Entertainment department sa TV5 banhawon

CEBU, Philippines — Nitumaw  ang taho sa  PEP  kalabot sa pagkumpirmar ni  Jane Basas, President at Chief Executive Officer (CEO) sa TV5 ug  Cignal nga ibalik na  nila ang entertainment department sa maong istasyon.

“I’ve been asked that question before and I always said that entertainment at the end of the day brings the ratings.So, the objective is really to improve the viewership of TV5 so that we can also improve the revenue generation potential of the channel,” saysay pa niini ngadto sa PEP.

Kahinumdoman nga  gitangtang niadtong  2015 ang  entertainment department sa network.

“Ngayon, pinag-aaralan pa lang namin kasi you know, a huge portion of our airtime is really dedicated to sports and that will remain to be the case because we have contractual obligations to our partners,” dugang pa niini.

Aminado si  Basas nga sa pagka-karon, dili  matupongan sa TV5 ang ABS-CBN ug  GMA-7  kun maghisgot og entertainment programs  apan ilaha gyud paningkamotan nga modalit og nindot nga mga show.

“Initially, I’m sure we cannot be as big as Channel 2 or Channel 7, they really do spend billions in entertainment productions but I just wanna make sure that we offer as many kind of content, di ba, that will appeal to more Filipinos than just the sports enthusiast,” pagtin-aw pa niya.

Pinay nakadaog sa Asia Pacific Screen Awards

Si Max Eigenmann may napili nga  Best Actress sa bag-ohay lang nga  2019 Asia Pacific Screen Awards (APSA).

Tungod kini  sa  maayo niya nga performance  sa  court drama movie nga  Verdict. Ang maong kalihokan nahitabo sa miaging gabii didto sa Brisbane, Australia.

Sa iyang  acceptance speech nagpasalamat si Max sa mga tawo nga maoy nahimong taytayan sa pagkasidlak sa  iyang career ug pipila niini mao ang iyang  manager nga si  Ricky Gallardo, ang direktor sa  Verdict  nga si Raymund Ribay Gutierrez, ug ang producer  nga si Brillante Mendoza.

Gipahinungod usab niya ang iyang kadaogan ngadto sa iyang mga anak nga sila si  Sandra ug Massy, ingon man usab ang  partner niya nga si Anthony.

“Thank you APSA. Being here tonight has been truly one of the momentous and exciting experiences of my life. Receiving this is beyond anything that I expected or imagined,” tipik sa iyang speech.

Love advice ni Richard

Nihatag og tambag kalabot sa gugma a ang aktor nga si Richard Gutierrez alang sa mga  aktres nga sila si  Bea Alonzo ug Angelica Panganiban.

Kauban ni Richard  ang duha sa  upcoming movie sa Star Cinema nga “Unbreakable.”

Matud pa sa aktor nga suwerte kaayo  ang mga lalaki  nga mauyab nila ni Bea ug Angekica. Gitambagan niya ang duha nga dili angayan magdali sa maong butang  sanglit moabot ra gyud sa saktong panahon ang mga lalaki nga mohatag og tinud-anay nga gugma kanila.

Sunday PinaSaya manamilit sunod buwan

Human sa upat ka tuig, manamilit na ang  ang show sa   GMA-7 nga  Sunday PinaSaya ug ang farewell episode niini mahitabo karong December 22, 2019.

Dili ang ratings ang rason sa pagkawagtang niini sanglit naglawig man gyud ang maong show.

Ang APT Entertainment ang producer sa  Sunday PinaSaya  nga nagsugod niadtong  August 9, 2015.

Nisamot  kagoul ang production team niini  gumikan ka tulo ka adlaw sa dili pa maabot ang Pasko,  manamilit ang ilang show.

Bilib kang Coco

Gibutyag sa komedyanteng aktres  nga si  Ai-Ai delas Alas nga lahi ra  gyud katrabaho isip direktor si  Coco Martin. Ganahan gyud kini nga sayo sugdan ang shooting aron makapahuway og sayo ang mga artista.  Nalakip si  Ai Ai sa pelikula ni Coco sa Metro Manila Film Festival (MMFF) entry nga  3Pol Trobol: Huli Ka Balbon kun diin ang aktor usab ang nagsilbing direktor.

Gipangandaman og maayo

Tsika pa ni  Matteo Guidicelli nga upat ka tuig gyud niya nga gipangandaman ang pag-propose kang Sarah Geronimo.   Wala pa gitino sa duha  ang petsa sa ilang kasal.    Gisaad ni Matteo nga panggaon gyud niya si Sarah sa tibouk niya kinabuhi.

Mga tang-an sa concert stage

Mag-uban sila si Regine Velasquez ug  Sarah Geronimo alang sa   Valentine 2020 concert.   Gipaabot  ang hugyaw nga mga production number sa maong concert ilabi na nga mag-abot  ang puros mga lig-on.

Nakapuwesto sa GLAM

Napili nga  3rd runner-up sa male division sa labing una nga  Global Asian Model (GLAM) search ang representante sa Pilipinas nga si Vince Marcelo.Ang  grand finals sa maong  model search gipahigayon  niadtong Huwebes didto sa kaulohan.Ang grand winners nagikan sa  Thailand nga sila si  Falco Sornnarin (male division) ug Artittaya Promchart (female division).

Suportado sa GF

Mapasalamato  ang Sugbuanon nga Bidaman winner  nga si  Jin Macapagal ngadto sa iyang  non-showbiz girlfriend gumikan kay suportado kaayo niini ang pagkasulod niya sa showbiz.   Todo suporta ang iyang uyab sa pelikula niya nga Damaso.

Bea negosyante na!

Tag-iya na karon og usa ka  coffee shop owner ang aktres nga si  Bea Alonzo.  Giingong iyaha kini nga gi-franchise. Nag-ugat ang maong coffee shop sa New York.  Gipaniguro ni Bea nga duna siya’y laing kabisihan sa higayon nga wala siya’y showbiz projects.

Dakong garbo

Dakong garbo alang kang  Janella Salvador nga makauban ang beteranang aktres nga si  Maricel Soriano  sa usa ka proyekto.    Makauban ni Janella si Maricel  sa  horror movie   nga “The Heiress”. Wala damha     ni Janella na naabot gyud ang higayon nga nakatrabaho niya ang diamond star.

Banggiitan ang nagtudlo

Gi-release na ang  official music video sa  bag-ong single ni Iñigo Pascual nga “Catching Feelings.” Ang choreographer ug creative director ni Bruno Mars nga si Phil Tayag maoy nagtudlo sa  dance moves  ni Iñigo sa maong  music video.

New look

Gisurpresa  ni  John Lloyd Cruz ang iyang fans   bag-o niya nga hitsura.  Nitumaw ang hulagway kun diin gipaputol na niya ang bungot. Kuha ang maong hulagway alang sa bag-o niya nga endorsement nga usa ka clothing brand.

Nalingaw ra

Tsika pa ni  JC Santos  nga nalingaw ra sila sa kasamtangang istado nila sa iyang non-showbiz girlfriend. Matud pa sa aktor nga wa pa masulod sa  ilang huna-huna nga magpakasal. Classmate niya pag-highschool ang uyab niya karon.