusara. “Iba kasi ‘yung experience when you have someone with you. Siyempre the best option is to have someone with you na kapareho mo ng mga hilig. Para you don’t compromise what you wanna do on a trip,” saysay pa ni Bela.
Hinay-hinay lang
Ubay-ubay pa nga mga butang ang gipangandoy ni Kim Chiu ug dako ang iyang pagsalig nga maabot ra kini sa saktong panahon. Suma pa sa aktres nga wala siya magdali ug usa sa iyang instrumento mao ang pag-ampo.
Mobalik sa telebisyon
Nagmaya si Ruffa Gutierrez gumikan kay molugwa siya og balik sa telebis¬yon karong tuiga. Nalakip si Ruffa sa teleseryeng Love Thy Woman nga pagabidahan nila ni Kim Chiu, Yam Concepcionug Xian Lim.
Gikalimtan na
Gibutyag ni Gerald Anderson nga iyaha na nga gilubong sa limot ang mga nagatibong butang nga nitapot kaniya niadtong 2019. Nagpanikad na siya sa mga positibong butang nga kab-oton niya karong tuiga.
Nag-una sa MMFF
Gikatahong nag-una na sa takilya ang pelikula ni Aga Mulach nga Miracle in Cell No. 7'. Una na nga migawas ang tsika nga nikita na kinu og kapin sa P220 million. Entry kini sa Viva Films sa Metro Manila Film Festival 2019.
Tradisyon na
Naandan na gyud ni Alfred Vargas nga molarga og laing nasud aron sugaton ang New Year. Gisaulog niya ang maong okasyon didto sa Singapore . Kauban niya ang iyang pamilya.
Nakatigom gyud
Dako ang pasalamat ni Andrea Brillantes sa Kadenang Ginto gumikan kay nakatigom gyud siya og maayo. Una na nga gibutyag sa aktres nga nakapatukod na siya og bag-ong balay.
Target ni Seth
Gibutyag ni Seth Fedelin nga hatagan niya og negosyo ang iyang pamilya. Mapasalamaton si Seth sa ABS-CBN gumikan gihatagan siya og dakong proyekto ug usa na niini mao ang teleseryeng Kadenang Gindto. “Nagpapasalamat ako kasi unang-una, nabigyan ako ng mga taong nani¬niwala sa akin. Akala ko kasi wala na akong babalikan after PBB. Pagkatapos ng PBB, ilang months akong nawala. Buti na lang po may mga tao na naniniwala sa akin na kaya ko. Nagpapasalamat ako sa mga taong isinakatuparan ‘yung mga blessings na ibinigay sa akin ng Panginoon. ‘Yung mga taong nagbigay sa akin ng ganito, tinupad nila ‘yung blessing ni God para sa akin,” matud pa ni Seth.
Digay ra!
Tsika pa sa basketbolista nga si Ricci Rivero nga taod-taod na siya nga single. . “Medyo matagal nang wala. Parang simula no’ng maglaro ako for UAAP, wala na rin. Choice ko din po,” matud pa niya.
James ug Nadine nagbuwag na?
Nakugang ang fans nila ni James Reid ug Nadine Lustre human niulbo ang report nga nagbuwag na ang ilang mga idolo.
Suma pa sa nitumaw nga taho nga “irreconcilable differences” ang rason sa ilang panagbuwag.
Matud pa nga wala na mopuyo si Nadine sa balay ni James sa Quezon City.
Una na nga nipaambit og cryptic posts si Nadine sa Instagram sa milabay nga mga adlaw.
“I can’t be who you want,” usa sa mga IG post ni Nadine . Nag-post usab si Nadine og hulagway sa upat ka tawo nga naa sa dagat ug nagtangag kini sa caption nga, “no questions. just go with it.”
Sa lain niya nga social media post sa miaging adlaw, nigamit siya og black-and-white photo nga kuha gikan sa view sa usa ka condo unit.
Aduna kini caption nga : “for good reason, lost all of my love.”
Apan pipila ka fans nila ni James ug Nadine ang dili kumbisido sa maong tsika sanglit nakit-an pa nila ang ilang mga idolo nga nag-uban sa pagsugat sa bag-ong tuig didto sa Rockwell.
