SEEN: Ang Grade 2 teacher na si Mrs. Laceste ng Rosauro Almario Elementary School sa Tondo ang favorite teacher ni Manila City Mayor Isko Moreno dahil ito ang nagbigay sa kanya ng unang first honor medal niya. Ang first grade teacher ni Lea Salonga na si Mary Tabaquero at ang London singing teacher na si Mary Hammond naman ang absolute favorite teachers ng original Miss Saigon star.
SCENE: Napag-usapan ang mga paborito na guro nina Isko at Lea dahil sa parangal na iginawad ng Anvil Business Club sa mga teacher na naganap sa Chinese Garden ng Rizal Park, Manila. Si Wilson Lee Flores ang chairman ng Anvil Business Club na nag-donate sa Manila ng monument ni Confucios, ang great ancient teacher at philosopher.
SEEN: Hindi lamang si Sarah Geronimo ang star sa red carpet premiere ng Unforgettable noong Lunes sa Cinema 1 ng SM Megamall dahil pinagkaguluhan din ng fans si Milo, ang co-star niya niyang aso sa Viva Films movie na magbubukas ngayon sa mga sinehan. Sa kasamaang-palad, bawal ang hayop sa loob ng sinehan. Hindi isang ordinary dog movie ang Unforgettable dahil maraming aral at kagandahang-asal ang matututunan sa pelikula ni Sarah.
SCENE: Nagpalakpakan ang nagulat na audience ng Unforgettable nang ipakita sa wide screen si Delfin Geronimo, ang tatay ni Sarah. Driver na tinakasan ng maraming aso ang special participation ni Delfin sa pelikulana hindi niya malilimutan dahil nakumbinsi siya nina Jun Lana at Perci Intalan na umarte.
SEEN: Second runner up sa Miss Globe 2019 si Leren Mae Bautista ng Pilipinas sa coronation night na ginanap noong Lunes, October 21 (Martes nang madaling-araw sa Pilipinas ) sa Ulcinj, Montenegro.