Engaged sa kaugalingon

CEBU, Philippines — Engaged na si Ryza Cenon apan dili sa usa ka lalaki kun dili sa iyang kaugalingon. Nag-post si Ryza sa Instagram og hulagway niya diin makita nga nagsul-ob siya og singsing. “I said YES! to give my full commitment to love myself before I give my heart to a person. And when the right one comes, I’ll transfer this ring to my other hand and accept the right one to the perfect hand. I’m engaged with myself,” post pa ni Ryza.

Mapasalamaton sa role

Wala matod pa damha sa Bidaman grand winner Jin Macapal nga mahatagan dayon siya og higayon nga modala og leading role pinaagi sa film nga ‘Damaso’  kun din nidala siya sa papel isip Crisostomo Ibarra.Kauban niya sa maong pelikula silang Ejay Falcon, Vina Morales, Aiko Melendez, Marlo Mortel, ug uban pa.“Isang malaking karangalan na po to portray Crisostomo Ibarra, pero yung ganun pa pong exposure, sobrang nakakatuwa po,” asoy pa ni Jin.

Sana all

Nakadawat si Sandara Park og custom-made gifts gikan sa Korean boy group BIGBANG member nga si G-Dragon. Nakadawat si Dara og tulo ka pares sa custom-made Air Force 1 nga gidesenyo mismo ni G-Dragon.

Nangayo og suporta

Nangandam ang mga supporters sa pambato sa nasud alang sa Miss Universe 2019 nga  nga Gazini Ganados alang sa  sa engrandeng send off party sa pinay beauty queen sa paglupad na niini ngadto sa Atlanta Georgia karong Nobiyembre 26 . Giimbitar nila ang mga Pilipino nga magtapok sa terminal 2 VIP lounge ug magdala sa Philippine flag. Kung maswertehan si Gazini ang ikalimang Miss Universe sa Pilipinas.

Naanad maghukas

Naanad na matod pa ang on-screen ug  theatre actor nga si JC Santos nga maghukas sa entablado busa wala ra siya naglisod sa pagdala niya sa papel isip Ilocano hero nga si Lam-ang, diin magsul-ob lang siya og bahag. Ipasundayag ang maong musical play karong Disyembre 6 hangtod 15. “Oh, definitely! I’m used to getting naked!”angkon pa niini.

Gibayaw sa kalipay

Dili makatuo matod pa ang Filipino singer nga si Lance Busa nga gi-follow siya sa Instagram sa American Idol season 6 winner nga si Jordin Sparks. Si Lance kay kampyon sa Michael Bolton’s Bolt of Talent niadtong 2017.

Nalipay sa mga hapones

Nangangha ang aktres nga si Bela Padilla sa hilabihang respeto ug suporta nga gipakita sa mga sa Japanese audience sa ilang pelikula nga Mañanita atol sa Tokyo International Film Festival 2019. Gihuman gyud matod pa nila og tan-aw ang pelikula hangtod sa kinaulihang parte sa credits una sila nibarog tanan ug nipakpak. “Iba yung respeto, ano, sa mga Hapones?”asoy pa niini sa interview.

Bilib ni Jasmine

Gidayeg sa actor  nga si Mike Liwag ang kaubang aktres nga si Jasmine Curtis-Smith tungod sa talagsaon nga talento niini sa pag-arte atol sa shooting nila sa pelikulang Culion. “Opo, grabe po! I’ve seen her works po, yung mga ibang works po niya, and bilib po ako talaga sa acting niya, sa kakayahan niya sa acting,” sigon pa ni Mike.

Nanghakot og awards

Nanghakot og awards atol sa 39th Hawaii International Film Festival ang Hollywood indie film nga Yellow Rose nga gibidahan sa mga Filipino stars nga silang Eva Noblezada, Lea Salonga, ug Princess Punzalan.Naangkon nila ang Audience Award ug Best Narrative Feature. Nakadaug sab kini isip Best Feature sa Toronto Reel Asian film festival, Philadelphia Asian American Film Festival, ug sa Vancouver Asian Film Festival. Ang maong pelikula ubos sa direksyon sa Filipino-American nga si Diane Paragas.

Malipayon alang sa partner

Gipaambit ni Kyle Echarri ang iyang kalipay kauban ang loveteam niya  nga si Francine Diaz atol sa pagbisita nila sa programang Tonight with Boy Abunda sa ABS-CBN.“Masaya po ako ‘pag nakikita ko siyang masaya. It’s one of the best feeling seeing someone especially if Im the one who made her happy. Yung feeling na ang sarap pala kasama nito, ang sarap pala pasayahin ‘tong taong ‘to,” asoy pa niini.

Nanghatag sa mga bata

Nagpaambit sa ilang blessings ang aktres nga si Karla Estrada ug uyab niini ngadto sa usa ka Childhaus shelter didto sa sa Quezon City. Nanghatag og sayong pinaskuhan ang duha ngadto sa mga bata. Gibuhat kini ni Karla isip pagsaulog sa iyang adlaw’ng natawhan niadtong Nobyimbre 21.

40th day

Gihandom sa pamilyang  Barretto niadtong Sabado ang kurenta  dias sa kamatayon sa ilang  padre de pamilya nga si Miguel Alvir Barretto. Namatay si Miguel niadtong Oktubre 15 tungod sa acute respiratory failure. Gikatahong wala  sa maong selebrasyon silang Gretchen, Claudine, ug Julia.