Parang nakakaloka naman ang balita tungkol sa actor / politician na suki raw ng mga matrona kahit noon pa.
Ayon nga sa chikahan sa Take It... Per Minute (Me Ganun) kahapon nina Manay Lolit Solis, Manay Cristy Fermin and Mr. Fu, ganun na raw noon pa si Jomari Yllana.
Diumano ay lagi itong ginagastusan ng mga nagiging ‘dyowa’ niya.
Yup, may not so throwback kuwento nga ang no. 1 digital talk show kahapon sa mga avid viewers ng programa na napapanood sa Facebook page ng Pilipino Star NGAYON at PSN Latest Chika every Tuesday, 12:00 to 1:00 P.M.
Pinag-uusapan nga ngayon ang dating aktor na ngayon ay councilor ng Parañaque dahil sa reklamo ng kanyang live in partner na diumano’y iniwan siya dahil sa third party ng mas may edad na madatung at inabandona nito ang dalawa nilang anak.
At doon na rin naungkat ang mga nangyari noon sa ex niyang sila Ara Mina, Aiko Melendez at iba pa.
Dahil nga sa not so throwback na chikahan, naungkat ni Nay Cristy ang tungkol sa classic na ‘ambiance’ dialogue ni Alma Moreno noon.
Minsan daw ay may bumisita kay Alma sa bahay. Sabi raw ng bisita, “wow ang ganda naman ng ambiance.”
Sagot daw ni Alma : “binili ko pa ‘yan sa abroad.”
Kala raw ni Alma, furnitures ang ‘ambiance.’
Pero wala naman daw binatbat si Ethel Booba sa ganda ni Alma kahit may pagkaka-pareho ang kanilang sense of humor.
Anyway, regular na ngayong inaabangan ang TIPMMG lalo na ng mga kababayan nating nasa abroad na ginagawa itong pantanggal ng sadness at homesickness na konting kembot na lang at one year.