Baron mihimakak sa bag-ong isyu

CEBU, Philippines – Gihulagway ni Baron Geisler nga dili tinoud  o fake news  ang  nitumaw nga taho  nga  matud pa nagpa-rehab siya og balik  hinungdan nga nawala siya sa limelight.

Suma pa sa aktor nga dili na siya ganahan mopatol pa og maayo sa maong tsismis.

Ang labing importante kaniya nga pabilin gihapon siya nga nilugwa sa teleserye nga gibidahan  ni Coco Martin.

“Wag na. No comment na ako sa isyung yan kasi lalaki lang po,” dagdag niyang reaksyon. “Just keep them wondering, as long as we know I’m still in Probinsyano, nothing to worry. I’m doing well. Okey na po ‘yon. Less chika, more on showing. Kita naman po sa posts natin po everyday na lumabas ako sa Probinsyano. Nakikita naman nila ako everyday sa show,” saysay pa niya nga namantala sa PUSH.

Giila na usab karon si  Baron isip  “Datu”  ug mahimong ambassador sa kalinaw.

Nganong mihilak si Sue?

Wala kapugong si Sue Ramirez sa pagtulo sa iyang luha gumikan sa naandan sa uban mga Pinoy nga motan-aw lang og pelikula kun langkoban kini og sikat nga mga artista.

Usa si  Sue Ramirez sa bida sa pelikulang  Cuddle Weather nga molugwa na sa mga sinehan sulod karong semanaha.

“Medyo nagiging emosyonal ako doon sa fact na ang tinitingnan pala ng mga kabataan ngayon ay kung gaano kasikat ang artista na bumibida sa isang pelikula,” suma pa niya.

Green Day  mobalik sa nasud

Nagmaya ang Pinoy fans   sa   American band  nga Green Day human niulbo ang balita nga mobalik sa Pilipinas ang ilang idolo.

Gikatakdang mag-concert ang maong  grupo  sa  Mall of Asia Arena karong March 14, 2020.

Mao kini ang pagsikad sa Green Day  sa  ilang “The Hella Mega Tour.”

Gikatakda usab sila nga mo-release sa unang bahin sunod tuig sa ilang  13th studio album nga  Father of All.

Ang Green Day maoy nagpasikat sa  “Wake Me Up When September Ends,” “21 Guns,” Good Riddance” ug “Boulevard of Broken Dreams.

The Gift stars mang-hugyaw sa Cebu

Makighimamat  karong   Biyernes, September 13 sa iyang Cebuano fans   ang bida sa The Gift, ang giila nga  Asia’s Multi-media Star  nga si Alden Richards.

Duha ka mga  lugar sa Cebu ang duawon ni  Alden  alang sa mga show nga gidumala sa GMA Regional TV.

Aduna siya’y  Kapuso Mall Show sa Gaisano Fiestamall Tabunok sa  Talisay City kauban ang  iyang The  Gift co-stars nga sila si  Mikee Quintos, Thia Thomalla, Mikoy Morales ug  Jo Berry.   Magsugod ang maong show sa alas 3 sa hapon.

Pagkaabot sa  alas 7 sa gabii,   laing show ang mahitabo sa  Danao City Boardwalk. Motikang usab  niini sila si   Boobay ug  Tekla.

Magsugod na sa kahanginan ang The Gift  karong September 16, 2019.

Samtang si GMA Regional TV Vice President ug  Head nga si  Oliver Amoroso nipadayag nga wala gyu’y paghupas ang pagsuporta nila sa career ni Alden.

“GMA Regional TV has always been very supportive of Alden and we are proud that we are bringing him and his co-stars in The Gift closer to our Kapuso in the regions thru various malls shows and events.

We invite our Kapusong Cebuanos to be with us this Friday to support The Gift before it makes its worldwide premiere on Monday (September 16) on GMA Telebabad,” suma pa ni Amoroso.