CEBU, Philippines —Nidaog isip 2nd runner-up sa 2019 Miss Globe pageant ang pambato sa Pilipinas nga si Leren Mae Bautista didto sa Ulcinj, Montenegro kagahapon.
“We are so proud of your impressive performance, and the way you embodied the true beauty and elegance of a Binibini. You are truly a Filipina worth emulating,” suma pa sa post sa Facebook page sa Binibining Pilipinas. Ang representante sa Mexico nga si Alejandra Díaz de León maoy nakaangkon sa titulo nga Miss Globe 2019.
Napili nga First runner-up ang gipadala sa Trinidad ug Tobago nga si Carla Jean Lares. Samtang kandidata nga taga Canada maoy 3rd runner-up ug napili nga 4th runner-up ang taga Czech Republic.
Sa kasaysayan sa pageant world, ang Pinay nga nakaangkon og titulong Miss Globe mao si Ann Lorraine Colis. Nahitabo kini niadtong 2015 didto sa Canada.
Dili na bag-o si Lerin sa international pageant sanglit nakoronahan na siya kaniadto isip Miss Tourism Queen of the Year International 2015-2016.