CEBU, Philippines — Gikasal gahapong adlawa didto sa Kyoto, Japan sila si Vhong Navarro ug Tanya Winona Bautista. Una na nga gipadayag ni Vhong nga dili gyud niya buhian si Tanya sa iyang kinabuhi gumikan kay wala gyud kini mobuhi sa ilang relasyon ilabi na niadtong nag-agi sila og mga pagsulay.
Higala ra uy
Giklaro ni Bea Alonzo nga higala ra gyud niya si Dominic Roque. Kahinumdoman nga naintriga ang duha human sila nag-uban og suroy didto sa Japan. Suma pa ni Bea nga daghan sila sa dihang nilaag sila sa maong dapit.
BuKo Channel
Makabaton og BuKo (Buhay Komedya) Channel ang Cignal TV ug katimbayayong niini ang APT Entertainment.Mga karaan ug bag-ong shows ang idalit sa maong channel. Pipila niini mao ang Iskul Bukol, Wow Mali, LokoMokoU ug ang pipila ka mga segment sa Eat Bulaga nga sama sa Little Miss Philippines, Pinoy Henyo ug uban pa.
Jona gikulbaan
Giangkon ni Jona Viray nga gikulbaan gyud siya sa dihang gi-perform niya ang iyang ASAP Natin ‘To number nga opera classic didto sa Rome. Nag-trending og maayo ang pag-awit niya sa Queen of the Night” kun diin nibirit gyud siya og maayo.
Nakauyon kang Zephanie
Si John Prats ang direktor sa labing una nga concert sa “Idol Philippines” grand winner nga si Zephanie Dimaranan. Nakadayeg si John kang Zephanie gumikan kay kahibalo kini mosugyot og nindot nga musical numbers. “When we had our first meeting, nagulat ako na alam niya kung ano ang gusto niya. Alam niya na ang opening prod niya ganito, gusto niya ganito. Gusto niya sanang kantahin ang song na ito kaso ‘di maganda ang lyrics, baka hindi okay sa mga ka-age niya. So naiisip niya ‘yung mga ganun,” saysay pa ni John ngadto sa ABS-CBN News.
Tagpuan
Adunay umaabot nga pelikula si Alfred Vargas ug duna kini working title nga Tagpuan. Si MacArthur Alejandre ang direktor sa maong movie project.
Gisugdan na
Gisugdan na ang shooting sa pelikula nga maghisgot sa kinabuhi ni Arnel Pineda. Kun si Arnel ang pabut-on, gusto niya nga ang titulo sa iyang biopic film kay ‘Crazy Little Asian.’ Kasi ‘Yung una ‘Crazy Rich Asian”.
Moundang unta
Giangkon ni Richard Guttierez nga dunay nga higayon kaniadto nga nakahuna-huna siya nga moundang sa showbiz ug adto mopuyo sa laing nasud. Apan nakaamgo si Richard nga naa gyud sa Pilipinas ang mga maayong oppurtunidad alang kaniya.
Proud sa pag-umangkon
Gipasigarbo og maayo ni Maja Salvador ang performance sa iyang pag-umangkon nga si Janella Salvador sa pelikulang The Heiress . Gisuportahan gyud ni Maja ang grand premiere sa maong pelikula. Kauban ni Maja si Janella sa teleseryeng Killer Bride.
Coco target ni Jerald
Pangandoy ni Jerald Napoles nga makatrabaho og balik si Coco Martin sa ‘FPJ’s Ang Probinsyano’. SUma pa ni Jerald nga makatrabaho ra siya sa bisan unsa nga network ilabi na karon nga naka-kontrata na siya sa Viva.