Pipila kanila ang ni-post og hulagway nga nagpamatoud nga nag-uban gyud sila si Nadine ug James sa miaging gabii.
Sa pagsuwat niining balitaa, wala pa mohatag og statement ang duha ka kampo. —
Apl.de.Ap ug KC nagkasinabtanay na?
Niulbo kaorn ang tsika nga matud pa dunay relasyon sila si Apl.de.Ap ug KC Concepcion.
Una na nga nigawas ang taho kaniadto nga kanunay nga nasigpatan ang duha nga mag-uban og panuroy didto sa Amerika.
Tak-om pa ang duha ka kampo kalabot sa maong report.
Joem nakigbalik kang Meryll?
Bisan pa man sa gisulti ni Joem Bascon nga wala’y third party sa break-up nila sa iyang walo ka tuig nga girlfriend nga si Crisha Uy , niulbo karon ang tsika nga duna gyu’y laing tawo nga nalambigit sa ilang panagbuwag.
Naukyab ang mga himantayon sa dihang nikatap ang hulagway kun diin makita nga usa si Joem sa mga bisita sa pamilya sa iyang ex-girlfriend nga si Meryll Soriano atol sa pagsugat bag-ong tuig.
Adunay mga nagduda nga posibleng nagbalik sila si Joe mug Meryll.
Kathryn nagpanikad na!
Nagpanikad na gyud og maayo si Kathryn Bernardo sa subling panagpares nila sa iyang uyab nga si Daniel Padilla sa usa ka TV project.
Kahinumdoman ngab taod-taod na ang maong plano apan wala kini gidali-dali aron maseguro nga nindot ang mahimong resulta niini.
Matud pa nga ang Dreamscape maoy mogama sa maong proyekto.
Nagkadayon gyud!
Puwerting sabaa sa K-Pop world human nitumaw ang tsika nga nagkasinabtanay na sila si Heechul sa Super Junior ug Momo sa TWICE .
“We have confirmed with Heechul and Momo that they have recently started dating from being a close sunbae and hoobae,” suma pa sa statement SJ Label .
Gikatahong dul-an na sa lima ka buwan ang ilang relasyon.
Usa si Heechul sa mga karaang miyembro sa Super Junior nga puwerting sikata karong panahona.
Samtang si Momo, nahimo na nga sakop sa South Korean girl group nga TWICE sukad niadtong 2015.
Engaged na si Miko!
Malipayong gipahibalo sa aktor nga si Miko Raval engaged na sila sa iyang longtime non-showbiz girlfriend nga si Kaira Dimatulac.
Nahitabo ang pag-propose ni Miko didto sa South Korea sa miaging adlaw .
Nikisaw karon ang pangalan ni Miko gumikan sa iyang karakter isip Fabio sa Kapamilya series nga The Killer Bride.
Kris mipaambit sa iyang new year’s resolutions
Gipabuhagay ni Kris Aquino ang iyang New Year’s resolutions pinaagi sa iyang latest social media post.
“I have simple resolutions for 2020: to BREATHE deeply before any impulsive reactions, live purposefully & with authenticity, listen carefully to my body, work with GRATITUDE and enthusiasm, prioritize my FAMILY and our wellness, react primarily with COMPASSION, ignore the unnecessary negativity, peacefully PROTECT MY TRUTH, AND to not let past disappointments prevent me from LOVING & TRUSTING those who have given me no reason to doubt their sincerity,” saysay pa ni Kris nga naka-post sa iyang Facebook page.
Gawas sa maayong panglawas, target usab niya ang pagpa -iimprove ang iyang cooking skills.
Angel mo-focus sa kasal
Gibutyag ni Angel Locsin nga ang preparasyon sa kasal nila ni Neil Arce maoy tutokan niya karong panahona.
Matud pa sa aktres nga naputol og pipila ka buwan ang ilang preparasyon tungod sa ilang ka-busy.
Matud pa ni Angel nga dunay mga tawo nga nanaot nila ni Neil apan wala na siya manumbaling niini.