CEBU, Philippines – Engaged na ang aktres nga si Sam ug PBA player nga si Anthony Semerad ug nahitabo ang proposal atol sa pagbakasyon nila sa Australia.
Plano sa duha nga sa sunod tuig na sila magpakasal.
Nasayran nga nakatutok sila si Sam ug Anthony sa negosyo nila sa Batangas.
Usa ka tuig kapin na ang relasyon sa duha.
Pelikula ni Sue dunay Chinese remake
Makabaton og Chinese adaptation ang 2018 romantic-comedy film ni Sue Ramirez nga Ang Babaeng Allergic Sa Wifi.
Ang direktor niini nga si Jun Robles Lana maoy nipahibalo sa maong balita pinaagi sa Twitter.
“So happy that finally we closed the deal for a Chinese language remake of #TheGirAllergicToWiFi (#AngBabaengAllergicSaWiFi)!”,” tweet pa ni Direk Jun.
Kauban ni Sue Ramirez sa Pinoy version niini mao sila si Jameson Blake ug Markus Patterson.
Lovi ug Marian nagtingog na!
Malipayong gipahibalo ni Lovi Poe nga human sa taas nga panahon, nagtingog na sila ni Marian Rivera.
“It’s nice because nga when I went to Sunday PinaSaya, we finally got to have that encounter. We finally had the chance to talk. It was nice, it was really nice,” saysay pa ni Lovi ngadto sa GMA News.
Kahinumdoman nga niulbo ang tsika kaniadto nga duna sila’y gamay nga panagbikil.
Ji Chang-wook motikang sa nasud
Nagmaya ang Pinoy fans sa Korean actor nga si Ji Chang-wook human niulbo ang report kagahapon nga motikang sunod tuig dinhi sa Pilipinas ang ilang idolo.
Tipik kini sa Asia Fan Meeting Tour sa 32 anyos nga Korean heartthrob.
Gawas sa Pilipinas, gikatakda usab siya nga mobisita sa Taiwan, Singapore, Thailand, Indonesia ug Japan .
Pipila sa sikat nga TV series ni Ji mao ang Smile Again, Healer, ug Suspicious Partner.
Reaksyon sa Korean star sa Miracle in Cell No. 7
Gikalipay og maayo sa Korean star nga si Ryu Seung-ryong nga dunay Pinoy remake sa iyang 2013 film nga Miracle in Cell No. 7.
Nasayran nga si Aga Mulach maoy modala sa role nga gihuptan ni Ryu sa South Korean version niini.
“So touched to know that there will be a Philippine remake,” suma pa sa Facebook post ni Ryu.
Ang Philippine adaptation sa Miracle in Cell No. 7 maoy entry sa Viva Films sa Metro Manila Film Festival 2019.