Joseph, dunay appearance sa The Bridge

CEBU, Philippines — Molugwa ang Kapamilya aktor nga si Joseph Marco sa second season sa HBO Asia series nga “The Bridge”. Matud pa ni Joseph nga mitikang siya sa Kuala Lumpur aron nga magshoot sa mga eksena niini. Gikatakda kini nga mogawas sa sunod tuig.

Hapit na gyud

Gipasalig ni Julia Barretto nga hapit na gyud ipasalida ang pelikula nga iyang gibidahan nga “Block Z”. Gibutyag ni Julia kun nganong nataud-tauran kini una kini ipasalida. “Pero kasi ang tagal talaga ng pagtapos ng editing kasi siyempre it’s an action film tapos zombies pa, and sa ibang bansa pa inedit”, suma pa ni Julia.

Mapasalamaton kang Coco

Mapasalamaton ang child star nga si Rhed Bustamante ngadto kang Coco Martin gumikan kay gihatagan siya og kahigayonan nga makabalik sa showbiz. Gani tungod sa iyang pagbalik, aduna siya’y umaabot nga pelikula nga mahimong kabahin sa Metro Manila Film Festival nga mag-ulohan og “Sunod” kauban si Carmina Villaroel.

Wala gibasted?

Dili mahulagway ni Miles Ocampo nga gibasted niya ang nangulitawo kaniya nga si McCoy de Leon. Matud pa ni Miles nga pabilin sila nga higala sa aktor. “Simula pa lang kasi nagsabi na ako sa kaniya kung anong desisyon ko.  Hindi naman po basted na agad, kasi okay naman po kami na friends. Kasi kung babastedin mo, puputulin mo yung friendship niyo di ba?”

Effective ang tandem

Effective gyud ang tandem nila ni Joem Bascon ug Yeng Constantino karon nga sila ang bida sa usa ka MMFF entry nga “Write About Love”. Mao kini ang unang higayon nga magkauban ang duha sa usa ka proyekto. Nanghinaot si Yeng nga unta suportahan ang iyang labing una nga pelikula sa MMFF.

Gilimod si Claudine

Gilimod ni Manila Mayor Isko Moreno nga nagkarelasyon silang duha ni Claudine Barretto. Giklaro ni Yorme nga higala lang silang duha ug wala silay espesyal nga relasyon kaniadtong nagkatrabaho sila sa us aka pelikula sa Seiko Films daghang katuigan na ang nilabay.

Nibirit bisan mabdos

Wala pakyasa ni Anne Curtis ang iyang fans sa nga mitambong sa Grand Kickoff Celebration sa MMFF entry nga “M&M: The Mall, The Merrier” nga didto gipahigayon sa Makati City Hall Quadrangle. Sa iyang pagpatim-aw aron pag-promote sa maong pelikula, wala gyud niya gipalapos ang higayon nga mobirit sa awit nga “Let It Go bisan og pito ka bulan na kini nga nagsabak.

Aprubado na si Angelita

Aprubado na ni Lani Mercado ang iyang umaabot nga daughter-in-law nga si Angelica Alita nga gikatakda nga magpakasal na ngadto kang Jolo Revilla sunod semana didto sa Estados Unidos. Matud pa ni Lani nga bisan og beauty queen kini apan simple lang kini nga pagkatawo ug kanunay nga nagsuporta ngadto kang Jolo ilabi na sa pagpanerbisyo niini sa isip usa ka politiko.

Jane, na-pressure na

Na-pressure na pag-ayo ang Kapamilya star nga si Jane de Leon karon nga siya ang nihupot sa karakter ni Darna. Mapasalamaton si Jane nga kanunay siya nga gitambagan ni Liza Soberano aron nga maibanan ang iyang kabalaka nga gibati alang sa maong dakong responsibilidad.