Palagot sa kontra?

CEBU, Philippines – Gipaliki napud ni  Gretchen Barretto ang iyang followers  human kalit niya nga gi-follow sa Instagram ang aktres nga si Bea Alonzo.

Nipadala dayon og mensahe   si Gretchen ngadto kang Bea  nga nagkanayon, “I love you my dearest one.”

Kahinumdoman nga nagkauban ang duha sa teleseryeng Magkaribal sa ABS-CBN niadtong 2010.

Nagduda ang fans ni Gretchen nga palagot kini sa kontra sanglit  kaaway man sa aktres  ang inahan ni Julia Barretto nga si Marjorie Barretto.

Si Julia maoy  bag-ong  na-link sa uyab ni Bea nga si  Gerald Anderson. Mao kini ang gidudahang rason nga nagmaoy si Bea sa IG.

Dali hinoun nga gihimakak ni Marjorie ang tsismis nga matud pa dunay relasyon sila si Gerald ug Julia  ug ikiha niya ang netizen nga nag-upload og malisyosong hulagway.  

Dating photos mikatap

Niulbo na usab karon ang tsika nga  nag-date na diay kaniadto pa sila si Gerald Anderson ug Julia Barretto .

Adunay mga hulagway  nga gi-upload sa  IG user @lancezuh nga nagpakita nga nag-uban ang duha nga nag-island getaway.

Matud pa nga unom ka adlaw na ang nilabay human gi-upload  ang maong mga hulagway, nagpasabot nga  mas nag-una kini  kumpara  sa hulagway nga makita nga nag-uban sila si Gerald ug Julia sa birthday party ni Rayver Cruz.

Samtang kagahapon,  ni-post si  Julia  sa IG  ug nagkanayon kini nga gimingaw na siya og dagat.

Nitumaw ang mga pagduda nga nagtakilid na diay daan ang relasyon nila ni Gerald ug Bea Alonzo sa wala pa mubuto ang hulagway sa birthday ni Rayver . 

Family History mosikad karon

 Family-drama apan dunay lamas nga mupakita sa trademark  sa komedyanteng aktor nga si Michael V .

Mao kini ang genre sa pelikulang  Family History  nga ipasalida na sa mga sinehan  sugod karong adlawa. Gawas sa iyang pagkabida, si Michael  V mismo ang nibarog isip writer ug direktor sa maong pelikula.

Nalakip usab niini sila si Dawn Zulueta, Bianca Umali, Ina Feleo, Kakai Bautista,ug Nonie Buencamino. Suma pa sa komedyanteng aktor nga maghisgot ang maong pelikula sa relasyon sa matag usa , isip partner , anak ug uban pa nga aspeto sa pamilya. Duna puy gamay nga partisipasyon niini sila si Dingdong Dantes, John Estrada ug Eugene Domingo.

Nasayran nga Graded B sa  Cinema Evaluation Board  ang  “Family History”  nga gipaluyohan sa  Mic Test Entertainment, Inc. ug  GMA Pictures .

“Maganda yung istorya ,  ginagawa ko ang bagay na sa tingin ko na magpapasaya ito sa mga tao.   Hindi  ito madali para sa amin,  kasi kung sasabihin natin, magastos talaga ang pelikula,  mabuti nalang , 50-50 kami didto sa GMA ,”  saysay pa ni  Michael V.

Matud pa niya nga  wala siya maghuna-huna sa mahimong resulta niini sa box office.

“ Mabigyan natin ng magandang pelikula  ang mga tao. Maiparating ko sa kanila ang mensahe kung saan makaka-relate sila.  Sa ganyang sitwasyon,  masasabi ko na okay na ako, nagawa ko na yung gusto ko,” tsika pa niya ngadto sa Cebu Entertainment Group atol sa pagtikang niya dinhi sa Sugbo niadtong Biyernes.

Siya maoy espesyal nga speaker sa Master Class Series nga gitambongan sa pipila ka college students dinhi sa Sugbo. Suma pa ni Michael V nga prinsipyo na gyud niya nga dili momugna og  pinadagan nga proyekto.

Gusto gyud siya og han-ay nga proseso  aron  mahimong  lig-on ang output niini.

“Sa shooting, meron akong board kung saan may nakamarka kung anong angle na gusto ko, ipapakita ko sa kanila na merong ibang  paraan para naman maging madali ito sa mga artista.  Sa video editing,  para hindi mahirapan yung editor, meron na akong guide , para mas madali sa kanila ,” matud pa sa komedyanteng actor, ug nidugang nga hands-on gyud  siya sa maong proyekto.

Karon pa lang nakahuna-huna si Michel V sa pagama og movie gumikan kay karon pa siya nakaandam sa pinansyal nga aspeto ilabi na nga co-producer pud siya niini. Gihulagway usab niya nga usa kini ka “worthy project”   nga angayan atngan sa publiko.

Kun trabaho na ang hisgotan,  naka-focus gyud siya niini  aron maseguro niya nga dili gyud mabitin ang mga tawo.

“Kung gagawa naman tayo ng pelikula, hindi natin bigyan ng stress ang mga manonood.  Pumasok sila sa sinehan dahil gusto nila mag-relax. Kumbaga , pumasok sila sa ibang mundo, at pansamantalang iniwan ang mga problema sa labas.   Dapat maintindihan nila agad ang takbo ng istorya ,” saysay pa ni Michael V kinsa nipadayag nga dili siya kaayo pabor sa pelikula nga modalit og mga simbolo  kun diin ang mga manan-away maoy mo- analyze . Kauban ni Michael V sa pagtikang dinhi sa Cebu ang co-star niya sa maong pelikula , ang  actor-singer nga si Mikoy Morales.

“Iba talaga si  Kuya Bitoy.  Parang dito ko lang siya nakita na in complete control and on ground. Ramdam sa set, lahat excited. Lalo na sa first day.  Ramdam yung electricity sa set,” suma pa niya. Matud pa ni  Mikoy nga taas gyud ang respeto niya kang Michael V  gumikan sa dili basta-basta nga talento niini.

Suma pa niya nga grabe gyud ka-creative ang komedyanteng aktor  busa daghan gyud siya og nakat-onan niini ilabi na nga susama silang duha nga mahiligon pud sa trabaho sa production.

Produkto si Mikoy sa The “Protégé: The Battle For The Big Artista Break”, ug nahimong kabahin sa mga programa ni Micheal V, sama sa Bubble Gang ug “Pepito Manaloto”

Matud pa niya nga usa sa iyang  nakat-onan mao ang pagkamapaubsanon ni Michael V  gumikan kay bisan sa kataas na niini og naabtan,  wala gihapon kini daghang arte sa set  ug kahibalo kini makig-jam sa iyang trabaho.