CEBU, Philippines — Gitug-an ni Sue Ramirez atol sa media conference sa iyang gibidahan nga ‘Cuddle Weather’ nga nagbuwag na sila sa iyang boyfriend nga si Joao Constancia kinsa miyembro sa BoyBandPH. Duha ka tuig nilungtad ang ilang relasyon ug natuldukan lang kini gumikan kay daghang mga butang ang dili nila masabtan sa usa’g usa.
Ka-date sa party
Gihagad na si Seth Fedelin si Andrea Brillantes nga mao ang iyang mahimong ka-date sa umaabot nga ABS-CBN Ball. Bongga gyud ang nahitabong imbitasyon gumikan kay nag-effort gyud kini og decorate ug mihatag pa gyud kini og mga buwak . Nalakip ang duha sa teleseryeng ‘Kadenang Ginto”.
Naka-move on na
Nakamove on na si Jason Paul Laxamana sa wala pagkalakip sa pelikula nga ‘Just A Stranger’ sa Pista ng Pelikulang Pilipino karong tuiga. Dako ang pagsalig ni Direk Jason nga maayo nga pagkagama ang ilang pelikula human sa makita ang mga maayo nga komento gikan sa mga tawo nga nakasaksi na niini. Nisikad kini sa mga sinehan niadtong Miyerkules.
Asawa ni Dennis
Mapasigarbuhon ang Sugbuanong aktres nga si Dionne Monsanto nga nagkauban sila ni Dennis Trillo sa unang higayon sa pelikula nga ‘Mina-Anud’. “He is very focused and very quiet. But when we do our scenes together parang mag-asawa talaga kami. And I really appreciate that because he gives me the right energy when we do our scenes. I play Dennis’ wife and parang ako yung isa sa rason kung bakit he wanted to make more money”, istorya ni Dionne.
Gilibot sa balay
Gituman gyud sa komedyante nga si Wacky Kiray nga ilibot niya ang mga Magandang Buhay hosts sa ilang panimalay. Gipakita niya nila ni Jolina Magdangal, Melai Cantiveros ug Karla Estrada ang unod sa iyang upat ka andana nga balay. Gibida sab niya ang iyang koleksyon nga sapatos. Dugang pa ni Wacky nga pinangga gyud siya sa Ginoo tungod kay dali ra niya nakab-ot ang iyang dream house.
Kiligon sa eksena
Dili matago ni Kyle Echarri nga madala gyud siya sa kilig sa mga eksena nila ni Francine Diaz sa ‘Kadenang Ginto’. Nagkasoud na sila ni Francine sukad nga nagkauban sila sa maong serye. “Pero syempre may mga times na sa eksena na hindi mo talaga maiiwasan makilig. Medyo kinikilig kami sa isa’t isa kahit alam namin na eksena lang”, suma pa ni Kyle.
Nagsuroy-suroy una
Gipakita sa kanhi ‘Unang Hirit’ host nga si Rhea Santos ang iyang kinabuhi sa Vancouver, Canada. Nagsugod na siya og pamalit alang sa iyang bag-o nga kapuy-an . Gisuroy usab niya ang hugyaw nga spots sa maong dapit.
Tulo ka dekada
Gisaulog ni Ai Ai Delas Alas ang anibersaryo sa iyang tulo ka dekada sa showbiz industry. Mapasalamaton si Ai Ai sa Ginoo ug sa tanan nga padayon nga misuporta kaniya gumikan kay mao kini ang naghatag niya og kusog nga mopadayon sa iyang trabaho bisan pa man nga duna’y mga pagsulay nga iyang masugatan.