CEBU, Philippines – Wala gyud nagduha-duha si Vina Morales sa pagdawat sa role nga Sisa sa pelikulang Damaso .
Nalakip ang maong karakter sa novel ni Jose Rizal nga Noli Me Tangere,
“Nung tinawagan yung manager ko, sinabi kaagad na yung role ko is Sisa. Para sa akin, maski sinong artista or singer, hindi magda-dalawang isip na gawin yun. It’s a musical movie. And we did a shooting already, umaga na nga kami natapos kasi ang layo eh, sa Taal, Batangas kami. May scenes kami na medyo mabigat kaya talagang kailangan kaabang abangan,” saysay pa niya nga namantala sa PUSH.
Nalakip usab sa maong pelikula sila si Aiko Melendez, Nyoy Volante, si Ejay Falcon, Arlene Muhlach, Ariel Rivera, ug Arnell Ignacio.
Pia na- starstruck kang Liza
Na-starstruck ang beauty queen nga si Pia Wurtzbach ngadto sa aktres nga si Liza Soberano sa dihang nagkaabot sila niini sa miaging ABS-CBN Ball 2019.
Suma pa ni Pia nga nahugyaw siya sa beauty ni Liza ug giingnan niya kini og “patron of beauty”.
Kahinumdoman nga si Liza ang nidala isip Pia sa dihang gi-feature ang istorya sa kinabuhi niini sa “Maalaala Mo Kaya” niadtong 2017.
Kris nanawagan sa mga single
Naukyab ang fans ni Kris Aquino sa dihang giimbitar sa Queen of Social Media ang mga lalaki nga nagpangedaron og 41-55 anyos nga i-add ang bag-o niya nga personal Facebook account.
“I only have eight friends so far. Anybody there na gustong i-friend ako privately?,” suma pa sa iyang post.
Gidetalye usab niya ang criteria sa target niya nga male friends ug kinahanglan kini nga single, biyudo, divorced ug annulled.
“And if you’re a doctor (especially a rheumatoid, immunology, allergy specialist, neurologist, anesthesiologist, pain management specialist, or cardiologist) promise accept agad ang friend request,” dugang pa niya. Taod-taod na nga single si Kris sukad niadtong 2012 human na-annulled na ang kaminyoon nila sa basketball player nga si James Yap .
PPP 2019 naka-P105M na!
Gilinyahan gyud sa moviegoers ang mga pelikulang Pinoy sa bag-ohay lang nga Pista ng Pelikulang Pilipino 2019 (PPP) nga natapos kagahapon, Huwebes.
Sukad sa pagsikad niini niadtong Setyembre 13 , gibutyag sa Film Development Council of the Philippines (FDCP) chair nga si Liza Di?o nga niabot na sa kapin sa P105 milyon ang kinatibuk-ang kita sa 10 ka entries sa maong film festival.
Nag-una sa takilya ang “The Panti Sisters” nga mikita na sa dul-an sa P60 milyon sulod sa upat ka adlaw.
Todo pasalamat ang mga bida sa maong pelikula nga sila si Christian Bables, Paolo Ballesteros ug Martin del Rosario.
“Hindi ko lubos inakala na aabot ako sa ganito, ngayong nandito na kami para akong nasa cloud nine,” tsika pa ni Christian ngadto sa ABS-CBN News.
Nahimutang usab sa ikaduhang puwesto ang pelikulang “Open” nga gibidahan nila ni Arci Mu?oz ug JC Santos ug top 3 usab ang “Cuddle Weather” nila ni Sue Ramirez ug RK Bagatsing.
“Masaya kasi maraming naka-relate, nag-i-ignite siya ng discussions. Nagti-trigger siya ng mga tao,” saysay pa ni JC.
Tungod sa marijuana Rapper nga si Loonie nasikop
Nasikop sa gipahigayon nga buy-bust operation sa Makati Police ang sikat nga rapper nga si Loonie ug ang laing upat niya nga kauban.
Nadakpan si Loonie, o Marlon Peroramas sa tinoud nga kinabuhi, sa parking area sa usa ka hotel sa Brgy. Poblacion, Makati City.
Usa ka buwan nga gipaubos sa surveillance ang grupo ni Loonie. Nakuha sa iyang grupo ang 15 ka mga sachet nga high-grade marijuana ug buy-bust money.
Apan nipadayag si Loonie nga planted ang mga ebidensya ug wala siya’y kalabotan sa maong butang.
“Hindi totoo lahat ng parating sa akin. Iyong mga pera at mga nasa sachet, hindi po sa akin ‘yan,” matud pa niya.
Suma pa sa rapper nga gikan siya sa usa ka radio interview ug nitikang lang siya sa maong dapit alang sa mga bata nga dunay cancer.