Tigi sa mga Christmas ID

Sanden: Maayong adlaw mga Kabanatanay! Nagkabugnaw na gyud ang panahon gumikan kay nagkaduol na ang Pasko. Mo-greet diay ko og advance happy fiesta diha sa Guadalupe karong December  12, Viva Birhen sa Guadalupe de Cebu! Kun motan-aw ta sa atong mga paborito nga programa  sa telebisyon ,  magbabag gyud ang mga Christmas Station ID  panahon sa commercial break.  Nagkalain-lain ang mugna, kun diin gipakita sa duha ang nagkadaiyang diwa sa Pasko.  Nindot pud baya kay maka-LSS, ug ato pud nga ma-appreciate nga  gihatagan gyud og importansya sa mga network ang kasaulogan sa Pasko.  Hinuon dili malikayan nga  i-compare gyud kini sa publiko. 

Yuri: Helllloooo!!!! Hoh Hoh Hoh! Merry Christmas KaBANATanay!!! Bisan paman wala nalangkat sa Pilipinas ang korona sa Miss Universe, padayon kita sa atong BANATanay!

Siyempre, dili ingon nga I am a Kapuso talent,  sa GMA Christmas Station ID 2019 ko modapig tungod kay sa tinuod lang Hugyaw man gyud ang ilang CSI ikumpara sa kaatbang. Gani, simple kaayo kini pero ang mensahe nga gihatod kay dako kaayo ang pagminahalay! So, Let Love Shines ingon pa sa linya ni Alden Richards. Sa Kapamilya nga Christmas ID, wala ko kasabot bitaw, gibalik man nila ang mga mugna nila sauna.

Jaypee:  Olah mga Kabanatanay! Happy Tuesday! Admittedly, naguol gyud ta noh nga wala malangkat ni Gazini ang korona  apan bisan paman, proud gihapon kaayo niya ug ang tibuok Pilipinas sa labok nga iyang gipakita atol sa maong kompetisyon.  Samtang sa  atong  hisgutanan. Sa una nakasaway ko sa station ID sa Kapamilya, apan sa pagbalik nako og tan aw niini, nakuha na naku ang tinud-anay nga mensahe sa ilang Christmas station ID. Ug mas napabilib ko sa ilahang mugna ikompara sa GMA-7 nga labaw pang gabalik balik. Sama sa nakalabayng tuig, Jessica Soho ra gihapon ug Alden ang permeng makita sa screen. Ambot lang gyud anang GMA-7, naunsa naman intawn ka Yuri uy, pagpuyo uy.

Sanden: Intawn pud ninyong duha, nag-iyahay gyud mo og labanay. Isulod sa inyong huna-huna nga ang  labing importante sa tanan , naghatag kini og nindot nga mensahe. Sa duha ka mga Christmas ID, usa sa common nga mensahe mao ang pagtinabangay sa panahon sa katalagman ug paghatag og tim-os nga gugma sa atong isigkatawo. SA ABS-CBN naay Family is Forever , samtang ang GMA-7 nagtangag sa tema nga Love Shines. Abiba ko sa duha ka mga network, bahalag init ang ilang kompetisyon, apan wala nila pakyasa ang pag-umol og material nga makahatag og inspirasyon sa mga Pinoy panahon sa Pasko.

Yuri:  Siyempre  Jaypee,  sila gyud ang makit an ninyo kay sila ang face sa  network nga nakahatag og  pride sa atong  country. Ang GMA Christmas Station ID defines kun unsa ang network. Let us be more self- giving kaysa self- serving. Ang panghatag og Serbisyong Tinud ~ anay! Dili lang panahon sa Pasko, ang pag- share kinahanglan matag adlaw gyud.   Ikaw paghilom diha Jaypee, labad lang akong headdress nimo.

Jaypee: Agree ko ana nimo nga part beshie Sanden nga ang importante mihatag  sila og mensahe nga ang tinuod nga kahulugan sa Pasko mao ang  pagminahalay. Apan sa sunod pod unta noh, maghuna huna pod ni ang GMA og laing mugna. Sa pila na ka station I. D, kun kinsay kusog sa online, mao raman perme hatagan nilag importansya. Tiya Jessica raman perme lugwa.Bahala og magbuwa-buwa imong baba Yuri, basta mao na akong obserbasyon , bye!.