CEBU, Philippines — Nagmaya og maayo ang Star Cinema tungod sa dakong kita sa Hello, Love, Goodbye’ nga gibidahan nila ni Kathryn Bernardo ug Alden Richards.
Sa ikaduhang adlaw nga pagpasalida niini, nikita na kini og kapin sa P66 million ug gituohan nga modako pa kini sa sunod nga mga adlaw.
“Sa lahat ng mga naniwala kina Joy at Ethan, 66,300,317.72 THANK YOUs! LOVE namin kayo!” matud pa sa social media post ni Ehan.
Nitumaw usab karong ang tsika nga matud pa posibleng makabaton kini og sequel human nipadayag si Direk Cathy Molina nga andam siya nga mogama og follow-up movie alang nila ni Alden ug Kathryn.
Apil sa nasakitan
Tsika pa ni Joshua Gacia nga nagkalain-lain ang mga opinyon sa tawo kalabot sa isyu nga giatubang sa iyang ex-girlfriend nga si Julia Barretto ug wala siya’y plano nga modugang pa niini.
Si Julia maoy aktres nga gituohan sa pipila ka netizens nga matud pa maoy rason sa breakup nila ni Bea Alonzo ug Gerald Anderson.
Una na nga nigawas ang tsismis nga matud pa dunay gitagoan nga relasyon si Gerald ug Julia.
Apan nagmalaumon si Joshua nga makabangon ra gyud si Julia sa mga tsismis nga iyang gisagobang karong panahona.
Matud pa sa aktor nga nasakitan siya og apil sa mga isyu nga gibato ngadto kang Julia.
Kakai mihangyo sa moviegoers
Mapasalamaton si Kakai Bautista sa kalampusan sa pelikula nga Hello, Love, Goodbye apan iyang gipahimangnoan ang moviegoers nga dili mosupak sa copyright laws.
Suma pa ni Kakai nga dili maayo ang pagkuha og screenshot ug clips sa movie.
Thank you po sa mga tags nyo sa amin about #HelloLoveGoodbye pero nakikiusap po kame na wag po tayong magpost ng videos, photos ng Film habang nanunuod. Diba nga po may advisory naman sa mga sinehan? BAWAL po yun eh. Again, THANK YOU!!!!” tweet pa ni Kakai.
Nasayran nga adunay Anti-Camcording Act of 2010 nga kanunay nga ipahimagno sa mga sinehan sa dili i-play ang pelikula.
Rebelasyon ni Paulo
Gibutyag sa aktor nga si Paulo Avelino nga dunay higayon nga nagplano siya nga maghikog tungod sa depresyon apan nakaamgo siya nga nindot ang kinabuhi ug dili kini angayan nga usikan.
Suma ni Paulo nga dako og tabang ang iyang mga higala aron dili na makahuna-huna sa maong butang.
Sa pagka-karon, nakabaton si Paulo og maayong showbiz career.
Geoff komportable kang Maja
Gibutyag ni Geoff Eigenmann nga dakong garbo alang kaniya nga makauban sa usa ka proyekto si Maja Salvador.
Nalakip si Geoff sa umaabot nga teleserye ni Maja sa ABS-CBN nga “The Killer Bride.”
“Sobrang nakakataba ng puso kasi I’ve been away for a while and this is my first show [now that I’m] back. Tapos napakalaking show pa. Kasama ko pa ‘yung mga napakalaking artista, ang laki ng cast namin. And to be paired with Maja,” saysay pa ni Geoff sa pagtikang niya sa programang “Magandang Buhay”.
Gihulagway sa aktor nga “perfect timing” ang subling panag-uban nila ni Maja.
“Mas mature na kami, mas marami na kaming maibibigay. At kahit hindi kami in real life, matatanggal namin ‘yung cliche na dapat kayo talaga to make the love team work,” dugang pa niya.
Malipayon ra ang aktor gumikan kay komportable ra sila sa usa’g-usa atol sa taping niini.
“We are very comfortable with each other, ‘yung mga eksena na ginagawa namin get us to be really close but comfortable kami. At maganda ang reaction ng tao, may chemistry din naman. So I’m very happy about that,” saysay pa aktor.
Nagkauban sila si Maja ug Geoff kaniadto sa usa ka pelikula.
Promosyon sa PPP 2019 nanukad sa Cebu
Misikad dinhi sa Sugbo ang promosyon sa Pista ng Pelikulang Pilipino (PPP) 2019 nga gidumala sa Film Development Council of the Philippines (FDCP) .
Pipila ka mga artista ang nia sa Sugbo aron mag-promote sa tagsa-tagsa nila nga mga pelikula. Karong alas 4 sa hapon, adunay mall show sa SM City Cebu sila si Gabbi Garcia ug Khalil Ramos (LSS -)” , ug Christian Bables (The Panti Sisters).
Una na nga nitikang kagahapon ang pipila ka mga artista didto sa University of San Jose-Recoletos alang sa campus tour ug sa laing mall show nila sa Robinsons Galleria Cebu.
Ang grupo sa Sine Kabataan 2019 finalist nga “Pinggu, Pwede Na?” ang gikatakdang mosalmot sa maong mga kalihokan. Ginama kini sa mga Sugbuanon nga sila si Elle Ubas ug Johanna Valdez .
Human sa Cebu, laing lugar sa nasud ang duawon sa mga artista, kini sama sa Davao (Agosto 9 -10) ug Pampanga ( Agosto 17).
Sa ikatulo nga tuig sa PPP , nagtangag kini sa tema nga “Pamilya, Pagkakaibigan, Pag-ibig” nga pipila ka adlaw nga , sugod karong Septiyembre 13 hangtud sa 19. Ang PPP 2019 maoy magsilbing grand kickoff sa Sandaan: ang ika-Isang Daang Taon ng Pelikulang Pilipino.
Ang PPP 2019 gihatod sa FDCP uban sa pagtambayayong sa Cinema Exhibitors Association of the Philippines (CEAP) ug CMB Film Services.
Duha ka tuig na!
Gisaulog nila ni Daniel Matsunaga ug sa iyang Polish model-girlfriend nga si Karolina Pisarek ang ilang second anniversary isip mag-uyab niadtong Huwebes.
Nag-iyahay og post ang duha sa ilang mga social media account sa tag-tagsa nila nga sweet anniversary greetings .
“Time flies so fast.. With you even faster! I’m so grateful that God connected our ways, my love. I appreciate you so much in my life! Thank you for who you are. Thank you for our beautiful 2 years. I pray that there is more blessing for both of us! I miss you and can’t wait to see you very soon!” suma pa sa IG post ni Karolina.
Samtang si Daniel , ni-post kini og, “Happy anniversary my love!! 2 years!! I love you!! See [you] soon! Can’t wait to see you smile like this again!” .
Sa wala pa naabot si Karolina sa kinabuhi ni Daniel, nauyab niya kaniadto si Erich Gonzales.