Buko de Malunggay

CEBU, Philippines — Sa miaging buwan, sa dihang nilaag ko sa balay sa akong amiga, nanghagad siya nga ako siya nga ubanan og panihapon.

Pagtikang nako sa ilang kusina, nagbabag sa lamesa  ang sud-an nga bag-o lang sa akong pananan-aw.

Pagsugod namo og habhab, nakaingon ko, kalami ba diay aning sud-ana.

Nilenggua akong amiga nga si  Viana,  ang pangalan sa maong sud-an kay  buko de  malunggay”.

Nakat-onan matud pa niya ang maong putahi sa iyang iyaan.  Puwes,  nisulti siya nako unsaon kini pagluto ug nasuta nako nga sayon raman diay kaayo uy.

Mga sagol

2 tasa buko water

2 lusok nga ahos (gidugmok)

2 spring onion

2 unod sa buko ( gipikas-pikas)

1 tasa sa dahon sa malunggay

asin

pepper

Pamaagi:

1. Gisaha ang  ahos, isunod ang unod sa buko  ug ukaya og maayo sulod sa duha ka minutos  .

2. Idugang ang buko water ug pabukala, ukaya og maayo sulod sa tulo ka minutos.

3. Butangi og asin ug pepper. Ipuno dayon ang malunggay ug spring onion.

4. Pakals na! Inato , pero lami.