Nalingaw ko nga napungot anang trending convo post tali sa mag-kumare nga mga illongga. Ang kumare tuas abroad. Ang mama sa bata, ni-chat, nangumusta unya nangayo og pinaskohan para sa kinugos. Dungan niini, gipahinumduman sa mama sa bata ang iyang kumare nga P200 ra kunoy gihatag niini nga pinaskuhan sa nilabay nga pasko. Pakkk!
Ang nakakugang kay ni-lenggua ang mama nga ang gusto kuno nga regalo sa bata gikan sa iyang maninay nga tua sa abroad kay BISEKLETA nga tag P4, 000. Nakugang ang maninay uy kay siya gani matud pa wala mohatag og ingon ana nga kantidad sa regalo ngadto sa iyang anak. Take note, single-parent si maninay.
Pwes, nakugang si maninay uy. Nya nilenggua ang mama sa bata nga mularga man gud kuno silag Manila, maong pigado sila kay mahal ang ticket. Nya niingon pa gyud ang mama sa bata nga kun dili siya sa P4, 000, bisag ang katunga lang. Naliki gihapon ang maninay uy kay mahal ra, wala pamunita ang kwarta abroad ug daghan sab siya og hatagananan. Nya nilenggua ang mama sa bata nga nausab na matud pa ang batasan sa maninay and all.
Ang ending, wala gyud mudugo ang maninay sa gipangayo uy, igo ra siyang niingon nga pahatagan lang unya niya og pinaskuhan ang iyang kinugos. Nya niingon sab siya nga kun naglisud man diay sila og kwarta, pwes i-cancel ilang larga-larga og Manila. Pero nirason ang mama sa bata nga dili kuno pwede kay dugay ra nilang giplano ang maong travel. Pakkk!
Makakugang, di? Hahahaha! Kalooka ang mama sa bata uy. Soo demanding. And I think, daghang ingon ana sab nga mga mama—demanding. Ang uban sab gyud ana parayeg ra gud labi na og suod sab gyud and naahan sab ang nangugos. Pero, bisan na, dili gihapon maayo nga mo demand ta og regalo uy. Kun unsay ihatag, maoy atong dawaton. Remember, “beggars can’t be choosy.” Pakkk!
Seriously though, unsa man gyud diay role sa maninoy ug maninay? Kun wala ko masayop, sa akong nasalmutan nga seminar, balik-balik man gyud ang gisulti sa speaker uy bisan asa pa tingali nga parish sa tibuok Pilipinas. Ang maninay ug maninay maoy second parents sa bata. Siya maoy mobarog nga ginikanan in the absence of the parents. Siya maoy mo matuto sa bata, mutabang aron modako ang bata nga responsabli ug matarong nga sakop sa katilingban. Wala man gyud niingon ang speaker sa mga baptismal seminar nga kinahanglan mohatag gyud ta og regalo sa atong kinugos, nga kinahanglan mahalon gyud. Pakkk!
Ug kay wala man gyud na pahimug-ata nga muhatag gyud ta og regalo, meaning to say we cannot demand, we can only receive kun unsay itunol. Kun walay regalo nga ihatag karong pasko, ayaw kalian kay dili man diha matapos sa regalo ang pagka maninay sa imong kumare. Sa umaabot, basin labaw pa sa material nga regalo ang iyang mahatag ngadto sa imong anak. So chill lang mo diha uy! Pakkk!
May we all have a blessed, meaningful and merry chirstmas, dear okRYANians!