Quality time

CEBU, Philippines – Todo bakasyon sa laing nasud ang Sugbuanon nga singer nga si Morissette Amon kauban ang iyang boyfriend nga si Dave Lamar.

Gi-post ni Morissette sa iyang Instagram account ang hulagway nila ni Dave samtang nanglaag sa Marina Bay sa Singapore .

Nagtangag kini sa caption nga, “If you can fly, then soar.”

Kahinumdoman nga nag-atubang og init nga isyu ang ilang relasyon  kaniadto human nitumaw ang tsika nga  matud pa  gibiyaan ni Morissette ang iyang pamilya  ug niuban kini sa iyang boyfriend. Subay kini sa mga tweet sa amahan sa singer. Hugtanon hinoun nga gihimakak  sa kampo ni Morissette  ang maong  report.   

Pelikula ni Bela ipasalida sa Japan

Nalakip sa listahan sa mga ipasalida sa  Tokyo International Film Festival 2019  ang pelikula ni Bela Padilla nga  Mañanita .

Ang maong film festival mosikad karong  October 28 hangtud sa  November 5 didto sa Tokyo, Japan. Si Paul Soriano ang direktor  ug producer sa maong pelikula .

Matud pa ni Bela nga dili gyud siya kalimot sa iyang mga naagian sa maong proyekto  gumikan kay  bug-at kaayo ang iyang mga eksena alang sa karakter niya isip sundalo.

Video Channel ni Alex giatake sa hackers

Gisuwayan  og sulod sa  hackers ang online video channel account ni Alex Gonzaga.

Matud pa niya nga mao kini ang rason nga  gi-monitor gyud niya og maayo ang iyang account  gumikan gisuwayan og kuha sa hackers ang iyang ads.

Duna’y  4 million subscribers ang YouTube  channel ni Alex ug kanunay nga pistahan ang iyang vlogs.

Gisuwayan og kuha sa hackers ang iyang  profile photo ug maayo nalang gani kay iyaha kining nabawi. 

Nagbitbit og uyab

Gikatahong gibitbit  ni  Karla Estrada ang gidungog niya nga  non-showbiz boyfriend sa iyang pagbakasyon sa Coron, Palawan  dili pa lang dugay.

Kauban usab ni Karla sa maong pagbakasyon mao ang iyang mga soud nga higala.

Wala gihapon mohatag og katin-awan  si Karla sa maong espekulasyon.

Apan base sa ilang mga lihok, giingong aduna na sila’y  espesyal nga tinagdan sa usag-usa. 

Miley nakabaton og bag-ong inspirasyon

Gikatahong adunay bag-ong inspirasyon ang singer nga si Miley Cyrus ug kini mao ang   Australian singer nga si  Cody Simpson

Nasigpatan matud pa ang duha  nga sweet kaayo samtang nanuroy sa usa ka pampublikong lugar. Kahinumdoman nga napakyas kaniadto  ang kaminyoon nila ni Miley ug Liam Hemsworth. 

KZ ug Epi magpares sa “The Art of Ligaw”

Naghinam-hinam na si   KZ Tandingan sa mahimong reaksyon sa katawhan  sa labing una niya nga  pelikula kun diin siya ang  leading lady ni  Epi Quizon. Ang maong pelikula nag-ulohan og  “The Art of Ligaw.” “Noong una ko pong nalaman, na-overwhelm ako. Kasi, singer naman talaga ako e. Sa 7 years ko dito sa industriya, singer ako. So noong sinabihan po nila na aarte ako, sobrang nalula ako,” saysay pa sa singer.

Mapasalamaton siya sa production team sa iyang pelikula gumikan sa pagiya kaniya.

“Talagang inalalayan ako, hindi ako pinabayaan sa project,” dugang pa sa singer.

Elisse ug Richard sa MMK

Sa labing unang higayon, magpares sila si  Elisse Joson ug Richard Guttierez sa usa ka proyekto.   Molugwa ang duha sa episode sa Maalaala Mo Kaya ugma sa gabii. Dakong garbo alang kang Elisse nga makatrabaho si Richard kinsa taas na og naabtan sa showbiz.

Markus nagselos kang Joshua

Giangkon ni  Markus Paterson nga giselosan niya kaniadto  si  Joshua Garcia gumikan  kay mao kini ang ka-loveteam ni  Janella Salvador sa Kapamilya  primetime series nga The Killer Bride.  Nasayran nga dunay relasyon sila si Markus ug Janella sa tinoud nga kinabuhi.  Apan gitataw ni Joshua nga normal ra ang ginagmay nga selos ug wala niya kini gi-big deal sanglit nasayod man siya nga kabahin ra kini sa ilang trabaho.

Nagkalami nga relasyon

Nagpusot-pusot ang sweet birthday message ni Mika dela Cruz alang sa iyang boyfriend nga     si Nash Aguas. Gisaulog ni Nash ang iyang 21st birthday  kagahapon. Lakip sa gi-post ni Mika sa Instagram mao ang mga hulagway nila ni Nash.

Alice mibalik sa GMA

Human nilugwa og pipila ka tuig sa ABS-CBN,  nibalik napud sa GMA-7 ang aktres nga si  Alice Dixson.   Nalakip  kini sa bag-ong Kapuso afternoon series nga  Madrasta nga nagsugod niadtong Lunes .

Duga sa showbiz

Nagmaya si KC Concepciion gumikan kay duna gyud siya’y nakita sa iyang hinagoan sa showbiz kaniadto. Suma pa sa aktres nga nakapatukod na siya og mga apartment.  Suma pa ni KC nga wala gyud siya nangayo og bisan gamay nga kuwarta sa iyang ginikanan  alang sa pagpatukod niini.

Dugang pelikula

Gawas sa pelikula ni  Sen. Manny Pacquiao nga magtuki sa kinabuhi sa usa ka bayani, duna pu’y laing movie project   ang pambansang kamao  nga nag-ulohan og Freedom Fighters nga maghisgot sa mga panghitabo niadtong  World War II.  Giingong dako kaayo og magasto si Pacman sa maong proyekto.

Pasok sa Danish FilmFest

Malakip sa Danish Film Festival  ang pelikulang Nuuk nga gibidahan nila ni  Aga Muhlach ug  Alice Dixson. Nasayran nga sa  Greenland gi-shoot ang pipila ka eksena sa maong pelikula.

Book author na

Mosuwat  napud og libro  si  Miss Universe 2015 Pia Wurtzbach . Matud pa nga usa si  Pia sa naghatag og inspirasyon sa minilyon ka mga tawo. Usa si Pia sa mga UNAIDS Goodwill Ambassador for Asia and  the Pacific.

Ronnie nagpasalamat kang Sarah

Dako ang pasalamat ni   Ronnie Liang ngadto kang Sarah Geronimo  gumikan nidawat dayon kini sa iyang imbitasyon aron mahimong special guest sa iyang concert  nga Love X Romance. Mao kini ang  anniversary concert  ni Ronnie nga mahitabo sa   Music Museum karong  November 8, 2019.

Nakat-onan ni Kath

Daghan matud pa og mga realization ang nahagpat ni  Kathryn Bernardo  sa pagbakasyon nila ni  Daniel Padilla didto sa Iceland.     Suma pa ni Kathryn nga nahimoot siya og maayo sa maong dapit ug usa sa nakanindot sa  mga talan-awon niini mao ang kadaghan sa kahoy.   Nakaingon si Kath nga kinahanglan gyud nga dili gub-on ang kalikupan  aron mamintinar ang kanindot sa usa ka dapit.