CEBU, Philippines – Nahimong trending niadtong Miyerkules sa gabii partikular na nga #TheKillerBrideFirstCurse, gumikan pag-portray ni Maja Salvador sa talagsaon niya nga karakter isip killer bride.
Nalakip usab sa The Killer Bride sila si Maymay Entrata, Janella Salvador ug Joshua Garcia.
Mao kini ang magsilbing big break ni Maja karong tuiga. Katapusan niya nga teleserye nga ni-click kaniadto mao ang Wildflower.
Kever sa financial support?
Niulbo ang tsika nga makaya ra nga buhion ni Ellen Adarna ang anak nila ni John Lloyd Cruz.
Sa taho nga nasagap sa usa ka tinubdan sa PEP.ph. giingong dili na isyu kang Ellen ang financial support gikan kang Lloydie.
Una na nga nitumaw ang tsika nga nagbuwag na sila si Ellen ug John Lloyd.
Pagtikang sa KathDen sa HK nakanselar
Gikanselar ang gikatakdang pagbisita nila ni Kathryn Bernardo ug Alden Richards didto sa Hong Kong gumikan sa “security reason”.
Mag-promote unta ang duha sa ilang pelikula nga “Hello, Love, Goodbye” kun diin kasagaran sa mga eksena niini ang gi-shoot sa maong dapit.
Hinuon, magpadayon gihapon ang pagpasalida sa maong pelikula sa mga sinehan sa maong dapit.
Nasayran nga dunay mga gipahigayong protesta sa pipila ka dapit sa Hong Kong.
Panawagan ni Catriona
Human sa diskriminasyon nga nasinati sa transwoman nga si Gretchen Diez sa usa ka establisamento sa Quezon City, nipadangat dayon sa iyang reaksyon si Miss Universe 2018 Catriona Gray.
Suma pa sa beauty queen nga kinahanglan na gyud nga pasaron ang SOGIE (Sexual Orientation and Gender Identity and Expression) Bill.
Gawas kang Catriona, pipila ka celebrities ang nipadangat sa pagsuporta sa maong balaodnon, kini sama nila ni Vice Ganda ug Ice Seguerra
“Last night’s incident involving a transgender woman being prohibited from using the womans washroom and resulting in being escorted off premises in handcuffs by local police only highlights further, the Philippines need for implementation of the #SOGIEEqualityBill,” tipik sa iyang post.
Miley mitingog na
Mitingog na ang singer nga si Miley Cyrus kalabot sa breakup nila sa iyang bana nga si Liam Hemsworth.
Matud pa nga gisuwayan nila og sulbad ang ilang problema apan wala kini mosaler.
“Don’t fight evolution, because you will never win. Like the mountain I am standing on top of, which was once under water, connected with Africa, change is inevitable,” tipik sa post ni Miley.
Jin mapasalamaton kang Aga
Nihatag og makahuluganon nga mensahe si Aga Muhlach ngadto sa Bidaman winner nga si Jin Macapagal.
Suma pa ni Aga nga nabatyagan na gyud niya kaniadto nga duna gyu’y padulngan ang talento ni Jin.
Kahinumdoman nga sa wala pa niapil si Jin sa Bidaman sa It’s Showtime, nakasalmot na kini kaniadto sa laing show sa ABS-CBN nga “Pinoy Boyband Superstar”kun diin usa si Aga sa mga hurado.
Mapasalamaton si Jin kang Aga gumikan kay usa gyud kini sa nagdasig kaniya sa pagkab-ot sa iyang pangandoy.