CEBU, Philippines – Nigawas na ang official trailer sa 'The Panti Sisters' kun diin sila si Paolo Ballesteros, Christian Bables ug Martin Del Rosario ang mga bida niini. Ang maong pelikula nalakip sa Pista ng Pelikulang Pilipino nga mosikad karong Setyembre 13 hangtud 19.
Foreigner ang inspirasyon
Giangkon ni Derrick Monasterio nga non-showbiz nga foreigner ang bag-o niya nga inspirasyon.
Gitataw hinoun niya nga wala pa sila’y label niini nag-ihanay pa sila og maayo sa usag-usa.
Seryoso siya sa maong babaye ug nahimout siya sa ka-sweet niini.
Daniel-Moira tandem gidayeg
Gisumsoman dayon sa netizens ang kolaborasyon nila ni Daniel Padilla ug Moi-ra dela Torre sa awit nga "Mabagal,"
Tinagik kini ni Dan Martel Simon Tañedo alang sa Himig Handog 2019.
Gihulagway sa netizens ang maong awit nga nindot .
Nakadawat usab og mga pagdayeg ang music video niini kun diin nilugwa ang uyab ni Daniel nga si Kathryn Bernardo.
Nalakip usab sa music video ang bana ni Moira nga si Jason Marvin.
Kiko segurado na kang Devon
Napanglantawan na gyud ni Kiko Estrada nga si Devon Seron na gyud ang iyang mapangasawa puhon.
Nasayran nga nagkalig-on og maayo ang relasyon nila ni Kiko ug Devon.
Gitataw hinoun ni Kiko nga wala pa sila maghisgot ni Devon ang kalabot sa pagpakasal apan masaligon siya nga maabot ra gyud sila sa maong butang sa saktong panahon.
Sa pagka-karon , nag-enjoy ang duha sa ilang istado ug wala magdali sa maong butang.
Ellen ug Lloydie nagbalik?
Niulbo karon ang taho nga matud pa nagbalik na sila si John Lloy Cruz ug nasigpatan ang duha nga nag-uban.
Suma pa sa report nga lawom ang panag-istoryahanay sa duha sa miaging adlaw ug nakahukom sila nga barugan ang gugma nila sa usag-usa.
Una na nga niulbo sa miaging buwan ang tsika nga nagbuwag sila human matud pa nga wala na makaantos si Ellen sa ka-weird ni John Lloyd.
Wala mohatag og komento ang duha ka kampo kalabot sa maong taho.
Apan sa miaging adlaw, nagpaputol na si John Llloyd sa iyang buhok.