Mga drayber pakuhaon og Team Clearance

CEBU, Philippines — Palukaton na og clearance gikan sa buhatan sa Traffic Enforcement Agency of Mandaue ang tanang drayber sa mga publikong sakyanan sa Dakbayan sa Mandaue.

Kini ang nakaaghat ni Konsehal Jimmy Lumapas, chairman sa committee on transportation sa konseho sa siyudad, isip tubag sa mga drayber nga walay pakabana sa ilang obligasyon sa mga kalapasan nga ilang nahimo. Ang clearance makuha sa tag P100 sa buhatan sa TEAM diin nahibaw-an kung nakabayad na ba ang mga drayber sa ilang mga kalapasan nga nahimo.

Matud ni Lumpas nga mahimutang na sa kakuyaw ang katawhan sa pagpadayon og maneho og mga sakyanan sa mga drayber nga nakahimo og daghang kalapasan apan wala lang magpakabana sa ilang obligasyon.

“As manifested by the TEAM report, has prompted the TEAM Board to provide means to strengthen road courtesy, avoid road accidents and lessen traffic violations by bringing them to where the full arm of justice shall have been served,” nagkanayon si Lumapas.

Laing multa nga P500 ang ipahamtang ngadto sa mga mapakyas sa pagkuha sa maong clearance.  GMR (BANATNEWS)