Hugyaw nga final walk

CEBU, Philippines — Napuno sa  pagdayeg ang  hugyaw kaayo  nga  pagrampa ni Catriona Gray sa iyang final walk sa Miss Universe 2019 kagahapon sa wala pa  niya gi-turn over ang iyang korona kang  Zozibini Tunzi nga pambato sa  South Africa

Girampa sa  Pinay  beauty queen ang iyang  powder blue ball gown nga mugna ni Mak Tumang.

Atol sa iyang final walk, gipasalamatan ni Catriona ang tanang nisuporta sa iyang mga kalihokan samtang naghupot siya sa maong titulo.

“I wanted my year to be a reign of purpose, from advocating for quality education for all to raising awareness for HIV and AIDS, I’ve started to use my voice for goodThank you to mom and dad for always believing in me, Paula and Esther for your mentorship, the Miss Universe Organization and to Team Catriona, thank you from the bottom of my heart,” tipik sa iyang linya. Gibida usab niya  ang nasud nga Pilipinas sa iyang mensahe .

“And to my beloved Philippines, isang karangalan po ito. You endlessly inspire me and give me hope.To everyone with a dream, know that your dreams are valid and on your path your are never denied and only redirected,” suma pa niya.

Coco nakalangkat og Silver Creator Award

Nakadawat ang Kapamilya actor nga si  Coco Martin og  Silver Creator Award  gikan sa  video-sharing site nga  YouTube.

Gipahibalo sa aktor ang maong maayong balita pinaagi sa Instagram kun diin  makita sa hulagway nga gihuptan niya ang maong pasidungog.

Ang Silver Creator Award sa Silver Play Button ihatag alang sa   YouTube channel  nga dunay  100,000 subscribers.