Panaghigalaay nabanhaw
CEBU, Philippines — Nahibalik na ang kasuod nila ni Maja Salvador ug Kim Chui butang nga gikalipay og maayo sa ilang fans.
Ang duha nagunitay og kamot ug tataw nga tam-is gyud ang ilang mga pahiyom sa usa ka hulagway mga kuha didto sa Times Square sa New York City.
Nitikang ang duha sa maong dapit human nahimong kabahin sa Kapamilya World Fiesta sa New Jersey niadtong Domingo.
Mahinungdanon ang nahimong kapsyon ni Kim sa dihang gi-upload kini niya sa iyang Instagram account.
“Endless reminiscing with this one, remembering our kalokohan before, laugh here and there, stories this and that. Some things never change!! still the same us!!!”. ,” suma pa niya.
Daghan ang nidayeg sa ilang ‘restored friendship’ human sa pipila ka mga katuigan nga nagbungol tungod sa isyu nga ilang giatubang kaniadto.
Kahinumdoman nga nauyab ni Maja ang ex-boyfriend ni Kim nga si Gerald Anderson.
Nag-uros uros nga gugma
Gipasigarbo ni Jake Cuenca ang nagkalig-ong relasyon nila sa beauty queen nga si Kylie Verzosa.
Matud pa niya nga dali ra gyud sila nga magkasinabot sa bisan unsa nga butang.
“One thing about me and Kylie is totoong-totoo lang kami.
Gano’n lang kami kasaya and at the same time ang maganda sa relationship naming dalawa, kapag nagkikita kami, walang bahid showbiz,” saysay pa ni Jake.
Kahinumdoman nga nagkaila ang duha kaniadto sa teleseryeng Los Bastardos sa ABS-CBN.
Nag-move on na
Nagmove-on na karon si Bea Alonzo sa isyu kabahin sa relasyon nila ni Gerald Anderson ug Julia Barretto. Ang aktes malipayon nga nakipg-bonding sa iyang mga higala nga sila si Paulo Avelino ug ang kapares niini nga si Jodie Tarasek kauban ang basketball player nga si LA Tenorio ug ang asawa niini nga si Chesca. Sa Instagram stories ni Bea, puros lingaw-lingaw ang iyang gi-post ug wala na kini magtuki sa isyu nga iyang giatubang.
Journey to the world stage
Mobida sa usa ka docu-series ang TNT Boys nga sila si Kiefer Sanchez, Mackie Empuerto ug Francis Concepcion. Mag-ulohan kini og ‘Journey to the World Stage’ kun diin matuki ang ilang kalampusan ug ang mga panghitabo sa ilang tagsa-tagsa ka mga kinabuhi sa wala pa sila misikat.
Nagpinasayloay na
Maayo na karon ang relasyon ni Janella Salvador ngadto sa iyang inahan nga si Janine Desiderio. Matud pa ni Janella nga nagpinasayloay na silang duha ug gihisgutan nila pag-ayo ang ilang mga kasaypanan sa usa’g-usa. Kahinumdoman nga nagkabangi ang duha kaniadto tungod sa personal nga isyu.
- Latest
