Adan sugdan karon

CEBU, Philippines — Buksan na sugod karong adlawa ang pagpasalida sa pelikulang Adan nga gipaluyohan sa Viva Films.

Maghisgot kini sa istorya  sa duha ka babaye nga na-develop sa usag-usa. Gibidahan kini nila ni Cindy Miranda ug  Rhen Escaño kinsa  duna gyu’y love scene sa maong  pelikula.

MayWard magseryoso

Sa labing una nga higayon,  mosuway og heavy drama sila si Maymay Intrata ug Edward Barber nga nailhan sa kadaghanan isip  MayWard.  Sila ang  mga bida sa umaabot nga episode sa Maalaala Mo Kaya karong Sabado. Pagadalhon ni Maymay ang  karakter sa babaye nga dunay cancer.

Komportable kang Janella

Gibutyag ni Mc Coy de Leon nga komportable ra siya sa dihang gigama ang eksena nila ni Janella Salvador sa pelikulang The Heiress nga gibidahan ni Maricel Soriano. Suma pa ni Mc Coy nga kaila na sila daan ni Janella  gumikan kay susama sila og handler.

Unya ra ang kasal

Gitataw  ni  Empress Schuck  nga wala pa sila’y  plano nga magpakasal  sa iyang boyfriend nga si  Vino Guingona.  Suma pa sa aktres nga dili pa sila andam sa maong butang.  Mo-focus lang una sila sa pag-atiman sa ilang anak.

Dupaya mi-surrender

Gikatahong ni-surrrender na sa kapolisan sa miaging adlaw ang  negosyante  nga si Kathelyn Dupaya nga nag-atubang sa  kasong estafa. Hinoun naka-piyansa dayon ang maong negosyante. Kalabot kini sa reklamong estafa nga gipasaka ni Ynez Veneracion  batok kang Dupaya. Ubay-ubay na usab ka mga artista ang nakabangi  ni Dupaya.

Nagpaalim pa

Gibutyag sa Idol Philippines grand  winner nga si Zephanie Dimaranan  nga naa pa sa recovery stage ang higala niya nga  singer nga si Janine Berdin. Nasayran  nga dunay  gipamati ang singer hinungdan nga naka-absent  kini sa ASAP. “If I’m not mistaken, nakapag perform na po siya ulit, kailangan lang na mag-ingat siya kasi hindi pa siya fully recovered. Pero we’re still hoping na makabalik na siya this Sunday kasi marami rin pong nakaka-miss sa kaniya,” saysay pa ni  Zephanie sa interview niini sa  PUSH .

Gidayeg sa mga hapon 

Puwerting lipaya ni Bela Padilla gumikan kay mga   positive feedback ang  iyang nadawat alang  sa pelikula niya nga  ‘Mañanita’ nga gipasalida didto sa Japan. Si Paul Soriano  ang direktor  sa maong pelikula  nga gi-produce sa  Ten17P ug Viva Films.

Nag-agi og rejection

Gipadayag  sa aktres nga si Jane de Leon nga sa  wala pa niya  makuha ang role sa Pinoy comics icon nga Darna, nakasinati na usab siya og kapakyasan sa dihang  nag-audition siya sa pipila ka mga show sa ABS-CBN kaniadto.   Wala  gyud mawad-an og paglaum si  Jane ug naabot gyud ang panahon nga nakabaton siya og dakong proyekto.

Trending 

Nag-trending ang cute nga   video nila ni Daniel Padilla ug James Reid. Makita sa maong video nga gibitad  ni James  si  Daniel aron mosayaw sa  dance floor.Nahitabo kini atol sa  after-party sa ASAP sa Rome.

Nagpa-burger

Gikalipay og maayo ni  Neri Naig-Miranda ang balita nga  engaged na ang iyang  idolo nga si Sarah Geronimo ug ang aktor nga si  Matteo Guidicelli. Sa iyang latest vlog,  makita nga nagpapalit si Neri og 100 ka mga burger isip selebrasyon sa nahitabong engagement.

Nagsakay sa bangka

Nagpaukyab ang bandang  Ben&Ben   human sila nagkanta sakay   ang bangka  didto sa Pasig River. Ilahang gi-perform ang ilang bag-o nga single nga “Masyado Pang Maaga.”