CEBU, Philippines – Happiest day mga suki namong readers sa Banat News! It’s Flyday Friday ug karong adlawa, laing lugar na sab ang atung sud -ungon ug akong panghinaot nga makakutlo mo’g mga ideya sa akong ipangyagyag diha kaninyo.
Mga nagkadaiyang suruyanan ang makita natu sa lain -laing platforms sa social media sama sa Instagram ug Facebook. Kasagaran niini mao ang mga white sand beaches nga maoy nakapabantog sa Sugbo isip usa sa mga nag- unang suruyanan sa nasud tungod kay abunda kini sa amihanan ug habagatang bahin niining atung probinsya.
Apan kun gusto na pod mong magpalahi, dali na ug kuyugi ko ninyu sa pag -explore sa Guiwanon Cold Spring sa lungsod sa Tabogon.
Ang Tabogon anaa mahimutang sa amihanang Sugbo. Usa kini ka hilum nga dapit unahan sa Sogod ug Borbon. Gidagsa na kini sa mga turista karon tungod sa maanindot niining talan- awon ug ipuno pa gyud ang pwerteng kabugnaw sa tubig nga perfect gyud kaayu alang sa naglagiting nga init sa panahon.
Duha ka oras lamang ang biyahi paingun dinhi kun nagikan ka sa dakbayan sa Sugbo.
Sa akong pagsud-ong dinhi, dako gyud kaayu nga kalipay ang akong gibati tungod kay gawas nga nakatugdaw ko sa mabugnaw nga spring, nindot sab kaayung pagaaninawon ang mga dagkong kahoy sa probinsya.
Achieved kaayo ang kahilom ug kanindot sa usa ka lugar nga imong gitinguha nga maangkon kun mobisita ka dinhi.
Moabot ngadto sa P100.00 ang entrance fee alang sa mga dagko ug P50.00 sa mga bata ug wholeday na nimong ma-enjoy ang kaanindot niini. Aduna pod silay mga “daytime only” cottages nga haom kaninyu kun daghan, o grupo mo nga mangaligo dinhi sa ubos lamang pod kaayo nga presyo.
Sa mga gustong maligo dinhi nga di gustong magdala og daghang mga dalhunonon nga mga lutuonon, ayaw kaguol tungod kay adunay mga carenderia dinhi nga nag-offer og lamian ug baratong mga pagkaon.
Gawas sa tin -aw nga tubig, pagakantahan sab ka sa daghang mga langgam nga anaa dinhi nga murag walay kakapoy nga mag sige’g tuyuk tuyuk ug lupad lupad sa maong dapit.
Thank God sa maanindot kaayong Cold Spring sa Tabogon!
Unsaon pag-adto?
Sakay og bus sa North Bus Terminal. P120 ang plite sa regular bus. Naog sa tungod mismo sa resort.