Wala pa ring bagong karelasyon ngayon si Bela Padilla. Wala umanong panahon ang aktres sa kanyang buhay pag-ibig kaya trabaho muna ang pinagtutuunan ng oras sa ngayon.
“Single forever, I would be sad if ten years from now, kung hindi ko nagawa itong mga ‘to. Tapos napanood ko, tapos sasabihin ko sa sarili ko, ‘Sana ako na lang.’ So mas lalo ako malulungkot,” nakangiting pahayag ni Bela.
Maging ang oras para sa sarili ay isinasabay na lamang ng dalaga sa kanyang mga ginagawang trabaho. “Shooting is my me time. Comfort zone ko na ‘to. ‘Pag wala ako sa shooting, mag-iisip ako kung kailan kaya ako magkaka-shooting ulit. Nag-e-enjoy po ako ngayon masyado sa pelikula,” natatawang kwento ng aktres.
Kapag wala namang trabaho ay madalas na sa ibang bansa nakapagbabakasyon si Bela.
Posible kayang isang banyaga ang maging kasintahan ng aktres?
“Actually parang feeling ko nga parang mas doon ako bagay. Kasi di ba very ano ako, pati magsalita, very straight forward. Opinionated, so baka naman,” pagtatapos niya.
Vina umaming nabaliw noon ng grabe kay robin
Naranasan na ni Vina Morales na magmahal nang sobra noon sa kanyang mga naging kasintahan. Matatandaang naging nobyo ng aktres si Robin Padilla mahigit dalawang dekada na ang nakalilipas.
“Oo, naging baliw ako sa pag-ibig no’ng kabataan. But I learned, ngayon maski paano nasasaktan ka na lang if the relationship doesn’t work pero hindi ka na nababaliw-baliw tulad nang dati. Natuto na rin naman ako na maging matatag. Sa pagkakaalala ko eh siyempre ‘yung kay Robin. Baliw na baliw ako no’n, Sisa ako no’n. After that, siyempre nabaliw din ulit ako sa pag-ibig (sa tatay ng anak) but medyo slight na lang. Gano’n yata talaga, parang ‘pag first heartbreak mo feeling mo magugunaw na ang mundo mo. So dumaan naman ako diyan,” pagtatapat ni Vina.
10 taong gulang na ngayon ang anak ng aktres kay Cedric Lee na si Ceanna. Hindi man nakatuluyan ni Vina ang ama ng anak ay wala naman daw siyang pinagsisisihan sa mga nangyari. “Ang sarap kayang maging nanay. Wala naman akong pinagsisihan sa buhay ko. I always think naman na sa mga masasakit na nangyari sa buhay ko, thankful ako kasi naging matatag ako, at naging ganito ako ngayon dahil sa mga naranasan ko. You just have to think also the good things kasi minsan nakakalimutan natin ‘yon eh. Kaya karamihan ng mga kabataan ngayon nade-depress kasi tinitingnan nila ‘yung mga negative na nangyayari sa buhay nila, but if you just think positively and thankful ka lang, and of course prayer, magiging light ‘yung emosyon mo,” giit ng aktres.
(Reports from JCC)