CEBU, Philippines — Gitangtangan og korona sa Miss World Philippines Organization si Miss Eco Teen Philippines Vanessa Walters gumikan sa tulo ka mga kalapasan: misrepresentation of her credentials, unprofessional behavior ug indecency.
Suma pa, wala matud pa nitambong si Vanessa sa pipila ka mga kalihukan aron ma-promote ang iyang titulo, nag-walkout matud pa kini sa meeting nga gipatawag sa national director nga si Arnold Vegafria ug nagdumili sab pagpirma og kontrata tali sa organisasyon.
Gitumbok sab nga laing rason sa pagtangtang og korona kang Walters mao ang iyang hubo nga hulagway nga gi-upload niya sa iyang IG account niadtong nilabay nga mga adlaw, ingon man ang “public display of alcohol and tobacco use.”
Gitakdang mupuli kang Vanessa mao si Mary Daena Zaide Resurreccion, nga usa sa mga kandidata sa Miss World Philippines 2019.
Si Vanessa ang labing unang nakoronahan isip Miss Eco Teen Philippines atol sa Miss World Philippines 2019 pageant niadtong September 14, 2019 sa Smart Araneta Coliseum, Quezon City.
Una na nga nabalita dinhi sa Banat News Hugyaw (BNH) ang kabahin sa hubo nga hulagway, apan wala lang una nganli gumikan kay nagpadayon pa ang diskusyon kabahin niini niadtong nilabay nga semana. Apan nahisgutan na sa maong balita nga hayan bawian gyud og korona ang maong rayna kun dili magkasinabot ang masig ka habig.
Loyal kang Nadine
Nanawagan si James Reid ngadto sa publiko nga dili mugnaan og love team name ang gitakda nga panagpares nila ni Momoland member Nancy Mcdonnie sa usa ka teleserye nga alang sa ABS-CBN nga mag-ulohan og “Soulmate.’ “I’m honoured to be part of the new project ‘Soulmate’ on ABS-CBN but please guys, no love team names I’ve already got one.” Jadine gyud ang loveteam ni James ug loyal gyud siya sa iyang hinigugma nga si Nadine Lustre.
Nipanaw
Duha ka mga beteranong sakop sa showbiz ang nagsunod pagpanaw. Si Tony Mabesa namatay niadtong Biyernes sa gabii ug si Amalia Fuentes nipanaw kagahapon. Managsama nga gipasidunggan sila si Amalia ug Tony sa 3rd Eddys niadtong Hulyo 14, ingon man sa Sine Sandaan niadtong Septiyembre 12.
“Giltrends po”
Daghang naukay sa labing bag-ong vlog ni Alex Gonzaga kauban ang big boss sa ABS-CBN nga si Charo Santos Concio. Kini dihang nagkanayon si Concio: When Mam Charo Santos said: “Lahat nakikita ko, pag hindi kayo sabay sabay sa dance steps ninyo. Sino ang hindi nag-rehearse jan?” Tubag ni Alex G: yan! Girltrends po! Ang Girltrends girl group sa It’s Showtime nga nabulit sa negatibong komento sanglit dili gyud sila magdungan ug kanunay magyagaw sa ilang performance sa maong noontime show.