CEBU, Philippines – Makalagot na sab ang role nga naangkon karon ni Yam Concepcion sa umaabot nga serye nga ‘Love Thy Woman’. Matud pa ni Yam nga dunay kalahian ang iyang karakter sa iyang nahimong serye nga ‘Halik’ ug sa LTW. “Ibang-iba siya kay Jade, very different. Mayaman na ako rito. Pero we will see kasi I’m still getting to know the character, so dapat nilang abangan. Pero sobrang bratty-bratty niya, maiinis na naman kayo sa akin”, suma pa ni Yam.
Nakatabang gyud
Dako ang pasalamat ni Eric Fructuoso nga nahimo siya nga kabahin sa serye nga ‘Kadenang Ginto’. Nasayran nakadawat og makabungog nga suporta sa publiko ang maong serye hinungdan nga nagdugay kini og taman sa ere. Suma pa ni Eric nga nakabaton siya og taas-taas nga trabaho gumikan sa kalig-on sa maong teleserye.
Gipangandaman gyud
Gipangandaman ni Angel Locsin ang pagtapos sa ‘The General’s Daughter’. Matud pa ni Angel nga gipang-inat na niya ang iyang mga kaunuran tungod kay intense na ang mga umaabot nga eksena nga ilang pagahimoon.
Midepensa sa sayop
Midepensa si Chie Filomeno sa nag-viral nila nga video sa ‘It’s Showtime’ kun diin wala magkadimao ang gi-perform sa iyang ka-grupo nga GT sa awit nga ‘How Do You Sleep’ ni Sam Smith. “Everyday is a new day. Everyday is a challenge. Siguro kasi, those days weren’t our days”, suma pa ni Chie.
Magkolaborasyon
Makigkolaborasyon ang Indie pop ug R&B American artist nga si Jeremy Zucker ngadto kang Kiana Valenciano sa usa ka pasundayag karong umaabot nga Setyembre 24, 2019. Mahitabo kini sa ABS-CBN Vertis Tent sa Quezon.
Si Edward gihapon
Pilion ni Maymay Entrata si Edward Barber kun makabaton siya og uyab. Matud pa ni Maymay nga si Edward mao ang nagtabang kaniya sa tanan niya nga pagabuhaton sukad nga gisulod niya ang kalibutan sa showbiz.
Mag- cameo sa KG
Giimbitar sa sakop sa ‘Kadenang Ginto’ si Jose Mari Chan aron nga makahimo og cameo role sa maong serye. Sikat karon ang pangalan ug mga kanta ni Jose Mari gumikan sa nagkaduol nga Pasko.
Alang sa mga bata
Gisugdan na ang bidding sa gown nga gisul-ob ni Judy Ann Santos sa ABS-CBN Ball 2019. Ang halin sa maong gown idonar sa aktres ngadto sa Bantay Edukasyon sa Bantay Bata 163.