'Husband na siya': Ex-jowa ni Angel Locsin na si Phil Younghusband kasal na

MANILA, Philippines — Tuluyan nang lumagay sa tahimik ang football player na si Phil Younghusband kasama ang Filipino-Spanish fiancée na si Margaret Hall sa Canterbury, Kent, England.

Ipinasilip kahapon ng Nice Print Photo sa kanilang Instagram account ang ilang tagpo sa pag-iisang-dibdib ng dalawa.

 

 

 

 

View this post on Instagram

 

 

 

 

 

 

 

 

 

 

 

A post shared by Niceprintphoto (@niceprintphoto) on Jul 22, 2019 at 10:20pm PDT

Disyembre 2017 nang ianunsyo ng bagong kasal ang kanilang engagement. Taong 2015 ng maging magnobyo at nobya ang dalawa.

"English countryside wedding for Phil Younghusband and Marga Hall yesterday in Canterbury United Kingdom ???? Everything so perfectly beautiful," sabi ng Nice Print sa kanilang paskil.

(Kasal sa kanayunan ng Ingglatera para kina Phil Younghusband at Marga Hall kahapon sa Canterbury, United Kingdom. Napakaganda ng lahat ng nangyari.)

Sa seremonyas, makikita pa ang lalaking may tangan na bagpipe habang nakasuot ng "kilt," na tradisyunal na paldang isinusuot ng kalalakihan sa Scotland.

 

 

 

 

View this post on Instagram

 

 

 

 

 

 

 

 

 

 

 

A post shared by Niceprintphoto (@niceprintphoto) on Jul 21, 2019 at 2:32am PDT

Sampung oras bago ang kasal, kinunan pa ng litrato si Phil habang naglalaro ng football, o soccer (association football).

Miyembro kasi si Phil ng Philippine Azkals, ang koponang kumakatawan sa Pilipinas sa ibang bansa sa larong football.

Nagsisilbi siyang "forward" at team captain nito.

 

 

 

 

View this post on Instagram

 

 

 

 

 

 

 

 

 

 

 

A post shared by Niceprintphoto (@niceprintphoto) on Jul 22, 2019 at 2:55am PDT

Isang taong naging magnobyo sina Phil at aktres na si Angel Locsin bago sila maghiwalay ng landas noong 2013.

Engaged naman na si Angel sa film producer na si Neil Arce.