CEBU, Philippines – Malaki ang Cebuano singer nga si Jimi Marquez sa bag-ong teleserye ni Judy Ann Santos nga Starla. Nalakip pud sa maong teleserye ang aktor nga si Jordan Herrera kinsa taod-taod na nga nipahuway sa pag-arte. Gipaluyohan ang Starla sa Dreamscape.
Atangi
Tsika pa sa mga bida sa pelikulang ‘Isa Pa With Feelings’ nga dili pa nila matino kun duna ba sila’y kissing scene sanglit “holding hands” ug beso pa ang ilang nabuhat sa nagpadayon nga shooting niini. Nagpanikad na ang duha sa mahimong resulta sa ilang pelikula.
Lig-on ang nagpaluyo
Gipasigarbo pag-ayo ni Inigo Pascual ang iyang latest music video nga “Options. Gi-release kini niadtong October 2. Katrabaho ni Inigo sa maong music video, ang Korean commercial director nga si Dawittgold kinsa nakatrabaho na kaniadto sa K-Pop groups nga sama sa EXO, FTIsland ug NCT.
Magpasikat week
Todo pangandam na ang ‘It’s Showtime’ alang sa giatngan nila nga ‘Magpasikat Week’ isip selebrasyon sa ilang 10th anniversary. Nagkadaiyang hugyaw nga performance ang idalit sa hosts niini nga sila si Anne Curtis , Amy Perez Teddy Corpuz, Jhong Hillario, Vhong Navarro, Karylle, Ryan Bang ug Vice Ganda.
New project
Gipamub-an ni Yen Santos ang iyang buhok kay gikinahanglan kini sa iyang bag-ong proyekto. Suma pa ni Yen nga excited na kaayo siya sa iyang new project ug segurado matud pa nga mauyonan kini sa iyang fans.
New Gen Champs
Malipayon ang The Voice Kids Season 2 winner nga si Elha Nympha gumikan sa mga positibong feedback nga nadawat sa grupo niya nga “New Gen Champs”. Mao kini ang bag-ong grupo nga mo-perform sa ASAP Natin To ug kauban niya sila si Zephanie Dimaranan, ug Janine Berdin.
Bukas sa sequel
Bukas si Kim Molina sa posibilidad nga himoan og sequel ang pelikula niya nga Jowable nga nagmalampuson sa takilya. Wala damha ni Kim ang mainitong paghangop sa publiko sa maong pelikula.
Alang sa mellinials
Tsika pa ni JP Laxamana alang gyud sa mellinials ang pelikula nga ‘Ang Henerasyong Sumuko sa Love’: ‘aron mas masabtan pa nila og maayo ang ilang kaugalingon. Gibidahan kini nila ni Tony Labrusca, Jerome Ponce, Jane Oineza, Albie Casino, ug Myrtle Sarrosa.
Panglantaw ni Clint
Gipaambit ni Clint Bondad ang iyang panglantaw sa pagpa-improve sa iyang kaugalingon. “I am nobody but a man learning how to be better. I found my life’s mission. WOW, this absolutely feels powerful to know,” suma pa sa iyang Instagram story.