Indak sugdan karon!

CEBU, Philippines – Mobirada na sa mga sinehan sugod karong adlawa   ang  hugyaw nga dance movie  nga Indak nga gibidahan sa Multimedia Princess nga si  Nadine Lustre  ug sa aktor nga si Sam Concepcion.

Nasayran nga  gi-shoot ang pipila ka mga mga eksena niini  sa  Isla sa Bantayan, Cebu ug pipila ka dapit sa South Korea.

Usa  ka Cebuana ang island girl ang karakter ni Nadine sa maong movie.  Nidala siya isip Jen nga mahiligon siya sa pagsayaw  apan nagduha-duha pag-una kun ipakita ba niya sa publiko o dili ang tinagoan niya nga abilidad. Hangtud nga nahimong viral ang usa ka video kun diin nakit-an siya nga nisayaw  ug nakakita niini si  Vin (Sam), ang leader sa dance group nga Indak Pinas.

Dinhi nagsugod ang  pagtungtong na sa hagdanan paingon sa kalampusan  inubanan sa mga pagsulay.

Gawas  sa hugyaw  choreography, madungog  pud sa  Indak  ang  Official Soundtracks nga” Sumasayaw sa Indak”.  Si  Nadine Lustre ang nagkanta niini kauban sila si  Pio Balbuena ug Shehyee.

Sa presscon sa Indak stars nga gipahigayon sa Cebu Parklane International Hotel kagahapon, gibutyag sa mga bida nga dunay mga pagtulun-an  nga mahagpat sa ilang pelikula.

 “Never give up on your dreams.  Sa lahat ng mga ginagawa mo,  mas lalo mong makilala yung sarili mo, tsika pa ni  Nadine ngadto sa Cebu Entertainment Group.

Samtang si Sam sa iyang bahin,  usa sa mga pagtulun-an sa maong pelikula   mao ang pagbaton og pagsalig  sa “destiny”   sanglit mahimo  kining motibasyon  sa paglampos sa usa ka butang.

Nakalangkat na og mga best actress award si Nadine sa nangagi niya nga mga proyekto apan  gitataw  sa aktres nga wala niya gi-pressure ang iyang kaugalingon sa kasamtangan niya nga proyekto.

“Hindi ko iniisip yan,  mas lalo tayong mahihirapan sa ganyan. Sa akin lang, ginagawa ko lang  yung best ko sa iyang proyekto ,” matud pa ni Nadine.

Matud pa ni Nadine nga dili basta-basta ang naangkon niya nga role isip Sugbuanon sa maong pelikula sanglit grabe gyud ang pag-memorize niya sa iyang mga linya. Maayo gani nga duna ra siya’y mga kaila nga kanunay gyud nagtudlo kaniya.

“Ang ganda ng experience ko  sa pelikulang ito.  Isang magandang material.  Isa itong dance movie kaya nagamit ko yung talent ko sa pagsayaw ,” dugang pa ni Nadine.

   Gipasigarbo nila ni Nadine ug Sam nga usa ka-lig on gyud nga production ang Indak, gumikan kay sa dili pa sugdan ang shooting  niini,   nag-agi gyud og lapad nga rehearsals ug blocking sa nagkadaiyang anggulo.